2 कुरिन्थियों 12:1 - सिरमौरी नौवाँ नियम

¹ जै घमण्‍ड कौरणा मुं कारिए ठीक ना आथी, तोबै बै कौरणा पौड़ौ, पौरौ हांव प्रभु कै दैययौंदे दर्शनों औरौ प्रकाशनों कै बातौ कै चौर्चा कौरदा।

Sirmouri

¹ मतल्व घमन्ड करणा मुँखे ठीक ने आथी, तबे भे करणा पड़ो; ईन्देंखे हाँव प्रभू के दिऐ गुऐ दिब्यदर्शणों अरह् प्रकाष्णों की चरचा बखाँण करूबा।

2 कुरिन्थियों 12:1 ပူးပေါင်းရင်းမြစ်များ

यूहन्ना 16:7

हौजौ बै हांव तुऔं साचौ बुलू, कै मैरौ जाणौ तुऔं कारिए आछौ औसौ, जिथुकै जै हांव ना जोऊं, तौ सैजा हौंसला दैणौवाल़ा, तोंवारै धोरे ना आन्दा, पौरौ जै हांव जोऊं, तौ तैसी तोंवारै धोरे भैजै दैंदा।

यूहन्ना 18:14

सै सैजाई कैफा थिया, जैणै यहूदी नेता कै सलाह दै थी कै अमारै लोगौ कारिए ऐकी आदमी कौ मौरणौ आछौ औसौ।

प्रेरितो कै काम 18:9

औरौ प्रभुए ऐकी राती दर्शन दैयौ पौलुस कै बौल़ौ, “डौरेया नी, पौरौ बौलदै जाव औरौ चुपी नी रौया;

प्रेरितो कै काम 23:11

तैसी रातै प्रभु यीशुए पौलुस कै धोरे खौड़ै हौयौ बौल़ौ, “ओए रै पौलुस सब्र राख; जिथुकै जैशणै तुऐं यरूशलेम शहर दै मैरै गवाही दै, तैशैखैई ताखै रोम देश दै बै गवाही दैणी पौड़दै।”

1 कुरिन्थियों 10:23

बैशक, आमु किछै बै कौरणौ कै आज़ादी औसौ। पौरौ आमु कारिए सौबै ठुँ आछौ ना आथी, पौरौ सौबै ठुँ कौरणौ कै ऐजी आज़ादी पौरमेशवर दै अमारै बिशवाश खै मोजबूत ना कौरौ।

1 कुरिन्थियों 14:6

इथकारिए ओए रै बिशवाशी भाईयों जै हांव तोंवारै धोरे आऐबा औकै भाषा दी बातौ कौरु, तौ मुं कैईंदा तुऔं का फायदा औसौ? पौरौ जै हांव तुऔं कारिए पेयाशो या किछै खास ज्ञान लियोऊ या हौणौवाल़ी बातौ या शिक्षा दियु, सै तुऔं कारिए फायदैमंद हौन्दी।

1 कुरिन्थियों 6:12

तुऐं बौल़ै सौकौ कै मुखै सौबै चीज़ौ खै कौरणौ कै इजाज़त दैय राए जिथुकै हांव मसीह का औसौ पौरौ सौबै चीज़ौ लाभ कै नी आथी, मुखै सौबी चीज़ौ खै कौरणौ कै इजाज़त औसौ पौरौ हांव ना चोऊं कै किछै बै मुखै काबू कौरौ।

2 कुरिन्थियों 12:11

हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।

2 कुरिन्थियों 12:5

सौथीखै ऐशणै आदमी पांदी घमण्‍ड कौरणा मुं कारिए आछौ औसौ, जैणै इयौं भान्त का दर्शन दैख राए। पौरौ आपी पांदी आपणी कमजोरी कै छोड़ेयौ, आपणै बारै मुंजी घमण्‍ड ना कौरदा।

2 कुरिन्थियों 12:7

पौरौ मुखै तिनु अनौखी चीज़ौ कै बारै मुंजी घमण्‍ड नी कौरणा चैंई जू पौरमेशवरे मुखै दिखाए रैई। इथकारिए इथ पौरैशौ निपटौणौ कारिए ऐक बैजाए चैईथै पौरैशानै दैय राए। शैतान कै ढौबौशा ऐक दूत मुखै मारणौ कारिए दैय राए, ताकि हांव घमण्डी ना होऊं।

2 कुरिन्थियों 12:9

औरौ तैणै मुखै बौल़ौ, “मैरा अनुग्रह तैरै खातिर काफी औसौ, जिथुकै मैरी अनौखी शौकतै कमजोरी दी सिध्द हौंव।” इथकारिए हांव बौड़ै खुशी लैई आपणै कमजोरी पांदी घमण्‍ड कौरदा, कै मसीह कै शौकतै मुं पांदी छाया कौरदै रौंव।

2 कुरिन्थियों 8:10

पाछलै साल तुऐं ना सिरफ दैणौ मुंजी पौरौ ऐशै कौरणौ कै इछा राखणौ दै बै आगै थिए। इथकै बारै मुंजी तुऔं कारिए सौबीदु आछौ का औसौ, इथकै बारै मुंजी मैरी सलाह ऐजी औसौ: ऐबै जू तुऐं शुरु कौरे राए तिथु पूरु कौरौ। शायद तुऐं बै ऐजौ खत्म कौरणौ कारिए ऐतरै ही बैचैन औसौ जैतरै कै तुऐं ऐजौ शुरु कौरणौ दै थिए।

गलातियौं 1:12

जिथुखै मुखै ऐजौ पुराणिया शै ना भैटी रैई, औरौ ना कोसी धार्मिक शिक्षकै मुखै शिखाए रैई, पौरौ आपी यीशु मसीहे सैजौ मुं पांदी प्रगट कौरे राए।

गलातियौं 2:2

औरौ हांव तिथै हौटा जिथुकै पौरमेशवरे मुखै जाणौ खै बौल़ौ, औरौ जोबै हांव तिथै थिया तौ अगुवो आरी ऐक-ऐक कौरेयौ भैटिया औरौ तिनु तैसी सुसमाचार कै बारै मुंजी बौतौऊ जू मोऐं बैगानै यहूदी लोगौ कै बीच मुंजी प्रचार कौरे राए थिया तिथै मोऐं एकान्त दै जायौ अगुवो खै सौमझाए दियै, ताकि ऐशै ना हौंव, कै जू मोऐं पाछै कौरे राए थियु तिथका किछै नतीजा निकल़ौ।

इफिसियों 3:3

यानी जैशै मोऐं थोड़ै शब्दो दै तुऔं आगै लैखै राए, पौरमेशवरे खुद मुखै तियौं छिपैयौंदे योजना कै दिखाए राए।

1 थिस्सलुनीकियों 4:15

आमै प्रभु यीशु कै वचन कै हिसाब शै तुऔं खै ऐजौ बुलू, कै आमु मुंजीदै जू प्रभु यीशु कै औटेयौ पाछु आणौ तौड़ी जियुंदी रौंदै, औरौ सैजै बिशवाशी जू आगै मौरे गौवै, सै जियुंदी हौंदै औरौ तोबै आमै सौब प्रभु यीशु शै भैटिंदै।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।