2 कुरिन्थियों 11:13 - सिरमौरी नौवाँ नियम

¹³ जिथुकै ऐशणै लोग झूठै चोणेयौंदे चैलै, औरौ छल लैई काम कौरणौवाल़ै, औरौ सै मसीह कै चोणेयौंदे चैलै हौणौ का दावा कौरौ।

Sirmouri

¹³ किन्देंखे के ऐष्णें लोग झुठे खास-चैले अरह् धोखे शे काँम-काज़ कर्णो वाल़े, अरह् मसीया के खास-चैले का रूप धारण कर्णो वाल़े असो।

2 कुरिन्थियों 11:13 ပူးပေါင်းရင်းမြစ်များ

मत्ती 25:24

तोबै जैसीखै ऐक झोल़ा भैटी रौआ थिया, तैणै आयौ बुलू, ‘ओए रै मालिक, हांव ताखै जाणुए कै तू कठोर आदमी औसौ, तू ओकी लोगौ कै काम शै फायदा कमाणौ कै उमीद कौरे औरौ जिथै बिज़ ना बोए तिथै दो कौठौ कौरे।’

प्रेरितो कै काम 15:1

तोबै किछै य‌हूदी बिशवाशी यहूदिया प्रदेश शै अन्‍ताकिया शहर खै आए औरौ बिशवाशियौं खै शिखांदै लागै कै, “जै मूसा कै कानून कै हिसाब शै तोंवारा खतना ना हौं तौ तुऐं उध्दार ना पाए सौकौ।”

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

प्रेरितो कै काम 20:30

इथै तौड़ी कै तोंवारै आपणै बिशवाशियौं कै झुंड मुंजीदै, ऐशणै-ऐशणै लोग आन्दै, जू चैलै खै आपणै पौछौड़ियौ खिंचणो कारिए उलटी सीधी बातौ बौलदै।

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

2 कुरिन्थियों 11:15

इथकारिए जै तैसकै सेवक बै धार्मिकता कै सेवको जैशणा रुप का दिखावा कौरौ, तौ कुणजै बौड़ै बात ना आथी, पौरौ तिनका अन्त तिनकै कामौ कै हिसाब शै हौंदा।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

गलातियौं 1:7

सिरफ ऐकैई साचा सुसमाचार औसौ पौरौ किछै लोग मसीह कै बारै मुंजी सुसमाचार कै बिगाड़णा चांव औरौ तिनु लोगै तुऔं बैहकाए राए।

गलातियौं 4:17

झूठै शिक्षक तुऔं आपणै ढौबौ कौरणौ कै खुशी थिए। तिनका मकसद तोंवारै भोलाए का ना आथी तिनका मतलब तौ तुऔं मुंवादा जौई कौरणा औसौ ताकि तुऐं तिनकै चैलै बौणै जांव।

गलातियौं 6:12

जू लोग ओकी यहूदी लोगौ कै खुश कौरणा चांव, सैजैई तुऔं खतना कौरवाणौ कारिए जोर लांव। सै ऐजौ सिरफ इथकारिए कौरौ ताकि लोग तिनु ऐजा प्रचार कौरणौ कै बौजैह शै ना सतांव कै मसीह क्रूसो पांदी मौरा।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

फिलिप्पियों 3:18

जिथुकै ऐशणै बौहितै लोग औसौ जिनकै बारै मुंजी मोऐं तुऔं कै बार बार बौल़ै राए औरौ ऐबै बै रुए-रूएयो बुलू कै जू ऐशैकै बर्ताव कौरौ औरौ दिखांव कै जैसी बौजैह शै मसीह क्रूस पांदी मौरा, सै तैसकै खिलाफ औसौ।

फिलिप्पियों 3:2

तिनु लोगौ शै चौकश रौंव जू कुते कै जैशणै बर्ताव कौरौ, औरौ सैजै जू बुरै काम कौरौ। औरौ तिनु लोगौ शै बै चौकश रौंव, जू बौल़ौए तुऔं उध्दार कारिए खतना कौरवाणा जौरुरी औसौ।

कुलुस्सियों 2:4

हांव ऐजौ इथकारिए बुलू कै कुणिए आदमै तुऔं झूठी शिक्षाओं पांदी बिशवाश कौरणौ कारिए राजी कौरेयौ धौखा नै दैंव

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।

1 यूहन्ना 2:18

ओए रै नानड़िया, ऐजा आखरी सौमय औसौ जोबै मसीह औटेयौ पाछु आन्दा, औरौ जैशैखै तुऐं शौणै राए कै मसीह कै दुशमन आए गौवै, औरौ तैसकै हिसाब शै ऐबै बै बौहितै मसीह कै दुशमन ऊबै बिजै रौवै; इथलैई आमै जाणुए कै ऐजा आखरी सौमय औसौ।

1 यूहन्ना 4:1

ओए रै प्यारो, हरेक आदमी पांदी बिशवाश ना कौरौ जू पवित्र आत्मा कै दवारा बौलणौ का दावा कौरौ: यानी आत्माओं खै पौरखौ कै सै पौरमेशवर कै ढौबौशै औसौ कै ना आथी; जिथुकै बौहितै झूठै पौरमेशवर कै बातौ बौताणौवाल़ै इयौं दुनिया पांदी आए गौवै।

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।

प्रकाशितवाक्य 19:20

सैजा राकस औरौ सैजा झूठा सौंदेश दैणौवाल़ा पाकड़ै गौआ। ऐजा झूठा सौंदेश दैणौवाल़ा सैजाई औसौ जैणै आगलै राकस कै ढौबौशै चौमत्कारी निशान दिखाए औरौ तिनु सौबी लोगौ कै भरमाए, जिनुवै आगलै राकस कै छाप आपणै माथै पांदी लाए राए थी, औरौ जू तैसकै मूर्ती कै पूजा कौरौ थिए। इनु दुईनै जीतै जी तियौं आग कै झीलो मुंजी पाए दियै, जू गन्धक लैई जौल़ौ।

प्रकाशितवाक्य 2:2

हांव जाणुए कै तू का कौरे, तू कैशै मैहनत कौरे औरौ कौलोंई हार ना मानै; हांव जाणुए कै तू बुरै लोगौ कै झूठी शिक्षाओं कै सैहन ना कौरे। तुऐं तिनु लोगौ कै जांचै राए जू बौल़ौए कै सै चोणेयौंदे चैलै औसौ पौरौ सौथीखै आथी ना, औरौ तुऐं तिनु झूठै पाए राए।

प्रकाशितवाक्य 2:20

पौरौ मुखै तुऔंआरी ऐजी शिकायत औसौ, कै तुऐं तियौं बैटमाणिश इजेबेल खै झूठी शिक्षा फोयलाणो दैंव। सै बौल़ौए कै सै ऐक पौरमेशवर कै बातौ बौताणौवाल़ी औसौ, पौरौ आपणी शिक्षाओं लैई सै मैरै लोगौ खै गौलत सौमबंध कै पापौ दै शामिल हौणौ कारिए औरौ मूर्ति खै चौढ़ाए जाणौवाल़ै खाणौं खाणौ कारिए भरमांव।”

प्रकाशितवाक्य 2:9

हांव जाणुए कै ताखै सोताए गौआ औरौ तू गरीब औसौ। पौरौ आत्मिक मामलै दा तू बैजाए सैठ औसौ। हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ आथी ना। सै तैरै बारै मुंजी बुरी बातौ बौल़ौ, पौरौ सौथीखै सै तैसी गुट कै लोग औसौ जू शैतान का औसौ।