2 कुरिन्थियों 10:13 - सिरमौरी नौवाँ नियम

¹³ आमै तौ तैसी कामौ दै बायरै जू पौरमेशवरे आमु दैय राए कोदी बै घमण्‍ड ना कोरदै, पौरौ ऐक हद तौड़ी जू पौरमेशवरे तय कौरी राए औरौ तिथमुंजी तुऐं बै आए गौवै, औरौ तिथकै हिसाब शै घमण्‍ड बै कौरु।

Sirmouri

¹³ आँमें तअ सीमा-हद् शे बाऐर ज़ाऐयों बिलकुल भे आप्णी तारीफ ने कर्दे, परह् तियों ही सीमा-हद् तोड़ी जू पंण्मिश्वर आँमों खे बंणाऐ थऐ, अरह् तिन्दी तुँऐं भी आऐ गुऐ, अरह् तिन्दी के मुताबिक तारीफ भे कर्ले।

2 कुरिन्थियों 10:13 ပူးပေါင်းရင်းမြစ်များ

मत्ती 25:15

तैणै ऐकी खै सूनै कै पाँच झोल़े दिए, जिथका दाम बीश सालो कै धियाड़ी कै बोराबर औसौ। औरौ दूजै कै दो सूनै कै झोल़े दिए, औरौ तिजै खै ऐक सूनै का झोल़ा दिया, औरौ सौबी खै तिनकी काबलियत कै हिसाब शै दियु, औरौ तोबै प्रदेश खै हौटा।

रोमियों 10:18

पौरौ हांव बुलू, कै यहूदी लोगै निशोंक हौयौ मसीह कै बारै मुंजी सौंदेश शौणै राए, जिथुकै पवित्र शास्त्र दु लैखै राखौ, “सुसमाचार शुणाणौ वाल़ै कै सौंदेश सारै दुनिया पांदी, औरौ तिनकै वचन दुनिया कै हर जौगैह दै पोऊंचे गौवै।”

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

रोमियों 12:6

जोबै कै तैसी अनुग्रह कै हिसाब शै जू पौरमेशवरे आमु दैय राए, आमुखै भान्त‌‌‌-भान्त कै वरदान भैटी रौवै। तौ जैसीखै पौरमेशवर कै बातौ बौताणौवाल़ै कै वरदान भैटी रौवै, तैसी तिनु बातौ कै बौल़णी चैंई जैसी पांदी सै बिशवाश कौरौ कै पौरमेशवरे तैसी बौताए राए।

रोमियों 15:20

पौरौ मैरै मन कै चाहत ऐजी औसौ, सुसमाचार का प्रचार तिनु प्रदेशो दा हौंव, जिथै यीशु मसीह कै बारै मुंजी इबी तौड़ी ना शुणाए रैई, हांव तैसी घोर बाणणौवाल़ै मिस्‍त्री कै जैशणा औसौ, जू कोसी ओकी कै नीयुं पांदी ना चिणो।

1 कुरिन्थियों 12:11

पौरौ ऐजा सिरफ पौरमेशवर का आत्मा औसौ जू इनु सौबी वरदानो का दैणौवाल़ा औसौ, औरौ सै सैजाई औसौ जू तिनु हरेक खै जैशै सै चांव तैशै बांडो।

इफिसियों 4:7

पौरौ मसीहे आमु मुंजीदै हरेक आदमी कै तैसकै काम कौरणौ कारिए जौई-जौई खास वरदान दैय राए। औरौ ऐजौ जैसी हिसाब शै तैणै दैणौ चोऊ, तैसी हिसाब शै दैय दियु।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।