2 कुरिन्थियों 2:9 - सिरमौरी नौवाँ नियम

⁹ जिथुकै मोऐं इथकारिए बै लैख राए थियु कै तुऔं खै पोरखै पोऊँ, कै तुऐं मैरै नियमौ कै मानैया कौरदै, कै ना।

Sirmouri

⁹ किन्देंखे के मुँऐ ईन्देंखे भे लिखी थो, के तुँवारी परख करू, के तुँऐ मेरी बादी बातो माँन्णों खे तियार असो, के आथी ने।

2 कुरिन्थियों 2:9 ပူးပေါင်းရင်းမြစ်များ

2 कुरिन्थियों 10:6

औरौ तैयार रौंव कै जोबै तुऐं पूरी तरह शै मसीह कै आज्ञाकारी हौए जांव, तौ हर भान्त कै आज्ञा ना मानणौ वाल़ै तैसी आदमी कै सौजा दैंव।

2 कुरिन्थियों 2:3

औरौ मोऐं ऐजै बात तुऔं इथकारिए लिखै राए कै कोदी ऐशैखै ना हौंव कै मैरै आणौ शै, जिनुलेई मुखै आनन्द भैटणा चैंई, हांव तिनुदा उदास रौंव; जिथुकै मुखै तुऔं सौबी पांदी इयौं बातौ का भोरोशा औसौ, कै जू मैरा आनन्द औसौ, सैजाई तुऔं सौबी का बै औसौए।

2 कुरिन्थियों 2:4

बौड़ै कौल़ेशौ, औरौ मन कै कोष्ट लैई, मोऐं बैजाए आशु बौवाएयौ तुऔं चिट्ठी लैखै राए, इथकारिए नी, कै तुऐं उदास हौंव पौरौ इथकारिए कै तुऐं तैसी बौड़ै प्यार खै जाणै सौकौ, जू मुखै तुऔंआरी औसौ।

2 कुरिन्थियों 2:8

इयौं बौजैह शै हांव तुऔं कैईंदी बिन्तै कौरु कै तैसीखै बौतांव कै तुऐं सौथीखै तैसीआरी प्यार कौरौ।

2 कुरिन्थियों 8:2

कै जोबै बैजाए पौरैशानी लैई तिनकै परीक्षा कौरे गौए, तौ सै बौहितै खुशी हुवे औरौ जोबै कै सै बौहितै गरीब थिए तोबै बै तिनुऐ ओकी बिशवाशियौं कै मौदद कौरणौ कारिए दया शै धन दियु।

2 कुरिन्थियों 8:24

इथकारिए आपणा प्यार औरौ अमारा सैजा घमण्‍ड जू तोंवारै बारै मुंजी औसौ कलीसियाओं कै सामणै तिनु सोही कौरेयौ दिखांव।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

फिलिप्पियों 2:22

पौरौ तुऐं जाणौए कै तीमुथियुस का चाल चलन आछा औसौ। जैशै बैटा बापू कै साथै कौरौ, तैशैखैई तैणै सुसमाचार कै फौयलाणौ दै मैरै साथै मैहनत कौरे राए।

2 थिस्सलुनीकियों 3:14

जै कुणिए अमारी इयौं चिट्ठी कै सौंदेश खै ना मानौ तौ सौबी कै बौतांव कै सै कुण औसौ ताकि सौब लोग जाणौ। औरौ तैसीआरी संगति नी राखैया, ताकि सै शर्म महसूस कौरौ।

फिलेमोन 1:21

जैशै मोऐं ताखै लैखै लो, मुखै यकीन औसौ कै तू सैजौई कौरदा जू मोऐं ताखै बौल़ै राए। हांव जाणुए कै जू मोऐं बौल़ै राए तू तिंदु बै जादा कौरदा।