2 कुरिन्थियों 11:31 - सिरमौरी नौवाँ नियम

³¹ पौरमेशवर अमारै प्रभु यीशु कै पिता जू सौदा धन्‍य औसौ, जाणौए कै हांव झूठु ना बुलू।

Sirmouri

³¹ प्रभू यीशू का पंण्मिश्वर अरह् पिता जू सदा भागोईत असो! जाणोंऐं के हाँव झूट्ठों ने बुल़्दा।

2 कुरिन्थियों 11:31 ပူးပေါင်းရင်းမြစ်များ

यूहन्ना 10:30

हांव औरौ पिता पौरमेशवर ऐक औसौ।”

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

रोमियों 1:25

जिथुकै लोगै पौरमेशवर कै बारै मुंजी सौचाई पांदी बिशवाश कौरणा छोड़े दिया, औरौ तिनुऐ झूठ कै अपनोऊ, औरौ तिनुऐ पौरमेशवर कै बौदलै दुनिया कै आराधना औरौ सेवा कौरे, पौरमेशवर कै महिमा हमैशा हौंदै रौंव। आमीन।

रोमियों 1:9

पौरमेशवर जैसकै सेवा मोऐं पूरै दिल शै तैसकै बैटै कै बारै मुंजी सुसमाचार लोगौ कै शुणायौ कौरु, सैजाई पौरमेशवर मैरा गवाह औसौ, कै हांव आपणी प्रार्थनाओं दै तुऔं लोगौ कै लगातार याद कौरेया कौरु।

रोमियों 15:6

ताकि तुऐं सौबै ऐकी साथै मिलैयौ, अमारै प्रभु यीशु मसीह कै परमपिता पौरमेशवर कै स्तुति कौरौ।

रोमियों 9:1

ऐबै किछै बै आमु पौरमेशवर कै प्यार शै जौई ना कौरे सौकौ, तौ इस्राएली लोग, पौरमेशवर शै दूर किथु औसौ? मैरै दिल दा तिनु कारिए बैजाए दुख औसौ, औरौ हमैशा मैरै दिल दी तिनु कारिए पीड़ो औसौ। सौथीखै, आपणै ही लोगौ कै उध्दार कै खातिर, हांव आपी पांदी आरोप लाणौ औरौ मसीह शै जौई हौणौ कारिए तैयार औसौ। मोऐं मसीह कै गवाह मानैयौ साचौ बौल़ै लो। पवित्र आत्मा औरौ विवेक बै गवाहै दैंव कै सौबै बातौ झूठी ना आथी।

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

2 कुरिन्थियों 1:23

पौरमेशवर मैरा गवाह औसौ कै मोऐं तुऔं साचौ बौल़ै लो, कै हांव औटेयौ कुरिन्‍थुस शहर दा इथकारिए ना आई कै हांव तुऔं कोष्ट ना दैणा चोऊं।

2 कुरिन्थियों 1:3

अमारै प्रभु यीशु मसीह कै पिता औरौ पौरमेशवर कै बौड़ाए हौंव, जू दया का पिता औसौ औरौ आमु हमैशा तसल्ली दैंव जू सौब तरह कै शान्तै का पौरमेशवर औसौ।

2 कुरिन्थियों 11:11

मोऐं तोंवारै पौयसै किथु ना कौरी? का मोऐं ऐजौ इथकारिए कौरौ जिथुकै हांव तुऔंआरी प्यार ना कौरु? पौरमेशवर जाणौए कै हांव तुऔंआरी प्यार कौरु।

गलातियौं 1:20

पौरमेशवर जाणौए कै जू मोऐं तुऔं खै लैखै लौ, सैजौ पूरी तरह शै साचौ औसौ।

इफिसियों 1:3

अमारै पौरमेशवर औरौ प्रभु यीशु मसीह कै पिता कै बौड़ाए हौंव। तैणै आमु स्वर्ग शै हर भान्त कै आत्मिक आशीष दैय राए जिथुकै आमै मसीह कै साथै ऐक हौए गौवै।

इफिसियों 3:14

इथकारिए हांव, पौलुस, तोंवारै खातिर पिता पौरमेशवर शै प्रार्थना कौरु।

कुलुस्सियों 1:3

जोबै आमै तुऔं कारिए प्रार्थना कौरु तोबै आमै आपणै प्रभु यीशु मसीह कै पिता यानी पौरमेशवर का धन्यवाद कौरु।

1 थिस्सलुनीकियों 2:5

तुऐं जाणौए कै आमै ना तौ कौलोंई चापलूसी की बातौ कौरेया कौरु थिए, औरौ आमुए ऐशणै मकसद लैई काम ना कौरी जू लालची औसौ, पौरमेशवर गवाही दैंव कै आमु ऐशणै ना थी।

1 तीमुथियुस 1:11

ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

1 तीमुथियुस 6:16

औरौ सिरफ सै एकमात्र औसौ जू सौदा कारिए जियुंदा औसौ, औरौ सै ऐतरै चोमकदार पेयाशै दा रौंव औरौ ना कोसी आदमीए तैसी दैख राए औरौ ना कुणिए दैख सौकौ। तैसकै महिमा, शौकतै औरौ राज्‍य जुग-जुग रौंदै। आमीन।

1 पतरस 1:3

अमारै प्रभु यीशु मसीह कै पिता औरौ पौरमेशवर का धन्यवाद हौं, पौरमेशवरे अमारै खातिर आपणी बौड़ै दया शै आमु ऐक नौवाँ जीवन दैय राए। जिथुकै पौरमेशवरे यीशु मसीह खै मौरेयौंदे मुंजीदा जियुंदी कौरा, तैणै आमु बैजाए भोरोशे कै साथै जिणौ कै लायक बाणै राए; यानी कै तिनु चीज़ौ खै पाणौ कै पूरै उमीद कौरे सौकौ जू तैणै आमु दैणौ का वादा कौरे राए।