2 कुरिन्थियों 10:10 - सिरमौरी नौवाँ नियम

¹⁰ जिथुकै तुऔं मुंजी किछै लोग बौल़ौ, “तैसकी चिट्ठियां तौ सुंचणौ वाल़ी औरौ असरदार औसौ; पौरौ जोबै दैखुए, तौ बौल़ौए सै कमजोर आदमी औरौ तैसकी बातौ बैजान औसौ।”

Sirmouri

¹⁰ किन्देंखे के कुछ लोग बुलो, “के पौलुस की चीट्ठी-पत्री गहीरी अरह् असरदार असो; परह् जबे से साम्णें हों, तअ से देह्-शरीर शा कंंमजोर अरह् बात-चींत्त कर्दे हल़्का जाँणियों।”

2 कुरिन्थियों 10:10 ပူးပေါင်းရင်းမြစ်များ

1 कुरिन्थियों 1:17

जिथुकै मसीहे मुखै बपतिस्मा दैणौ खै नी, पौरौ सुसमाचार शुणाणौ खै भैजै राए, औरौ जोबै हांव लोगौ खै पौरमेशवर का सौंदेश शुणौऊं, तौ हांव आदमी कै चलाक विचारो का इस्तैमाल ना कौरु, ना लोगौ खै मोनोऊ कै जू किछै हांव बुलू तिथपांदी बिशवाश कौरौ। जै ऐशैखै कौरदा, तौ लोग सिरफ इथकारिए बिशवाश कौरदै कै मोऐं बौड़ै चालाकी लैई बातो कौरी पोरौ तोबै क्रूसो पांदी मौरणौ वाल़ै मसीह का सौंदेश लोगौ कै जीवन दा शौकतीशाली तरीकै शै काम ना कौरदा।

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 कुरिन्थियों 10:11

इथकारिए जू ऐशै बौल़ौ, सै ऐजै सौमझ राखौ, कै जैशै पीठ पीछै चिट्ठियों दै अमारै वचन औसौ, तैशैखैई तोंवारै सामणै अमारै काम बै हौंदै।

2 कुरिन्थियों 10:9

ऐजौ हांव इथकारिए बुलू, कै चिट्ठियों कै दवारा तुऔं डोरणोवाल़ा ना बौणु।

2 कुरिन्थियों 11:21

हांव तोंवारै साथै तिनु बुरै कामौ खै कौरणौ कारिए ऐतरा हिम्मत वाल़ा ना थिया; पौरौ जियौं कोसी बातौ दै कुणिए घमण्‍ड कौरौ, हांव मूर्ख हौयौ बुलू तौ हांव बै घमण्डी कौरु।

2 कुरिन्थियों 11:6

जै हांव बौल़ाणौ कै अनाड़ी औसौ पौरौ मुखै मसीह औरौ सुसमाचार का ज्ञान औसौ, यानी आमै आपणा ज्ञान तिनु सारी बातौ दा प्रगट कौरा जू मोऐं शिखैई।

2 कुरिन्थियों 13:3

हांव ऐजौ बुलू जिथुकै तुऐं सबूत मांगै लौआ, कै मसीह मुं दा बौलांव, जोबै मसीह तुऔं सुधारौ, तौ सै तोंवारै खातिर कमजोर ना आथी, पौरौ तुऔं मुंजी शौकतीशाली औसौ।