2 कुरिन्थियों 10:14 - सिरमौरी नौवाँ नियम

¹⁴ जिथुकै आमै आपणै हद शै बायरै आपी खै बौढ़ाणा ना चोऊं, जैशैकै तुऔं तौड़ी ना पोऊंचणौ कै दशा दो हौंव, यानी तुऔं मसीह कै सुसमाचार शुणाणौ कारिए कुरिन्थुस शहर तौड़ी यात्रा कौरणौवाल़ै आमु आगलै आदमी थिए।

Sirmouri

¹⁴ किन्देंखे के आँमें आप्णी सीमा-हद् शे बाऐर आपु-आप्खे बढ़ाणें ने चहाँदे; जैष्णें के तुँओं तोड़ी पंहिच्णों की दषा दो हों; परह् मसीया की खुषख्बरी शुणाँदें तुँओं तोड़ी पंह्ऊँची ही गुऐ।

2 कुरिन्थियों 10:14 ပူးပေါင်းရင်းမြစ်များ

मरकुस 1:1

पौरमेशवर का बैटा यीशु मसीह कै बारै मुंजी सुसमाचार कै शुरुआत ऐशैखै औसौ।

प्रेरितो कै काम 20:24

पौरौ हांव आपणै प्राणो खै किछै ना सौमझु कै आपी आरी प्यार कौरु, पौरौ ऐजौ कै हांव आपणै दौड़ खै, औरौ तियौं सेवा खै पूरी कौरु, जू मोऐं पौरमेशवर कै अनुग्रह कै सुसमाचार पांदी गवाही दैणौ कारिए प्रभु यीशु कैईंदै पाए राए।

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

रोमियों 2:16

ऐजौ तैसी दूसै हौंदौ जौल़ौ पौरमेशवर ऐसी सुसमाचार जैसका हांव प्रचार कौरु यीशु मसीह कै दवारा आदमियों कै गुप्‍त बातौ का न्याय कौरदा।

1 कुरिन्थियों 2:10

पौरौ पौरमेशवरे इनु बातौ खै आमु पांदी यानी चोणेयौंदे चैलै पांदी इनु चीज़ौ खै आपणै पवित्र आत्मा कै दवारा प्रकट कौरी; जिथुकै ऐशणौ किछै ना आथी जू पौरमेशवर कै आत्मा खै पौता नै हौली। इथै तौड़ी कै पौरमेशवर कै डुंगै विचारो खै बै सै ठीक शै जाणौ।

1 कुरिन्थियों 3:10

पौरमेशवरे जू वरदान मुखै दैय राए, तिथका इस्तैमाल कौरदै बैई मोऐं तिथु घौरौ कै नीयुं ऐकी बुध्दिमान राजमिस्तरी साए राखै। औरौ औकै लोगै तियौं नीयुं पांदी काम छैड़ राए, पौरौ सौबी लोगौ खै चौकश रौणौ चैंई कै तिथपांदी कैशै काम छैड़ राए।

1 कुरिन्थियों 4:15

भले ही तुऔं कैई पालन कौरणौ कारिए औरौ बाट दिखाणौ कारिए मसीह दै हज़ारो शिक्षक हौंव, तोबै बै हांव ही तोंवारै पिता कै जैशणा औसौ, जू तोंवारै खातिर सुसमाचार लायौ ओऊवा, जिथकै बौजैह शै तुऔं मसीह यीशु पांदी बिशवाश हौआ।

2 कुरिन्थियों 2:12

जोबै हांव मसीह का सुसमाचार शुणाणौ खै त्रोआस शहर दा ओऊवा, औरौ प्रभुए मुखै सुसमाचार प्रचार कौरणौ कै महान मौकै दियै।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

कुलुस्सियों 1:5

जिथुकै तुऐं ऐजौ तियौं आशा की बौजैह शै कौरौ जू तुऔं कारिए स्वर्ग दै राखै राए, जिथकै बारै मुंजी तुऐं शौणै राए जोबै आगली बैई लोगै तुऔं यीशु मसीह कै बारै मुंजी सुसमाचार शुणौऊवा जू पौरमेशवर का साचा सौंदेश औसौ।

1 तीमुथियुस 1:11

ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।