2 कुरिन्थियों 3:6 - सिरमौरी नौवाँ नियम

⁶ जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

Sirmouri

⁶ जिन्ऐं आँमों नुऐं बाय्दे के दास बण्णों ज़ुगे भे करे, ऐजा बाय्दा ऋषी-मूसा खे भेटे गुऐ निय्म ने आथी, जैसी बाय्दे ना माँन्णों लई मंऊँत्त आँव; परह् पबित्र-आत्त्मा अमर-जीवन दियों।

2 कुरिन्थियों 3:6 ပူးပေါင်းရင်းမြစ်များ

मत्ती 13:52

यीशुए तिनुकै बौल़ौ, “इथकारिए हरेक यहूदी शास्त्री जू स्वर्ग कै राज्य का चैला बौणै रौआ, तैसी घोरो कै ठोगड़े साए औसौ जोबै सै पुराणी औरौ नुई शिक्षाओं खै तैसी ठाँव शै बायरै घाड़ो जिथै सै ओकी कै मौदद कौरणौ कारिए तिनु कौठी कौरौ।”

मत्ती 26:28

जिथुकै ऐजा अंगूर का रस मैरै कौरार कै लोऊ कै जैशणा औसौ। जू बौहितै लोगौ कै ढौबौशै पापौ कै माफी कारिए बोवाए जांव।

मरकुस 14:24

औरौ तैणै तिनुखै बौल़ौ, “ऐजौ अंगूर को रस मैरै लोऊ कै जैशणौ औसौ। मैरौ लोऊ लोगौ कै ढौबौशौ बलिदान कै भैषो दो पैरो जांदो। इयौं बात लैई सैजी कौरार साबित हौलै जू पौरमेशवरे आपणै लोगौ आरी बाणै लोए।

लूका 22:20

ऐशैखैई तैणै खाणौ कै बाद अंगूर कै रसो का भौरेयौंदा छाना ऐजौ बौलेयौ दियु, “ऐजा अंगूर कै रसो का छाना मैरै तैसी लोऊ कै जैशणा औसौ जू तुऔं कारिए बोवाए जांव, जू नोऐं कौरार औसौ।

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

रोमियों 1:5

मसीह दवारा मुखै अनुग्रह औरौ प्रेरिताए पौरमेशवर कै दवारा दैय राए कै तैसकै नांव कै बौजैह शै सौबै जाति कै लोग सुसमाचार पांदी बिशवाश कौरौ औरौ तैसकै आज्ञा का पालन कौरौ।

रोमियों 3:20

मूसा कै कानून का पालन कौरेयौ लोग पौरमेशवर कै साथै सोही ना ठौहरै सौकौ, इथकारिए मूसा कै कानून कै दवारा आमु आछी तरह शै जाणु कै आमुए पाप कौरे राए।

रोमियों 4:15

मूसा कै कानून ना मानणोवाल़ौ पांदी पौरमेशवर गुस्सा हौंव, औरौ जिथै मूसा कै कानून ना आथी तौ तिथै तिथकै टाल़मटाल़ी बै ना आथी।

रोमियों 4:17

पवित्र शास्त्र बौल़ौ, “मोऐं ताखै बौहुती जाति का पुराणिया ठोहराए राखा” पौरमेशवर कै नोज़रो दा अब्राहम अमारा पिता औसौ। तैणै तैसी पौरमेशवर पांदी बिशवाश कौरा, जू मौरेयौंदे कै जियुंदी कौरौ औरौ तिनु चीज़ौ कै बै वजूद दी लांव जिथका वजूद ना आथी।

रोमियों 7:6

पौरौ आमै तैसी नियम कारिए मौरे गौवै थिए जैणै आमु बोन्दी बाणै राए थिए, ऐबै नियम पौरैशै ऐशै छुटै गौवै, कै ऐबै आमु पौरमेशवर कै सेवा पुराणै तरीकै शै लिखित नियम कै मानणौ कै दवारा ना कौरु, पौरौ नौवें तरीकै शै पौरमेशवर कै आत्मा कै अगुवाई कै दवारा कौरु।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

1 कुरिन्थियों 11:25

ऐशैखैई जोबै तिनुऐ खाए पोऊँ थियु, यीशुए ऐक अंगूरो कै रस लैई भौरेयौंदा छाना कौरा औरौ बौल़ौ, “ऐजा छाना मैरै लोऊ मुंजी नोऐं कौरार औसौ: जौल़ौ कौलोंई पियौं, तौ मैरै याद कै खातिर ऐजौई कौरेया।”

1 कुरिन्थियों 12:28

कलीसिया दै पौरमेशवरे कैई भान्त कै काम दैय राए आगै सैजै लोग जू तैसकै चोणेयौंदे चैलै औसौ, औकै पौरमेशवर कै बातौ बौताणौवाल़ै औसौ जू तैसकै बातो खै बौल़ौ, तिजै सैजै लोग जू शिखाणौ वाल़ै औसौ। तिथकै बाद, सैजै लोग जिनु कै तैणै चौमत्कार कौरणौ का औधिकार दैय राए। तोबै सैजै जिनु ओकी कि मौदद कौरणौ कै काबलियत भैटी रौए, तोबै सैजै जू अगुवे औसौ, तोबै सैजै जिनु पवित्र आत्मा दवारा कैई नुई भाषाओं कै बौलणौ कै काबलियत भैटी रौए।

1 कुरिन्थियों 15:45

पवित्र शास्त्र दो ऐजौ बै लैख राए कै, “इयौं धरती पांदी आगला आदमै,, जियुंदी प्राणी बौणा” औरौ आखिर का आदमी, जू कै मसीह औसौ, ऐजा सैजाई औसौ जू सौदा कै जिन्दगी दैंव।

1 कुरिन्थियों 3:10

पौरमेशवरे जू वरदान मुखै दैय राए, तिथका इस्तैमाल कौरदै बैई मोऐं तिथु घौरौ कै नीयुं ऐकी बुध्दिमान राजमिस्तरी साए राखै। औरौ औकै लोगै तियौं नीयुं पांदी काम छैड़ राए, पौरौ सौबी लोगौ खै चौकश रौणौ चैंई कै तिथपांदी कैशै काम छैड़ राए।

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

2 कुरिन्थियों 11:23

का सैजै ही मसीह कै सेवक औसौ? (हांव पागलो कै जैशै बुलू) हांव तिनुदा बौड़ैयौ औसौ! मोऐं तिनुदै जादा मैहनत कौरे, तिनुदा कैई जादा कोयदै दा रौआ, बार-बार पीटा, बैजाए बैई मैरै जान पौरैशानी दै पौड़ै।

2 कुरिन्थियों 3:14

पौरौ सै नासमझ हौए गौवै, जिथुकै ऐलो तौड़ी पुराणै कौरार पोढ़दै बैई तिनकै दिलो पांदी सैजाई पोरदा पौड़ेयौंदा रौआ; पौरौ सिरफ मसीह पांदी बिशवाश कौरणौ कै दवारा ही पोरदा हौटाया जांव।

2 कुरिन्थियों 3:3

ऐजौ प्रगट औसौ, कै तोंवारा बौदलैयौंदा जीवन ऐक चिट्ठी कै जैशणा औसौ जू मसीहे लैख राए, तैणै ऐजै चिट्ठी अमारै सेवकाई कै दवारा लैख राए; औरौ जू सियाई लैई या पाथरो कै पाटड़ी पांदी नी, पौरौ जियुंदै पौरमेशवर कै आत्मा लैई आदमी कै दिल कै पाटड़ी पांदी लैख राए।

2 कुरिन्थियों 3:7

जोबै मूसा कै कानून जू पाथरो कै पाटड़ियों पांदी लिखयो, दैय राए थिए, तैसी सौमय पौरमेशवर कै महिमा प्रकट हौए। इस्राएल देश कै लोग लाम्बै सौमय तौड़ी मूसा कै चैहरै कै ढौबौ ना दैख सौकी जिथुकै सै चौमकै रौआ थिया, भलैई ऐजौ लाम्बै सौमय तौड़ी ना रौई। इथकारिए जै मूसा कै दैययौंदे कानून कै हिसाब शै सेवकाई मौत कै ढौबौ लोए जांव, जैसकै ऐशणी महिमा थी, तौ पौरमेशवर कै आत्मा कै सेवकाई कै महिमा हौजौ जादा हौंदी तौ पवित्र आत्मा कै अगुवाई दै नोऐं कौरार तौड़ी सेवा का काम हौजौ बै पेयाशै लैई भौरेयौंदा हौंदा।

2 कुरिन्थियों 3:9

जिथुकै जोबै दोषी ठौहराणौवाल़ी कौरार झमाकैदार थै, तौ नोऐं कौरार जू आमु पौरमेशवर कै सामणै धरमी बाणौ हौजौ बै झमाकैदार किथु ना हौंदै?

गलातियौं 3:21

का इथका मतलब ऐजा औसौ कै मूसा कै कानून प्रतिज्ञाओ कै खिलाफ औसौ? ना! बिल्कुल नी! जिथुकै जै मूसा कै कानून आमु सौदा कै जिन्दगी दैय सौकौ, तौ आमु इथका पालन कौरेयौ पौरमेशवर कै साथै सोही हौए सौकु थिए।

इफिसियों 2:1

आगै तुऔं कैई पौरमेशवर कै ढौबौशा नौवाँ जीवन नी थी; आपणै बुरै काम औरौ पापौ की बौजैह शै तुऐं मौरेयौंदे लोगौ कै जैशणै थिए।

इफिसियों 2:5

जोबै आमै पापौ की बौजैह शै मौरेयौंदे कै जैशणै थिए, तौ तैणै आमु सौदा कै जिन्दगी दैय राए औरौ तैणै मसीह कै मौरेयौंदे मुंजीदा जियुंदी कौरा; औरौ पौरमेशवर कै अनुग्रह लैई अमारा उध्दार हौए रौआ,

इफिसियों 3:7

औरौ पौरमेशवरे मुखै ऐई मुंजी आपणा अनुग्रह औरौ बौड़ी शौकतै शै, सुसमाचार बौताणौ का सौभाग्य दैय राए।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

2 तीमुथियुस 1:11

पौरमेशवरे मुखै ऐसी सुसमाचार का प्रचार कौरणौ कारिए औरौ चोणेयौंदा चैला बौणणौ कारिए औरौ बैगानै यहूदी लोगौ कै उपदैश दैणौ कै खातिर चोणे राए।

इब्रानियों 12:24

तुऐं यीशु कै धोरे आए रौवै जू पौरमेशवर औरौ लोगौ मुंजी नोऐं कौरार कै बीचवैई कौरौ, औरौ छिड़कैयौंदे लोऊ कै धोरे आए रौवै, हाबिल कै लोऊए न्याय कै मांग कौरे पौरौ मसीह का लोऊ पापौ कै माफी कारिए बौवाया गौआ।

इब्रानियों 13:20

औरौ ऐबै शान्तै का पौरमेशवर, जैणै अमारै प्रभु यीशु खै मौरेयौंदे मुंजीदा औटेयौ लियोऊवा, तुऔं तिनु सौबी चीज़ौ लैई भरपूर कौरौ जिथकी तुऔं तैसकै इछा पोरे कौरणौ कारिए जौरुरत औसौ। यीशु मसीह कै शौकतै कै दवारा तैणै तुऔं मुंजी सैजौ सौबै पौयदा कौरे राए जू तैसी खुशी कौरौ। यीशु हमैशा कै कौरार कै दवारा भेड़ो का महान रोखवाल़ा बौणै गौआ, तैणै आपणी मौत शै आपणै भेड़ो कै झुंड कै साथै कौरार कै स्थापना कौरे जू हमैशा कारिए बौणैयौंदे रौंदी। आमीन।

इब्रानियों 7:22

इथकारिए यीशु सैजा औसौ जू आमु कै ऐक बड़िया कौरार कै पूरै हौणौ कै बौजैह बौणौ।

इब्रानियों 8:13

पौरमेशवरे इथु ऐक नोऐं कौरार बौल़ै, इथकारिए तैणै आगलै कौरार खै पुराणी कौरे दी। औरौ जू किछै बै पुराणौ औसौ औरौ घिसै-पिटीयौंदौ औसौ तिथका नामोनिशान ना रौंदा।

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।

1 यूहन्ना 1:1

आमै तुऔं खै ऐकी आदमी कै बारै मुंजी लैख लौ जू जीवन का वचन औसौ। सैजाई सोंईसारी कै शुरुआत शै थिया, जैसीखै आमुए शुणा औरौ जैसी आमुए आपणी आखी लैई दैखा, यानी जैसीखै आमुए ध्यान शै दैखा औरौ हाथौ लैई छुवा।