2 कुरिन्थियों 12:18 - सिरमौरी नौवाँ नियम

¹⁸ मोऐं तीतुस खै सौमझायौ तैसकै साथै तैसी भाई खै भैजा, तौ का तीतुसै धौखा कौरेयौ तुऔं कैंईदौ किछै कौरौ? का आमु ऐकैई मकसद दै ना चालु? का ऐकै ही काम ना कौरी?

Sirmouri

¹⁸ मुँऐं तीतुस समझाऐयों तैस्की गईलो ऐक ओका भे भाऐ डियाल़ा, तअ कियो तीतुस ऐ छ़ल़ करियों तुँओं कैई शो किऐ लुओ? कियों आँमें ऐकी ही आत्त्मा के चलाऐ चाले ने? कियों ऐकी ही खअ-बाटो दे चालो ने?

2 कुरिन्थियों 12:18 ပူးပေါင်းရင်းမြစ်များ

रोमियों 4:12

औरौ अब्राहम खतना कौरेयौंदे का पुराणिया औसौ, जू ना सिरफ खतना पांदी आश राखदै बैई औसौ, पौरौ जिनुकैईं तैशणा बिशवाश औसौ, जैशणा अमारै पुराणिया अब्राहम का थिया, जू तैणै खतना कौरणौ दै आगै कौरे राए थिया।

1 कुरिन्थियों 4:21

तुऐं का चांव कै जोबै हांव ओऊं, तौ का कौरु? जै तुऐं इबी बै आपणै बुरै तरीकै खै ना रौकै रैई, तौ हांव तुऔं बोड़ी फटकार लांदा। पौरौ जै तुऐं आपणै बुरै तरीको का पालन कौरणा बंद कौरे राए, तौ हांव तोंवारै प्रति सब्र औरौ प्यार शै काम कौरदा।

2 कुरिन्थियों 7:2

तुऐं आमु शा आपणै पूरै दिल शै प्यार कौरणा चैंई: आमुए ना कोसी कै साथै अन्याय कौरा, ना कोसी खै बिगाड़ै, औरौ ना कोसी खै ठोगै।

2 कुरिन्थियों 7:6

तोबै बै उदास लोगौ खै हौंसला दैणौवाल़ै पौरमेशवरे तीतुस कै आणौ शै आमुखै शान्तै दी।

2 कुरिन्थियों 8:6

इथकारिए आमुए तीतुस खै सौमझौऊवा, कै जैशै तैणै आगै शुरु कौरे राए थियु, तैशैखैई तोंवारै बीच मुंजी ऐजा दान कै काम खै पूरा बै कौरौ।

1 पतरस 2:21

पौरमेशवर कै दवारा तुऔं चोणे जाणौ कै बौजैह मुंजीदै ऐक बौजैह ऐजी औसौ कै तुऔं तैसी कारिए भले काम कौरदै बैई दुख सैहन कौरे पांदै। मसीह, जैणै तोंवारै खातिर दुख सौऊवै, सै आपी तुऔं कारिए ऐक उदारण दैय गौआ, ताकि तुऐं तैसीकै जैशणै चालै सौकौ।