2 कुरिन्थियों 2:14 - सिरमौरी नौवाँ नियम

¹⁴ पौरमेशवर का धन्यवाद हौं, जू मसीह कै साथै अमारै सौमबंध कै बौजैह बौणौ, सै हमैशा अमारै साथै जांव औरौ आमु जीत दियांव। इथका मतलब औसौ कै आमु जिथै बै जोऊं, आमै सुसमाचार का ऐलान कौरु ताकि सौबै लोग पौरमेशवर कै जाणौ औरौ शुणौ।

Sirmouri

¹⁴ परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

2 कुरिन्थियों 2:14 ပူးပေါင်းရင်းမြစ်များ

यूहन्ना 16:33

मोऐं ऐजी बातौ तुऔं इथकारिए बुली, कै तुऐं मैरै चैलै औसौ औरौ तुऔं शान्तै भैटौ; दुनिया पांदी तुऔं कौल़ेश हौंव, पौरौ हिम्मत राखौ, मोऐं इयौं दुनिया कै ठोगड़े यानी शैतान कै हराए दिया।”

रोमियों 1:8

आगै हांव तुऔं सौबी कै यीशु मसीह दवारा आपणै पौरमेशवर का धन्यवाद कौरु, जिथुकै यीशु मसीह पांदी तोंवारै बिशवाश कै चौर्चा बौहितै ठाँव दै हौए रौए।

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

रोमियों 8:37

पौरौ इनु सौबी बुरी बातौ दै आमु तैसकै दवारा जैणै आमुआरी प्यार कौरा, जीत पूरी तरह शै अमारै औसौ।

1 कुरिन्थियों 12:8

पौरमेशवर का आत्मा ऐकी आदमी खै तौ बुध्दि का सौंदेश बौलणौ कै वरदान दैंव औरौ सैजाई आत्मा कोसी औकै आदमी खै ज्ञान का सौंदेश बौलणौ कै वरदान दैंव।

1 कुरिन्थियों 15:37

जू किछै बै तू बौंए, चाहै गियुँ हौंव या किछै औकौ, ऐजौ सिरफ ऐक बीज़ औसौ। तौ तुऐं आगै दै ही जामैयौंदा पौधा ना लान्दै।

1 कुरिन्थियों 15:57

पौरौ पौरमेशवर का धन्यवाद हौंव, जू अमारै प्रभु यीशु मसीहे अमारै खातिर कौरे राए तिथकै दवारा पौरमेशवरे आमु पाप औरौ मौत पांदी जीत दैय राए।

2 कुरिन्थियों 1:11

जिथुकै तुऐं अमारै प्रार्थनाओं कै दवारा अमारै मौदद कौरौ कै जू आशीषौ तिनकै दवारा भैट रैई तिथकी बौजैह शै बैजाए लोग अमारै ढौबौशा धन्यवाद कौरौ।

2 कुरिन्थियों 8:16

पौरमेशवर का धन्यवाद हौं, जू फिकर मुखै तोंवारै खातिर औसौ सैजी खुशी तीतुस कै मन दै पाए राए।

2 कुरिन्थियों 9:15

आखिर दै, आमु सौबी खै पौरमेशवर का धन्यवाद कौरणा चैंई जिथुकै तैणै आमुखै सौबिदा बौड़ा तौफा यानी आपणै बैटै खै दिया, जैसका शब्दो लैई ब्यान ना कौरे सौकु।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

इफिसियों 5:20

औरौ जू किछै अमारै प्रभु यीशु मसीहे कौरे राए तिथकै बौजैह शै सौदा अमारै पौरमेशवर पिता कै सौबै बातौ कारिए धन्यवाद कौरदै रौव।

फिलिप्पियों 4:18

मुंआगो सौब ठुँ औसौ, बल्कि बैजाए जादा औसौ; जू चीज़ौ तुऐं इपफ्रुदीतुस कै हाथौ दी भैजै रैई थी तिनु पायौ हांव छौकै गौआ। सैजी चीज़ौ मुं कारिए तिथु मीठै खुशबू वाल़ी बलिदान कै जैशणी औसौ, जू मुख्य यहूदी पुरोहित पौरमेशवर कै चौढ़ांव जू कै पौरमेशवर कै अपनाणै कै लायक औसौ औरौ तैसीकै खुश कौरौ।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 1:6

ऐजा सुसमाचार पूरै दुनिया दा फोयलै रौआ औरौ कैई लोग बिशवाशी बौणै रौवै। इथलैई हर जौगैह जिन्दगी बौदल़दै लाग रौए, ठीक तैशैखैई जैशैकै तुऐं आगलै बैई सुसमाचार खै शौणै राए थिया औरौ इयौं सौचाई खै सौमझै राए कै पौरमेशवर तिनु लोगौ कै पापौ खै माफ कौरौ जू मसीह दा भोरोशा राखौ।

कुलुस्सियों 2:15

औरौ पौरमेशवरे मसीह कै क्रूस पांदी मौरणौ कै दवारा दुनिया कै औधिकारो औरौ प्रधानताओं कै हरायो तिनु सौबी कै सामणै बैज्जत कौरे औरौ तिनु पांदी जीतेयो तिनका खुलैआम तमाशा बाणा।

1 थिस्सलुनीकियों 1:8

जिथुकै तोंवारै इथै दै ना सिरफ मकिदुनिया औरौ अखाया प्रदेश मुंजी प्रभु का वचन शुणौऊवा, पौरौ तोंवारै बिशवाश जू पौरमेशवर पांदी औसौ, हर जौगैह जिथै आमु जोऊंए, लोगौ कै तोंवारै बिशवाश कै बारै मुंजी बौतांदै बैई शुणुए। इथकारिए, आमु ओकी खै तोंवारै बारै मुंजी किछै बै बौताणौ कै जौरुरत ना आथी।

1 थिस्सलुनीकियों 3:9

औरौ जैशणै खुशी आमु तोंवारै बौजैह शै आपणै पौरमेशवर कै सामणै औसौ, तिथकै बौदलै आमु तोंवारै बारै मुंजी दिल शै पौरमेशवर का धन्यवाद कौरु।

1 तीमुथियुस 2:8

हांव चोऊं कै हर जौगैह सभाओ दै सैजै मर्द जू पवित्र जीवन जियौं, आपणै हाथौ खै टिपयौ, बिना खीजै औरौ बिना बैहस कै प्रार्थना कौरेया कौरौ।

2 तीमुथियुस 2:2

तुऐं मुखै बौहितै लोगौ कै सामणै मसीह कै बारै मुंजी सौंदेश कै शिखांदै बैई शौणै राए। इथकारिए, हांव चोऊं कै तू बै ओकी बिशवाशियौं कै ऐजा ही सौंदेश शिखा जू बिशवाश लायक लोग औसौ, औरौ जू ओकी खै बै ऐजौई शिखाणौ कै लायक हौंदै।

प्रकाशितवाक्य 7:12

तिनुऐ बौल़ौ, आमीन, “अमारै पौरमेशवर, आमै हमैशा तैरी महिमा कौरु, ताखै धन्यवाद औरौ आदर दियु! आमै मानुए कै तू पूरा ज्ञानवान औसौ, औरौ शौकतीशाली औसौ, जू हमैशा कारिए सौबी कामौ कै कौरणौ कै लायक औसौ! आमीन।”