2 कुरिन्थियों 1:5 - सिरमौरी नौवाँ नियम

⁵ जिथुकै जैशैखै आमु मसीह दी पीड़ो सैहन कौरी तैशैखैई मसीहे बै पीड़ो सैई। तैशैखैई आमु बै मसीह कै दवारा जादा शान्तै भैटदी।

Sirmouri

⁵ किन्देंखे के जैष्णें मसीया के दु:खो के आँमें हिस्सेदार असो, तैष्णें ही आँमें तियों शाँण्त्ति दे भे मसीया के जाँणें हिस्सेदार असो।

2 कुरिन्थियों 1:5 ပူးပေါင်းရင်းမြစ်များ

लूका 2:25

तैसी सौमय यरूशलेम शहर दा शमौन नांव का ऐक आदमी थिया औरौ सैजा आदमी धरमी औरौ भकत थिया, औरौ बैसब्री शै मसीह कै आणौ का इंतजार कौरे लौआ थिया कै सै इस्राएल देश कै शान्तै दैंव, औरौ पवित्र आत्मा तैसी पांदी थै।

प्रेरितो कै काम 9:4

औरौ सै जोमीनो पांदी उदा रिड़ा, औरौ पौरमेशवर कै ऐजी आवाज़ शौणै, “ओए रै शाऊल, ओए रै शाऊल, तू मुखै किथु सोताए?”

रोमियों 8:17

औरौ जै नानड़िया औसौ, तौ वारिस बै, यानी पौरमेशवर कै वारिस औरौ मसीह कै सौरे वारिस औसौ। जै आमै यीशु साए दुखो कै सैहन कौरु, तौ आमै तैसकै महिमा दै शामिल हौंदै।

फिलिप्पियों 1:20

मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

फिलिप्पियों 2:1

जै मसीह कै साथै कौठै हौणौ शै तुऔं खोशे भैटौ, जै तुऔं मसीह कै प्यार शै सुकून भैटौ, औरौ जै तुऔं कैई आत्मा कै साथै संगति औसौ, औरौ जै मसीह तोंवारै साथै करूणा औरौ दया कौरणौवाल़ा औसौ,

फिलिप्पियों 3:10

औरौ मसीह कै हौजौ जादा जाणणा मैरा मकसद औसौ। ताकि तैसकै मौरेयौंदे मुंजीदै जियुंदी हौणौ कै अनौखी शौकतै कै महसूस कौरे सौकु, औरौ तैसकै दुख दा शामिल हौयौ तैसकै मौत दा तैसकै जैशणा बौणै जोऊं मौत दै तैसकै जैशणै बौणैयौं तैसकै दुखो बुगणो का सहयोगी बौणै जोऊं।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।

1 पतरस 4:13

बस इथकै बारै मुंजी खुशी रौव, जिथुकै तुऔं तिनु दुखो दा ऐक हिस्सा भैटी रौआ जू मसीह खै भैटी रौवै थिए। इयौं बौजैह शै, जोबै मसीह सौब लोगौ खै आपणै महिमा प्रगट कौरणौ कारिए औटेयौ पाछु आन्दा तौ तोंवारा आनन्द सौथीखै बौड़ा हौंदा।