2 कुरिन्थियों 3:12 - सिरमौरी नौवाँ नियम

¹² इथकारिए ऐशणै आशा राखैयौ आमै हिम्मत कै साथै बुलू,

Sirmouri

¹² ईन्देखे ऐसी भुर्षें आरी आँमें हिम्मत करियों बुलो,

2 कुरिन्थियों 3:12 ပူးပေါင်းရင်းမြစ်များ

यूहन्ना 10:24

तोबै यहूदी नेताए तैसीखै आयौ खै घेरे दिया औरौ पूछु, “तुऐं आमु जादा सौमय तौड़ी शक दै पाए राए। जै तू मसीह औसौ, तौ आमुखै साफ-साफ बौताए दै?”

यूहन्ना 16:25

“मोऐं ऐजी बातौ तुऔं उदारणो दी बौल़ै रैई, पौरौ सैजा सौमय आए गौआ, कै हांव तुऔं खै उदारणो दौ हौजौ ना बौलदा, पौरौ खौलेयौ तुऔं पिता पौरमेशवर कै बारै मुंजी बोताऊंबा।

यूहन्ना 16:29

यीशु कै चैलै बौल़ौ, “दैख, ऐबै तौ तू खौलेयौ कै बौल़ैए, औरौ कुणजैई उदारणो दौ ना बौल़ै।

प्रेरितो कै काम 14:3

औरौ पौलुस औरौ बरनबास बौहितै दूसौ तौड़ी तिथै रौवै, औरौ प्रभु कै भोरोशे पांदी बिना डौरे बातौ कौरौ थिए : औरौ पौरमेशवरे तिनुलैई निशान औरौ बौड़ै काम कौरे तिनुऐ साबित कौरौ कै पौरमेशवर कै अनुग्रह कै बारै मुंजी तिनका सौंदेश साचा थिया।

प्रेरितो कै काम 4:13

जोबै तिनुऐ पतरस औरौ यूहन्ना कै हिम्मत दैखै, औरौ ऐजौ जाणौ कै ऐजै अनपढ़ औरौ सीधै साधे आदमी औसौ तौ हैरान हुवे; तोबै तिनुऐ जाणै पोऊँ, कै ऐजै यीशु कै साथै रौवै थिए।

प्रेरितो कै काम 9:27

पौरौ बरनबासे तैसी आपणै साथै चोणेयौंदे चैलै कै धोरे नियौ तिनु बौल़ौ, कै ऐणै कैशैकै दमिश्क नगर दा बाटो पुंडा प्रभु यीशु कै दैखा औरौ प्रभुए ऐसीआरी बातौ कौरी; औरौ हौजौ दमिश्क शहर दै ऐणै कैशणै हिम्मत शै यीशु कै नांव का प्रचार कौरा।

प्रेरितो कै काम 9:29

औरौ निडर हौयौ प्रभु कै नांव का प्रचार कौरौ थिया औरौ यूनानी भाषा बौलणोवाल़ै यहूदी लोगौ कै साथी बातौ औरौ बैहसबाजी कौरौ थिया; इथकारिए सै तैसी मारणौ की कौचिश कौरदै लागै।

1 कुरिन्थियों 14:19

कलीसिया दो मुं कारिए आछौ औसौ कै तिथै पाँच शब्द ही बुलू जू सौमझै जाए सौकौ औरौ शिखाणौ या ओकी खै सलाह दियु, बजाय मैरै शब्दो कै बौल हज़ारो हौंव पौरौ सौमझै ना जाए सौकौ।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 कुरिन्थियों 3:11

जिथुकै मूसा कै कानून ऐशणै महिमा कै साथै दैय राए थिए जू लाम्बै सौमय तौड़ी ना रौई। पौरौ नोऐं कौरार कै महिमा बैजाए जादा औसौ जिथुकै ऐजै हमैशा बौणैयौंदे रौंव।

2 कुरिन्थियों 4:13

पौरौ आमै प्रचार कौरणा जारी राखा जिथुकै आमु दा ऐशणा बिशवाश औसौ जैशै पवित्र शास्त्र दो लैख राए, कै “मोऐं पौरमेशवर पांदी बिशवाश कौरा, इथकारिए मोऐं बौल़ौ।” ऐशैखैई आमै बै बिशवाश कौरु, इथकारिए बुलूए।

2 कुरिन्थियों 7:4

मोऐं तुऔं कैंई बैजाए भोरोशे कै साथै बौल़ै लौ, मुखै तुऔं पांदी गर्व औसौ: मुखै बैजाए तसल्ली औसौ; औरौ आपणै सौबै कौल़ेशौ दा हांव खुशी शै बैजाए भौरेयौंदा रोऊं।

फिलिप्पियों 1:14

औरौ प्रभु दै जू बिशवाशी भाई औसौ, तिनुमुंजी दै भौरिशै मैरै कैद दै हौणौ की बौजैह शै उत्साह कै साथै पौरमेशवर का वचन निडर हौयौ शुणाणौ कै हौजौ बै जादा हिम्मत कौरौ।

फिलिप्पियों 1:20

मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

कुलुस्सियों 4:4

औरौ प्रार्थना कौरौ कै हांव मसीह कै भैद कै खौलेयौ बौताए सौकु।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।

1 तीमुथियुस 3:13

जिथु जू सेवको का काम आछै ढंग शै कौरे सौकौ, सै आपी कारिए लोगौ कै दवारा आछा नांव पालै औरौ सै यीशु मसीह दै आपणै बिशवाश कै बारै मुंजी बौड़ै हिम्मत कै साथै बौल़ै सौकौ।

फिलेमोन 1:8

इयौं बौजैह शै हांव ताखै मसीह दा ऐक बिशवाशी हौणौ कै नातै सोही काम कौरणौ कारिए बुलू। हांव मसीह दा चोणेयौंदा चैला हौणौ कै नातै ताखै ऐजौ कौरणौ का आदैश दैय सौकु। पौरौ मोऐं सिरफ तावकैंई दौ ऐजौ ही पूछै लो जिथुकै हांव जाणुए कै तू मुखै औरौ आपणै बिशवाशी आरी प्यार कौरे। हांव, पौलुस बूढ़ा आदमै औसौ औरौ इबी हांव कोयदखाने दा औसौ जिथुकै हांव यीशु मसीह कै सेवा कौरु।