2 कुरिन्थियों 2:11 - सिरमौरी नौवाँ नियम

¹¹ ताकि शैतान अमारै हालातो का फायदा नी उठाए सौकौ, जिथुकै आमै जाणुए कै सै हमैशा आमु पाप कौरणौ कारिए लुभाणो कै तरीको कै तरकीब बाणौ।

Sirmouri

¹¹ के शैतान का आँमों गाशी किऐ दाव-पैच ने चालो, किन्देंखे के आँमें तैस्के दाव-पैच शे अजाँण्दें ने आथी।

2 कुरिन्थियों 2:11 ပူးပေါင်းရင်းမြစ်များ

मत्ती 4:10

तोबै यीशुए तैसीखै बौल़ौ, “ओए रै शैतान दूर हौए जा, जिथुखै पवित्र शास्त्र दो ऐजौ बै लैखै राए: ‘तू आपणै प्रभु पौरमेशवर कै झोकैबा ढाल़ कौर, औरौ सिरफ तैसकै सेवा कौर।’”

लूका 22:31

“शमौन, ओए रै शमौन! शुण, शैतानै पौरमेशवर शै तुऔं लोगौ कै परीक्षा लोणो कारिए इजाज़त मांगै राए कै आछै औरौ बुरै लोगौ कै जौई कौरौ, जैशैखै ऐक किसान गियुँ शै भूसो कै जौई कौरौ।

यूहन्ना 13:2

यीशुए औरौ तैसकै चैलै बेयाल़ी खाए लोए थै। शैतानै आगैई यीशु कै धौखा दैणौ कारिए शमौन कै बैटै यहूदा इस्‍करियोती कै मनो कै उकसाए राए थिया।

प्रेरितो कै काम 1:25

कै सै इयौं सेवकाई का काम औरौ चोणेयौंदे चैलै का ठाँव लो, जिथुकै यहूदा इस्‍करियोती मौरे गौआ औरौ तैसी ठाँव कै छोड़ेयौ तैसी जौगैह पांदी हौटै गौआ, जिथै तैसी हौणौ चैंई।”

1 कुरिन्थियों 7:5

तुऐं ऐकी दूजै शै जौई ना रौया; पौरौ सिरफ किछै सौमय तौड़ी आपी मुंजी सलाह कौरेयौ प्रार्थना कौरणौ खै छूट लोणी चैंई, औरौ कुछ सौमय कै बाद तुऐं घोरवाल़ा औरौ घोरवाल़ी कै जैशै औटेयौ ऐक साथै रौया; ऐशै ना हौं कै आपणी इछाओं खै काबू दै नी राखणौ कै बौजैह शै शैतान बुरै जीवन जिणौ कारिए तोंवारै परीक्षा कौरौ।

2 कुरिन्थियों 11:14

औरौ ऐजी किछै हैरान कै बात ना आथी जिथुकै शैतान आपी बै पौरमेशवर कै महिमा का ऐक स्‍वर्गदूत का दिखावा कौरौ।

2 कुरिन्थियों 11:3

पौरौ हांव डौरुए कै जैशैखै शैतानै शोंगोऊं साए आपणी चतुराई लैई आगली बैटमाणिश हावा खै बैहकाए, तैशैखैई तोंवारै मन साफ सुथरै औरौ पवित्रता लैई मसीह कै सेवा कै साथै हौणै चैंई, कोदी तुऐं धौखा ना खांव।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 2:24

पौरौ थुआतीरा शहर दै तुऐं बाकी लोगै तियौं झूठी शिक्षा खै ना मानी। तुऐं तिथमुंजी हिस्सा ना लोई जिथु तियौंकै चैलै “शैतान की गैहरी बातौ बौल़ौ।” हांव तुऔं खै बुलू कै हांव तुऔं कुणजै औकै खास आज्ञा ना दुं, सिवाए इथकै कै जांव तौड़ी हांव ना आन्दा तांव तौड़ी मुं पांदी मोजबूती शै बिशवाश कौरणा जारी राखौ।