2 कुरिन्थियों 13:5 - सिरमौरी नौवाँ नियम

⁵ आपी खै पोरखौ, कै बिशवाश दै औसौए कै ना; आपी खै पोरखौ, ऐजौ दैखणौ कारिए कै तोंवारा बिशवाश साचा औसौए कै ना, का तुऐं आपणै बारै मुंजी ऐजौ ना जाणौ, कै यीशु मसीह तुऔं दा औसौए? नही तौ तुऐं बैकार निकल़ै रौवै।

Sirmouri

⁵ आपु-आप्खे जाँच्चो-पर्खो के तुँऐं बिश्वाष दे असो ऐ के आथी ने। आपु-आप्खे जाँच्चो-पर्खो। कियो तुँऐं आप्णें बारे दो ऐजो जाँण्दें ने, के यीशू मसीया तुँओं दे असो? ना तअ तुँऐं जाँच्च-परख दे नि-काँम्में निक्ल़ी रूऐ।

2 कुरिन्थियों 13:5 ပူးပေါင်းရင်းမြစ်များ

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 15:4

तुऐं मुंदै बौणैयौंदे रौंव, औरौ हांव तुऔं दा बोणेयोंदा रौंदा। जैशै शाई जै बाली दी बौणेयौंदी ना रौंव, तौ आपी ना फोल़ सौकौ। तैशैकैई, तुऐं किछै बै आछौ ना कौर सौकौ जै तुऐं मुं दै बौणैयौंदे ना रौंव।

यूहन्ना 17:23

हांव तिनुदा औरौ तू मुं दा कै सै सिध्‍द हौयौ खै ऐक हौए जांव, औरौ दुनिया जाणौ कै तुऐं ही मुखै भैजै राए, औरौ जैशणा तुऐं मुं आरी प्यार राखा, ऐशणाई तिनुआरी प्यार राखा।

यूहन्ना 17:26

मोऐं तिनुकै बौताए राए कै तू कुण औसौ, औरौ बौतांदा रौंदा कै जू प्यार तू मुं आरी कौरे, सैजा प्यार तिनुदा रौंव, औरौ हांव तिनुदा रौंऊ।”

यूहन्ना 6:56

जू मैरा शोरीर खांव औरौ मैरा लोऊ पियौं सै मुंआरी जियुंदा बौणेयौंदा रौंव। औरौ हांव तैसीआरी जियुंदा बौणेयौंदा रोऊं।

यूहन्ना 6:6

पौरौ यीशुए ऐजी बात तैसीखै पोरखणौ कारिए बौल़ै; जिथुखै सै आपी जाणौ थिया कै सै का कौरणौवाल़ा औसौ।

रोमियों 1:28

जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

रोमियों 8:10

जै मसीह तुऔं दा औसौ, तौ आत्मा तुऔं जीवन दैंव जिथुकै तुऐं पौरमेशवर कै साथै सोही ठोहराए गौवै।

1 कुरिन्थियों 11:28

इथकारिए हर आदमी आपी खै जांचैया कौरौ कै का तैसका आपणा विचार सोही औसौ, औरौ तोबै इयौं रोटी मुंजी दो खांव, औरौ छानै पौरैशौ अंगूर का रस पियौ।

1 कुरिन्थियों 11:31

इथकारिए आमै आगै आपणै बर्ताव कै जांच कौरु, तौ पौरमेशवर आमु सौजा ना दैन्दा।

1 कुरिन्थियों 3:16

हकीकत दो तुऐं जाणौए कै तुऐं खुद ही पौरमेशवर का मन्दिर औसौ, औरौ पौरमेशवर का आत्मा तुऔं दा वास कौरौ।

1 कुरिन्थियों 6:15

तुऐं जौरुर जाणौ कै तोंवारा शोरीर मसीह कै अंग औसौ। का ऐकी आदमी खै आपणै शोरीरो कै जू मसीह का औसौ, औरौ इथुकै वेश्या कै दैणा चैंई? ना! कौलोंई बै नी!

1 कुरिन्थियों 6:19

तुऐं जौरुर जाणौ कै तोंवारा शोरीर सैजा पवित्र मन्दिर औसौ, जिथै पवित्र आत्मा रौंव। औरौ पवित्र आत्मा जू तुऔं पौरमेशवर कै ढौबौशा भैटी रौआ, सैजा तुऔं दा बौसेयौंदा औसौ औरौ तुऐं आपणै ना आथी पौरौ पौरमेशवर कै औसौ।

1 कुरिन्थियों 6:2

निशोंक हौयौ तुऐं जाणौए कै भविष्‍य दै पौरमेशवर कै लोग इयौं दुनिया कै लोगौ का न्याय कौरदै। इथकारिए, तुऐं निशोंक हौयौ ऐजौ बौताणौ दै काबिल औसौ कै तुऔं मुंजीदै कुण तोंवारै नानड़ै शै नानड़ै झोगड़े दै सोही औसौ।

1 कुरिन्थियों 9:24

जैशैकै सौब लोग दौड़ दै दोऊड़ो तौ औसौ, पौरौ इनाम ऐकैई आदमी नियौ। तुऐं तैशैखै दोऊड़ो, कै तुऐं जीतौ।

1 कुरिन्थियों 9:27

हांव आपणै शोरीरो खै भ्यास दा लांऊ औरौ बुरी इछाओं कै काबू दी राखु, कोदी ऐशै नै हौंव कै हांव जू ओकी कै सुसमाचार का प्रचार कौरु, औरौ आपी इनाम ना पोऊँ।

2 कुरिन्थियों 6:16

औरौ मूर्तो का पौरमेशवर कै मन्दिरो दा कुणजाई ठाँव ना आथी। जिथुकै आमु तौ जियुंदै पौरमेशवर कै मन्दिर औसौ; जैशैखै पौरमेशवरे पवित्र शास्त्र दो बौल़ै राए, “हांव इनु लोगौ कै साथै रौंदा औरौ तिनुमुंजी हांडेया कौरदा; औरौ हांव तिनका पौरमेशवर हौंदा, औरौ ऐजै मैरै लोग हौंदै।”

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

गलातियौं 4:19

मैरै प्यारे नानड़िया, जैशैखै ऐक बैटमाणिश होल़किणु कै सौमय पीड़ो महसूस कौरौ, तैशैखैई मोऐं एकबेई औटेयौ तोंवारै खातिर पीड़ो झैलू। हांव ऐसी पीड़ा दा तांव तौड़ी रौंदा जांव तौड़ी तुऐं मसीह दै मोजबूत ना हौए जांव।

गलातियौं 6:4

हरेक आदमी आपणै खुद कै कामौ खै जांचो कै का सै आछै औसौ या आथी ना। जै तैणै आछै काम कौरे राए, तौ सै आपणै कामौ पांदी घमण्‍ड कौरे सौकौ।

इफिसियों 3:17

ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 2:7

जैशै ऐक डाल़ जोमीनो दा जोड़ पाकड़ो औरौ ऐक घोर नीयुं पांदी मजबूत रौंव, तैशैखैई तुऐं आपणै बिशवाश दै मजबूत हौंदै रौंव औरौ लगातार तैसीआरी बौढ़दै जाव जैशै तुऔं कै शिखाए राए औरौ जादा सै जादा धन्यवाद कौरदै रौव।

1 तीमुथियुस 2:15

पौरौ पौरमेशवर बैटमाणिशौ खै नानड़िया कै जन्म दैणौ कै दवारा बौचाए दैंदा, जै तियौं दा ऐक शुध्द मन औसौ औरौ सै मसीह दै आपणै बिशवाश दै डगमगाव ना, तियौं ओकीआरी बिना शर्त कै प्यार कौरणा जारी राखणा चैंई, औरौ ऐक बिना दोष का जीवन बाणैयौ राखणा चैंई।

2 तीमुथियुस 3:8

ऐजै झूठै शिक्षक साची सौंदेश का विरोध कौरौ जैशै यन्रेस औरौ यम्‍ब्रेसे मूसा कै खिलाफ हौए रौवै थिए। इनकै दिमाक भ्रष्ट औसौ सोही मायनै दै ऐजै मसीह पांदी बिशवाश ना कौरौ।

तीतुस 1:13

क्रेते टापू कै लोगौ कै बारै मुंजी ऐजी बातौ साची औसौ। इथकारिए तिनु सख्ताई शै चैतावणी दैया कौर, कै सै यीशु मसीह कै बारै मुंजी साची शिक्षाओं पांदी बिशवाश कौरौ।

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

तीतुस 2:2

बुजूर्ग मर्द कै आपी पांदी काबू राखणा चैंई औरौ ऐशैखै बर्ताव कौरणा चैंई ताकि लोग तिनका आदर कौरौ औरौ सौमझदारी शै बर्ताव कौरणा चैंई। तिनु पौरमेशवर पांदी मोजबूती शै बिशवाश कौरणा चैंई, औरौ ओकी लोगौआरी सौचाई शै प्यार कौरणा चैंई औरौ सैहनशोकती राखणै चैंई।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

इब्रानियों 4:1

इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

इब्रानियों 6:8

औकै लोग तियौं जोमीनो कै जैशणै औसौ जू कांडे औरौ झाड़ी जौमांव औरौ ऐजौ बैकार औसौ। ऐजै पौरमेशवर कै दवारा शरापित हौणौ कै खतरै दै औसौ औरौ ऐजै आगै लैई नाश हौए जांदै।

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

1 पतरस 5:9

तुऔं आपणै मोजबूत बिशवाश कै साथै तैसका विरोध कौरणा चैंई। याद राखौ कै तोंवारै मसीह भाईटु जू पूरै दुनिया दै रौए रौवै, ऐशैखैई दुखो खै सौयन कौरे लौवै जैशै तुऐं सौय लौवै।

प्रकाशितवाक्य 2:5

इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।