2 कुरिन्थियों 13:14 - सिरमौरी नौवाँ नियम

¹⁴ प्रभु यीशु मसीह का अनुग्रह औरौ पौरमेशवर का प्यार औरौ पवित्र आत्मा का साथ तुऔं सौबी कै साथै हौंदा रौंव।

Sirmouri

¹⁴ प्रभू यीशू की कृपा अरह् पंण्मिश्वर को पियार अरह् पबित्र-आत्त्मा की संगत्ति तुँओं सोभी आरी हंदी रंह।

2 कुरिन्थियों 13:14 ပူးပေါင်းရင်းမြစ်များ

मत्ती 6:13

‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 7:38

जू मुं पांदी बिशवाश कौरला जैशैकै पवित्र शास्त्रो दो लैखै राए, ‘तैसकै दिल शै पाणी की नोंदी बोहली, जू जीवन दैंव।’”

प्रेरितो कै काम 15:11

ऐशै कौरणौ ठीक ना आथी, पौरौ अमारा बिशवाश तौ ऐजा औसौ कै जैशणै ढंग शै सैजै प्रभु यीशु कै अनुग्रह शै उध्दार पांदै, तैशैखैई आमु बै पांदै, ना कै मूसा कै कानून का पालन कौरेयौ।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

रोमियों 16:20

शान्तै का पौरमेशवर शैतान कै नाश कौरे दैला औरौ तैसी तोंवारै अधीन कौरे दैला। अमारै प्रभु यीशु मसीह का अनुग्रह तुऔं पांदी हौंदा रौंव।

रोमियों 16:23

गयुस बै तुऔं कै आपणा नमशकार भैजौ। हांव तैसकै घोरे रोऊं जिथै कलीसिया कौठी हौंव। इरास्‍तुस, जू शहर कारिए पौयसै कै मामलै कै दैखौ, औरौ अमारै भाई क्‍वारतुस का तुऔं कै नमशकार।

रोमियों 16:27

तैसी एकमात्र बुध्दिमान पौरमेशवर कि यीशु मसीह कै दवारा युग-युग महिमा हौंदी रौंव। आमीन।

रोमियों 5:5

औरौ आशा लैई शर्म ना हौंव, जिथुकै पवित्र आत्मा जू पौरमेशवरे आमु दैय राए तैसकै दवारा पौरमेशवर का प्यार अमारै मनो कै आपणै प्यार लैई भोरै राए।

रोमियों 8:39

ना गहराई औरौ ना पूरी दुनिया दै कुणजै चीज़ आमु पौरमेशवर कै तैसी प्यार शै जौई कौरे सौकौ, जू आमु प्रभु यीशु मसीह कै दवारा भैटी रौआ।

रोमियों 8:9

पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

1 कुरिन्थियों 12:13

जिथुकै आमै सौबीए का यहूदी, का बैगानै यहूदी लोग, का गुलाम, का आज़ाद ऐकैई आत्मा कै दवारा ऐकैई शोरीर हौणौ कारिए बपतिस्मा लौआ, औरौ आमु सौबी कै ऐकैई आत्मा भैटी रौए।

1 कुरिन्थियों 14:16

मान पाव कै कुणिए सीधा साधा आदमै तोंवारै आराधना दा आए रौआ, जोबै तुऐं आपणै आत्मा लैई पौरमेशवर कै स्तुति कौरे लौए। जै सै तोंवारै बातौ कै ना सौमझौ, तौ तोंवारै पौरमेशवर खै धन्यवाद दैणौ कै बाद, तैसी कैशै पौता चालदा कै आमीन कोलो बौलणौ जिथुकै सै ना सोमझो कै तुऐं का लो बुली।

1 कुरिन्थियों 16:23

हांव प्रार्थना कौरु कै प्रभु यीशु का अनुग्रह तुऔं पांदी हौंदा रौंव।

1 कुरिन्थियों 3:16

हकीकत दो तुऐं जाणौए कै तुऐं खुद ही पौरमेशवर का मन्दिर औसौ, औरौ पौरमेशवर का आत्मा तुऔं दा वास कौरौ।

1 कुरिन्थियों 6:19

तुऐं जौरुर जाणौ कै तोंवारा शोरीर सैजा पवित्र मन्दिर औसौ, जिथै पवित्र आत्मा रौंव। औरौ पवित्र आत्मा जू तुऔं पौरमेशवर कै ढौबौशा भैटी रौआ, सैजा तुऔं दा बौसेयौंदा औसौ औरौ तुऐं आपणै ना आथी पौरौ पौरमेशवर कै औसौ।

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

इफिसियों 2:22

ओए रै बैगानै बिशवाशी जिथुकै तुऐं मसीह कै साथै एकजुट औसौ, इथकारिए तुऔं बै पौरमेशवर कै ओकी लोगौ कै साथै जोड़े लौवै। ताकि तुऐं ऐशणा घोर बौणै जांव जिथै पौरमेशवर का आत्मा रौंव।

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

इफिसियों 6:23

हांव अमारै पिता पौरमेशवर शै औरौ प्रभु यीशु मसीह शै प्रार्थना कौरु कै सै तुऔं बिशवाशियौं कै शान्तै दैंव। सै ऐशै कौरौ कै तुऐं ऐकी दुजैआरी प्यार कौरौ औरौ मसीह पांदी सौदा बिशवाश कौरदै रौंव।

फिलिप्पियों 2:1

जै मसीह कै साथै कौठै हौणौ शै तुऔं खोशे भैटौ, जै तुऔं मसीह कै प्यार शै सुकून भैटौ, औरौ जै तुऔं कैई आत्मा कै साथै संगति औसौ, औरौ जै मसीह तोंवारै साथै करूणा औरौ दया कौरणौवाल़ा औसौ,

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।

1 यूहन्ना 3:16

आमुए प्यार इथलैई जाणा कै यीशु मसीहे आमु कारिए आपणै प्राण दैय दियै, इथकारिए आमु बै भाईटु कारिए प्राण दैणै चैंई।

1 यूहन्ना 3:24

औरौ जू पौरमेशवर कै आज्ञा खै मानौए, सै तैसकै साथै औरौ पौरमेशवर तैसकै साथै बौणेयौंदा रौंव औरौ पवित्र आत्मा लैई जू तैणै आमु दैय राए, आमै जाणुए कै पौरमेशवर अमारै साथै बौणेयौंदा रौंव।

यहूदा 1:21

आपी दा पौरमेशवर कै प्यार खै महसूस कौरौ; जोबै कै तुऐं अमारै प्रभु यीशु मसीह का उमीद कै साथै इंतजार कौरे लौआ कै तुऔं सौदा कै जिन्दगी भैटदै। सै तुऔं कै सौदा कै जिन्दगी दैंदा जिथुकै सै तुऔंआरी प्यार कौरौ।