2 कुरिन्थियों 3:3 - सिरमौरी नौवाँ नियम

³ ऐजौ प्रगट औसौ, कै तोंवारा बौदलैयौंदा जीवन ऐक चिट्ठी कै जैशणा औसौ जू मसीहे लैख राए, तैणै ऐजै चिट्ठी अमारै सेवकाई कै दवारा लैख राए; औरौ जू सियाई लैई या पाथरो कै पाटड़ी पांदी नी, पौरौ जियुंदै पौरमेशवर कै आत्मा लैई आदमी कै दिल कै पाटड़ी पांदी लैख राए।

Sirmouri

³ ऐजो पर्गट असो, के तुऐ मसीया की चिट्ठी असो; जिनू आँमें दास जैष्णी लिखी थई, अरह् जू स्याही लई ने, परह् जीऊँदें पंण्मिश्वर की आत्त्मा शी, पाथरो की पाटड़ी दी ने, परह् सासो दी माँस की पाट्ड़ी दी लिखी थई।

2 कुरिन्थियों 3:3 ပူးပေါင်းရင်းမြစ်များ

मत्ती 16:16

शमौन पतरसे जोवाब दिया, “कै तू जीवते पौरमेशवर का बैटा मसीह औसौ।”

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

2 कुरिन्थियों 3:6

जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

2 कुरिन्थियों 3:7

जोबै मूसा कै कानून जू पाथरो कै पाटड़ियों पांदी लिखयो, दैय राए थिए, तैसी सौमय पौरमेशवर कै महिमा प्रकट हौए। इस्राएल देश कै लोग लाम्बै सौमय तौड़ी मूसा कै चैहरै कै ढौबौ ना दैख सौकी जिथुकै सै चौमकै रौआ थिया, भलैई ऐजौ लाम्बै सौमय तौड़ी ना रौई। इथकारिए जै मूसा कै दैययौंदे कानून कै हिसाब शै सेवकाई मौत कै ढौबौ लोए जांव, जैसकै ऐशणी महिमा थी, तौ पौरमेशवर कै आत्मा कै सेवकाई कै महिमा हौजौ जादा हौंदी तौ पवित्र आत्मा कै अगुवाई दै नोऐं कौरार तौड़ी सेवा का काम हौजौ बै पेयाशै लैई भौरेयौंदा हौंदा।

2 कुरिन्थियों 6:16

औरौ मूर्तो का पौरमेशवर कै मन्दिरो दा कुणजाई ठाँव ना आथी। जिथुकै आमु तौ जियुंदै पौरमेशवर कै मन्दिर औसौ; जैशैखै पौरमेशवरे पवित्र शास्त्र दो बौल़ै राए, “हांव इनु लोगौ कै साथै रौंदा औरौ तिनुमुंजी हांडेया कौरदा; औरौ हांव तिनका पौरमेशवर हौंदा, औरौ ऐजै मैरै लोग हौंदै।”

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।

इब्रानियों 10:16

“तोबै प्रभु बौल़ौ कै, जू नोऐं कौरार हांव तिनु दूसौ कै बाद इस्राएल कै लोगौ कै साथै कौरदा, सैजै ऐजै औसौ कै हांव आपणै नियम-कानूनो खै तिनकै दिलो दा लिखदा, औरौ हांव तिनकै विवेक दा पांदा।”

इब्रानियों 8:10

तोबै प्रभु बौल़ौ, कै जू कौरार हांव आणौवाल़ै दूसौ दै इस्राएल देश खै लोगौ कै साथै कौरदा, सैजै ऐजै औसौ, कै हांव तिनु मैरै नियम कै बारै मुंजी सुंचणौ दैंदा, औरौ सै तिनु आपणै मन दै राखदै, औरौ हांव तिनका पौरमेशवर बौणदा, औरौ सै मैरै लोग हौंदै।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।

प्रकाशितवाक्य 2:1

तैणै मुखै ऐजौ बै बौल़ौ, इफिसुस शहर कै कलीसिया कै स्‍वर्गदूत खै ऐजा सौंदेश लिख: हांव सैजाई औसौ जू आपणै सोऐं हाथौ दै सात तारै नियौ राखु औरौ जू सूनै की सात दियोटो कै बीचो दा हांडु, हांव जू बुलूए सैजौ शुण:

प्रकाशितवाक्य 2:12

पिरगमुन शहर कै कलीसिया कै स्‍वर्गदूत कै ऐजौ लिख: हांव ही औसौ जैसी कैई तैज दो धार वाल़ी तलवार औसौ। हांव ताखै ऐजौ बुलू:

प्रकाशितवाक्य 2:18

थुआतीरा शहर कै कलीसिया कै स्‍वर्गदूत कै ऐजौ लिख: “पौरमेशवर कै बैटै कै ढौबौशा ऐजा सौंदेश औसौ जैसकी आखी आगी कै लोपटो कै जैशणी चौमकै रोए थी औरौ जैसकै लात पीतलो कै जैशणै चौमकै रौए, जू तैज गरम आगी दै चौमकौ; हांव ताखै ऐजौ बुलू:

प्रकाशितवाक्य 2:8

स्मुरना शहर कै बिशवाशी लोगौ कै मंडली कै स्‍वर्गदूत खै ऐजौ लिख: हांव आगला औरौ आखरी औसौ, हांव एकबेई मौरे गौआ थिया। पौरौ ऐबै हांव जियुंदी औसौ, औरौ हमैशा जियुंदी रौन्दा, जू हांव ऐजौ बुलू तिथु शुणौ:

प्रकाशितवाक्य 3:1

सरदीस शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू सात तारै खै आपणै हाथौ दै लैयौ राखौ औरौ जू पौरमेशवर कै सात आत्माओं खै भैजौ, ऐजौ बौल़ौ कै, हांव तैरै कामौ खै जाणुए, कै तू मुं दा बिशवाश लायक बिशवाशी लागै तौ औसौ, पौरौ सौथीखै तू ऐबै मैरै पौछौड़ियौ ना चालै।

प्रकाशितवाक्य 3:14

लौदीकिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जैसी आमीन बौला जांव। सै बिशवाश योग्यता कै साथै पौरमेशवर कै बारै मुंजी सौचाई कै प्रकट कौरौ, औरौ हांव सैजा औसौ जैसकै दवारा पौरमेशवरे सौब चीज़ौ कै रचना कौरे राए, हांव जू बुलूए सैजौ शुण:

प्रकाशितवाक्य 3:22

जिनु कुणिए मैरी बात शुणी लोए, सै ध्यान शै शोणेया कै पवित्र आत्मा कलीसियाओं शै का बौल़ौ।

प्रकाशितवाक्य 3:7

फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,