2 कुरिन्थियों 11:23 - सिरमौरी नौवाँ नियम

²³ का सैजै ही मसीह कै सेवक औसौ? (हांव पागलो कै जैशै बुलू) हांव तिनुदा बौड़ैयौ औसौ! मोऐं तिनुदै जादा मैहनत कौरे, तिनुदा कैई जादा कोयदै दा रौआ, बार-बार पीटा, बैजाए बैई मैरै जान पौरैशानी दै पौड़ै।

Sirmouri

²³ कियों सेही मसीया के दास असो; हाँव झाले को जैष्णों बुलू, हाँव तिन शा बड़ियों असो! जादा मेंह्नत्त कर्णो दा; बार-बार कय्द हंणों दा; कोड़े खाँणों दा; बार-बार मंऊँती के मुँहों दा;

2 कुरिन्थियों 11:23 ပူးပေါင်းရင်းမြစ်များ

प्रेरितो कै काम 14:19

पौरौ कैतरै यहूदी लोगै अन्‍ताकिया शहर औरौ इकुनियुम शहरो शै आयौ लोगौ कै आपणै ढौबौ कौर दियै, औरौ पौलुस पांदी पथराव कौरा, औरौ मौरेयौंदा सौमझेयौ तैसी नोगर कै बायरै घोसिटैयौ लोय गौवै।

प्रेरितो कै काम 20:23

सिरफ ऐजौ कै पवित्र आत्मा हर नगर दै चैतावणी दैय-दैयौ मुंकैई बौल़ौ कै कैद औरौ कौल़ेश तांव कारिए तैयार औसौ।

प्रेरितो कै काम 21:11

तैणै अमारै धोरे आयौ पौलुस का सापा कौरा, औरौ आपणै हाथ लात बांनैयौ खै बौल़ौ, “पवित्र आत्मा ऐजौ बौल़ौ, कै जैसी आदमी का ऐजा सापा औसौ, तैसीखै यरूशलेम शहर दै यहूदी लोग ऐशैखैई बांनदै, औरौ बैगानै यहूदी कै हाथौ दा दैय दैंदै।”

प्रेरितो कै काम 25:14

तिनकै तिथै बौहितै दूस रौणौ कै बाद फेस्तुसे पौलुस कै बारै मुंजी राजा खै बौतौऊ, “ऐक आदमी औसौ, जैसी फेलिक्से कोयदै छोड़े राए।

प्रेरितो कै काम 27:1

जोबै फेस्तुस राज्यपाल दवारा ऐजौ पाको हौए गौ कै आमै जहाजो खै दवारा इटली देश कै जांदै, तौ तिनुऐ पौलुस औरौ किछै ओकी कोयदी खै बै यूलियुस नांव कै सूबेदार खै हाथौ दै सौंपै दिए। जू महाराजा औगुस्‍तस कै सैनिक गुट का ऐक सूबेदार थिया।

प्रेरितो कै काम 28:16

जोबै आमै रोम शहर दै पौऊंचै, तौ पौलुसो खै ऐकी सैनिक कै साथै जू तैसकै रोखवाल़ै कौरौ थिया, इकली रौणौ कै आज्ञा भैटी।

प्रेरितो कै काम 28:30

औरौ पौलुस पूरै दो साल तौड़ी आपणै किराए कै घोरो दा रौआ। औरौ जू तैसकै धोरे आंव थिए, तिनु सौबीआरी भैटिंदा रौआ।

प्रेरितो कै काम 9:16

औरौ हांव तैसीखै बौतांदा, कै लोगौ खै मैरै बारै मुंजी प्रचार कौरणौ कै बौजैह शै तैसी कैशणा-कैशणा दुख झैल़णा पौड़दा।”

रोमियों 8:36

जैशैखै पवित्र शास्त्र दो लैखै राए, “पौरमेशवर कै खातिर आमु हर सौमय मौत का खतरा रौंव; आमु मौरणौ वाल़ी भेड़ो कै जैशणै गिणै राए।”

1 कुरिन्थियों 15:10

इथकारिए हांव पौरमेशवर कै अनुग्रह लैई चोणेयौंदा चैला औसौ। औरौ तैसकै अनुग्रहे शै मैरै जीवन दा बोड़ा बदलाव आया। मोऐं औकै कोसी बै चोणेयौंदे चैलै शै बौढ़ेयौ मैहनत बै कौरे, तौ बै ऐजौ मैरै ढौबौशौ ना आथी पौरौ पौरमेशवर कै अनुग्रह मुखै तैसका काम कौरणौ दै मौदद कौरे।

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

1 कुरिन्थियों 4:1

ठीक तौ ऐजौ हौन्दौ कै लोग आमु यीशु मसीह कै सेवक औरौ पौरमेशवर कै भण्‍डारी सौमझौ, जिनु सुसमाचार कै छिपैयौंदे सौचाई खै सौमझणौ का काम सौंपै राए।

1 कुरिन्थियों 4:11

ऐलो कै दूसौ तौड़ी भूखै-प्यासै औरौ पुराणै फाटेयौंदे लुस्कै दै औसौ, औरौ घूसै बै खोऊं आमुकैंई घोर बै ना आथी।

1 कुरिन्थियों 4:9

मैरै ऐशै जाणै रौ कै पौरमेशवरे आमु चोणेयौंदे चैलै खै विजय यात्रा दै मौत कै सौजा भैटैयौंदे कोयदी कै जैशणै सौबी दै आखरी ठाँव पांदी राखै राए। आमै सारै दुनिया कै लोगौ कै सामणै औरौ स्वर्ग कै स्‍वर्गदूतौ कै सामणै तमाशा बौणै गौवै।

2 कुरिन्थियों 10:7

तुऐं बायरी दिखावट कै दैखौ, जै कोसी कै आपी पांदी ऐजा भोरोशा हौं, कै हांव मसीह का औसौ, तौ सै ऐजौ बै जाणै पाव, कै जैशै सै मसीह का औसौ, तैशैखैई आमै बै मसीह कै औसौ।

2 कुरिन्थियों 11:5

मैरै जाणियौ कै हांव तिनुदा आछा औसौ जिशैक सैजै लोग जू ऐशैकै दिखावा कौरौ कै सै सौबी चोणेयौंदे चैलै मुंजीदै बौड़ै औसौ।

2 कुरिन्थियों 3:6

जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

2 कुरिन्थियों 6:9

किछै लोग आमु मशहूर सौमझौ, पौरौ किछै लोग आमु अणजाण सौमझौ; मौरेयौंदे कै जैशणै औसौ औरौ तोबै बै जियुंदी औसौ, आमै मार खाणौ वाल़ौ कै जैशणै औसौ पौरौ जान शै मारै ना जोऊं।

गलातियौं 6:17

औगौड़ियौ कै मुखै दुख ना दौ, जिथुकै मैरै शोरीर पांदी जू दाग औसौ सैजै दिखांव कै हांव यीशु का ऐक चोणेयौंदा चैला औसौ।

इफिसियों 3:1

जिथुकै पौरमेशवरे तुऔं बैगानै यहूदी लोगौ कै खातिर ऐजौ सौबै कौरौ, हांव पौलुस, तुऔं कारिए प्रार्थना कौरु। हांव ज़ेलो दा औसौ जिथुकै हांव तुऔं कारिए मसीह यीशु कै सेवा कौरु।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

इफिसियों 6:20

इथकारिए हांव जंजीरो दा जोकड़ेयौंदा ऐक राजदूत कै जैशणा सेवा कौरु। प्रार्थना कौरौ कै, जैशैकै मुखै बौलणौ चैंई, तैशैखैई निडरता कै साथै सुसमाचार का प्रचार कौरे सौकु।

फिलिप्पियों 1:13

इथै तौड़ी कै महाराजा कै राजभवन कै सारै सैनिक गुटो औरौ महल कै सौबी लोगौ मुंजी ऐजौ प्रगट हौए गौ कै हांव कैद दा औसौ, जिथुकै हांव मसीह कै सेवा कौरु।

फिलिप्पियों 2:17

प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

कुलुस्सियों 1:29

औरौ ऐजौ पूरु कौरणौ कारिए हांव कड़ी मैहनत औरौ संघर्ष कौरु, तियौं अनौखी शौकतै कै इस्तैमाल कौरदै बैई जू मसीह दैंव औरौ जू मैरै भीतरै काम कौरौ।

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

2 तीमुथियुस 1:16

उनेसिफुरूस कै घोराणे पांदी प्रभु दया कौरौ, जिथुकै सै मौखै भैटिंदा ओऊवा औरौ कैई बार मैरै मौदद कौरे, औरौ इथै कोयदी दा मुंआरी भैटिणौ कारिए आणौ खै बै शोर्मेई ना।

2 तीमुथियुस 1:8

इथकारिए ओकी लोगौ कै अमारै प्रभु यीशु मसीह कै बारै मुंजी बौताणौ कारिए आमु शर्माणो नी चैंई औरौ ना ताखै इयौं बातौ शै शर्माणो चैंई कै हांव मसीह की सेवा कौरणौ कै बौजैह शै कोयदी दा औसौ बल्कि ताखै तियौं अनौखी शौकतै का इस्तैमाल कौरणा चैंई जू पौरमेशवर ताखै दैंव औरौ सुसमाचार कारिए मैरै दुखो दा मैरा साथ दै।

2 तीमुथियुस 2:9

मोऐं कोयदखाने दा ऐक अपराधी कै जैशणा दुख सौयन कौरे लौआ जिथुकै हांव सुसमाचार का प्रचार कौरु। पौरौ कुणिए बै लोग पौरमेशवर कै वचन कै प्रचार कौरणौ शै रौकै ना सौकौ।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।