2 कुरिन्थियों 2:7 - सिरमौरी नौवाँ नियम

⁷ इथकारिए इदु ऐजौ आछौ औसौ कै तैसका अपराध माफ कौरौ औरौ हौंसला दैंव, ऐशै ना हौंव कै ऐशणा आदमी आपणै बिशवाश कै पूरी तरह शै छोड़े दैंव।

Sirmouri

⁷ ईन्दें शो भलों ऐजो असो, के तैस्के अपराध माफ करह्, अरह् शाँन्ति दियों, ना की ऐष्णा आदमी बैजाऐ ऊदासी दा डूब्बी ज़ाँव।

2 कुरिन्थियों 2:7 ပူးပေါင်းရင်းမြစ်များ

2 कुरिन्थियों 2:8

इयौं बौजैह शै हांव तुऔं कैईंदी बिन्तै कौरु कै तैसीखै बौतांव कै तुऐं सौथीखै तैसीआरी प्यार कौरौ।

2 कुरिन्थियों 5:4

औरौ आमै ऐसी शोरीर दै रौयौ जू तोम्बू कै जैशणै पौरैशानी कै बौझ कै धैनै दौबेयौ लेलयांदै रौंव; जिथुकै आमै इनु सांसारिक शोरीरो खै छोड़णा ना चोऊं, पौरौ आमै चोऊं कै पौरमेशवर आमु स्वर्गीय शोरीर दैंव, ताकि ऐजै शोरीर जू मौरे जांदै सै सौदा कै जिन्दगी लैई बौदलै जांदै।

2 कुरिन्थियों 7:10

जिथुकै सैजा दुख जू पौरमेशवर कै ढौबौशा आंव, उध्दार दैणैवाल़ै पश्‍चाताप कै बौजैह बौणै जांव, जिथै दुख कारिए कुणजाई ठाँव ना रौंव। पौरौ सांसारिक दुख मौत पौयदा कौरौ।

इफिसियों 4:32

ऐकी दूजै पांदी दयालु औरौ करूणामय बौणौ, औरौ जैशै पौरमेशवर मसीह दै तोंवारै पाप माफ कौरे, ऐशैखैई तुऐं बै ऐकी दूजै कै पाप माफ कौरौ।

फिलिप्पियों 2:27

पाका सै बीमार तौ थिया इथै तौड़ी कै सै मौरणौ पांदी थिया, पौरौ पौरमेशवरे तैसी पांदी दया कौरेयौ तैसी ठीक कौरा। पौरमेशवरे सिरफ तैसी पांदी ही नै पौरौ मुं पांदी बै दया कौरे ताकि हांव तिथैशै जादा दुख सैहन ना कौरु जैतरा मोऐं आगै दुख सौयन कौरे राए थिया।

कुलुस्सियों 3:13

औरौ जै कोसी आदमी कै कोसी पांदी दोष दैणौ कै बौजैह हौंव तौ ऐकी दूजै कै सैहन कौरौ औरौ ऐकी दूजै कै पाप माफ कौरौ, जैशै प्रभुए तोंवारै पाप माफ कौरे राए, तैशैखैई तुऐं बै कौरौ।

1 थिस्सलुनीकियों 4:13

ओए रै बिशवाशी भाईयों, आमै चोऊं कै तुऐं ऐजौ जाणै पाव कै तिनु बिशवाशियौं कारिए ऐजौ कैशै हौंदौ जू आगै ही मौरे गौवै। ऐशै नी हौंव, कै तुऐं ओकी कै जैशणा शोक मौनांव जिथुकै तिनु आशा ना आथी कै मौरणौ कै बाद सै औटेयौ जियुंदी हौए जांदै।

2 थिस्सलुनीकियों 3:6

ओए रै बिशवाशी भाईयों, तैसी औधिकार शै जू प्रभु यीशु मसीहे आमु दैय राए, कै ऐशणै कोसी बै बिशवाशी भाई औरौ बोईणी आरी मिली-जोलैयौ नी रौया, जू सुस्त रौंव, औरौ तिनु नियमौ खै ना मानौ जू आमुए तुऔं शिखाए राए।