2 कुरिन्थियों 12:15 - सिरमौरी नौवाँ नियम

¹⁵ हांव तोंवारै खातिर बैजाए खुशी शै आपणौ सौबै ठुँ तुऔं दैय दैंदा, यानी कै आपणै जिन्दगी बै दैय दैंदा। जिथुकै हांव तुऔंआरी बैजाए प्यार कौरु, पौरौ मैरै ऐशै जाणियौ कै तुऐं मुं आरी कम प्यार कौरौ।

Sirmouri

¹⁵ हाँव तुँवारी आत्त्मा खे बैजाऐ आँनन्द शा खर्च करूबा, परह् आपु भे बिक्की ज़ाँऊबा। कियों जेतोड़ो बैजाऐ हाँव तुँओं आरी पियार करू, तेती ही कंम तुँऐं मुँह आरी पियार थह्ले?

2 कुरिन्थियों 12:15 ပူးပေါင်းရင်းမြစ်များ

2 कुरिन्थियों 1:6

जै आमै कौल़ेश पोऊँ, तौ ऐजौ तोंवारै शान्तै औरौ मोक्ति कारिए औसौ, औरौ जै आमु शान्तै पोऊँ, तौ ऐजौ तोंवारै शान्तै कारिए औसौ, जिथकी बौजैह शै तुऐं धीरज कै साथै तिनु कौल़ेशौ खै सैय पांव जिनुखै आमु बै सौऊवै।

2 कुरिन्थियों 11:11

मोऐं तोंवारै पौयसै किथु ना कौरी? का मोऐं ऐजौ इथकारिए कौरौ जिथुकै हांव तुऔंआरी प्यार ना कौरु? पौरमेशवर जाणौए कै हांव तुऔंआरी प्यार कौरु।

2 कुरिन्थियों 12:14

ऐबै, हांव तिजाल़ियों तोंवारै धोरे आणौ खै तैयार औसौ, औरौ औटेयौ हांव तुऔं कैईंदै कुणजै मौदद ना माँगदा। जिथुकै हांव तोंवारै जायदात नी, पौरौ तुऔं ही खै चोऊं। जिथुकै नानड़िया खै माँ-बापू कारिए धन कौठा नी कौरणा चैंई, पौरौ माँ-बापू खै नानड़िया कारिए धन कौठा कौरणा चैंई।

2 कुरिन्थियों 12:9

औरौ तैणै मुखै बौल़ौ, “मैरा अनुग्रह तैरै खातिर काफी औसौ, जिथुकै मैरी अनौखी शौकतै कमजोरी दी सिध्द हौंव।” इथकारिए हांव बौड़ै खुशी लैई आपणै कमजोरी पांदी घमण्‍ड कौरदा, कै मसीह कै शौकतै मुं पांदी छाया कौरदै रौंव।

2 कुरिन्थियों 2:3

औरौ मोऐं ऐजै बात तुऔं इथकारिए लिखै राए कै कोदी ऐशैखै ना हौंव कै मैरै आणौ शै, जिनुलेई मुखै आनन्द भैटणा चैंई, हांव तिनुदा उदास रौंव; जिथुकै मुखै तुऔं सौबी पांदी इयौं बातौ का भोरोशा औसौ, कै जू मैरा आनन्द औसौ, सैजाई तुऔं सौबी का बै औसौए।

2 कुरिन्थियों 4:12

तौ इथका मतलब ऐजा औसौ कै आमै लगातार मौत का सामणा कौरे लौआ पौरौ इथका नतीजा ऐजा औसौ कै तुऔं सौदा कै जिन्दगी भैटदै।

2 कुरिन्थियों 7:2

तुऐं आमु शा आपणै पूरै दिल शै प्यार कौरणा चैंई: आमुए ना कोसी कै साथै अन्याय कौरा, ना कोसी खै बिगाड़ै, औरौ ना कोसी खै ठोगै।

2 कुरिन्थियों 7:3

हांव तुऔं दोषी ठोहराणो कारिए ऐजौ ना बुलू, जिथुकै मोऐं आगै ही बौल़ै पोऊ, कै आमु तुऔंआरी पूरै दिल शै प्यार कौरु, आमै जौई ना रौंदै चाहै आमै मौरु या जियुं।

गलातियौं 4:10

तुऐं किछै खास दूसौ या मीनौ या मौसमो या सालो का पालन कौरेयौ पौरमेशवर कै ढौबौ जाणौ कै कौचिश कौरे लौए।

फिलिप्पियों 2:17

प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

1 थिस्सलुनीकियों 2:8

आमै तुऔंआरी ऐतरा प्यार कौरु कै सिरफ पौरमेशवर का सुसमाचार शुणाणौ कारिए ही नी पौरौ तोंवारै खातिर आपणा प्राण बै दैणौ कारिए तैयार थिए। इथकारिए कै आमै तुऔंआरी बैजाए प्यार कौरु थिए।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

इब्रानियों 13:17

आपणै अगुवो कै आज्ञा मानौ; औरौ तिनकै अधीन रौव, तुंआरी आत्माओं कै रोखवाल़ी कौरणै तिनका काम औसौ। तिनु तोंवारै बारै मुंजी पौरमेशवर खै लैखा दैणा पौड़दा कै सै ऐजा काम खुशी लैई कौरौ, औरौ ऐसी काम कै उदासी शै ना कौरौ, तोबै तुऔं कुणजाई फायदा ना भैटदा।