2 कुरिन्थियों 11:2 - सिरमौरी नौवाँ नियम

² जिथुकै हांव तुऔंआरी तैशैखैई प्यार कौरु औरौ तोंवारै परवाह कौरु जैशै पौरमेशवर कौरौ, इथकारिए मोऐं तुऔं पवित्र कुंवारी कै जैशणा मसीह खै दैणौ औरौ सिरफ तैसीखै ही सौंपै दैणौ का वादा कौरे राए। जैशै ऐक बापू आपणै बैटी खै बैयाव कै सौमय आपणै घोरवाल़ै खै ऐक पवित्र कुंवारी कै रुप दा सौंपौ।

Sirmouri

² किन्देंखे के हाँव तुँवारी ताँईऐं, ईश्वर की धुन-लगंन दा रंऊँ; ईन्देखे के मुँऐं तुँवारी सिर्फ ऐकी ही मालक मसीया यीशू आरी सगाऐ कराऐ थऐ; के तुँऐं ऐक पबित्र कुवाँरी कन्याँ जैष्णें मसीया कैई पैष करू।

2 कुरिन्थियों 11:2 ပူးပေါင်းရင်းမြစ်များ

यूहन्ना 3:29

दूल्हा दु‌‌ल्हन शै बैयाव कौरे पांव, पौरौ दुल्है का दोस्त खौड़ा हौंव, औरौ तैसकी शुणौ, औरौ दुल्है कै शब्द लैई बैजाए खुश हौंव, इथकारिए मैरा दिल बै खुशी शै भोरै गौआ।

रोमियों 7:4

तौ ओए रै मैरै बिशवाशी भाईयों, जोबै तुऐं मसीह कै साथै मौरे गौवै, तौ तुऐं नियम कै औधिकार कारिए बै मौरे गौवै। ऐबै तुऐं मसीह कै औसौ जू मौत पौरैशा जियुंदी हौए गौआ ताकि तुऐं पौरमेशवर कारिए फलदायक जीवन जी सौकौ।

1 कुरिन्थियों 4:15

भले ही तुऔं कैई पालन कौरणौ कारिए औरौ बाट दिखाणौ कारिए मसीह दै हज़ारो शिक्षक हौंव, तोबै बै हांव ही तोंवारै पिता कै जैशणा औसौ, जू तोंवारै खातिर सुसमाचार लायौ ओऊवा, जिथकै बौजैह शै तुऔं मसीह यीशु पांदी बिशवाश हौआ।

2 कुरिन्थियों 4:14

जिथुकै आमै जाणुए, जैणै प्रभु यीशु खै मौरेयौंदे मुंजीदा जियुंदी कौरा, पौरमेशवर आमु बै यीशु कै साथै रौणौ कारिए जियुंदी कौरदा औरौ तुऔं लोगौ कै साथै आमुखै बै आपणै पौरमेशवर कै सामणै खौड़ा कौरदा।

गलातियौं 4:11

जू किछै तुऐं कौरे लौ तिथकै बौजैह शै मौखै डौर औसौ, कोदी ऐशै ना हौंव कै जू-जू मैहनत मोऐं तुऔं कारिए कौरे राए सै बैकार हौए जांव।

फिलिप्पियों 1:8

इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

कुलुस्सियों 1:28

आमै हरेक आदमी कै मसीह कै बारै मुंजी बौतौऊं औरौ पौरमेशवरे जू पूरा ज्ञान आमु दैय राए सौबी कै चैतावणी दियु औरौ सौबी कै शिक्षा दियु, ताकि आमु ऐजौ पाकौ कौरे सौकु कै सौबवे मसीह दा ऐक सिध्‍द बिशवाशी हौए सौकौ जोबै सै पौरमेशवर कै सामणै खौड़ै रौंदै।

1 थिस्सलुनीकियों 2:11

जैशै तुऐं जाणौए, कै जैशैखै पिता आपणै नानड़िया आरी बर्ताव कौरौ, तैशैखैई आमै बै तुऔं मुंजीदै हरेक खै उपदैश दियु, औरौ तसल्ली दियु, औरौ सौमझौऊं थिए।

प्रकाशितवाक्य 14:4

ऐजै सैजै औसौ जू पवित्र जीवन जियौंए। ऐजै तिनु लोगौ कै जैशणै औसौ, जिनुवै ऐक बैई बै नाजायज सौमबंध ना बाणी औरौ ना ही इनुवे कौलोंई कियौंई चीज़ौ कै पूजा कौरे, ऐजै सिरफ मेम्ने कै ही आराधना कौरौ जिथै मेम्ना जांव, ऐजै लोग तैसकै पौछौड़ियौ हौए जांव। ऐजै सैजै औसौ जिनुकै धोरती कै सौबी आदमियों शै जौई कौरे राए। जैशै लोग आपणै खेतौ कै फसल का सौबिदा आछा हिस्सा पौरमेशवर कै दैंव तैशैखैई ऐजै लोग बै आपणै जीवन कै पूरी पवित्रता कै साथै पौरमेशवर औरौ मेम्ने कै दैंव।