1 तीमुथियुस 6:5 - सिरमौरी नौवाँ नियम

⁵ ऐशणै लोगौ कै बीच मुंजी झोगड़े पौयदा हौं, जिनकै बुध्दि खत्म हौए गौए औरौ सै सौचाई खै ना सौमझै पांव, औरौ सै सुंचौए कै पौरमेशवर कै सेवा कौरणै अमीर हौणौ का तरीका औसौ।

Sirmouri

⁵ अरह् तिनू आदमी मुझी बै-कार के रगड़े-झगड़े पय्दा हों, जिनकी बुद्धी भ्रष्ट हऐ रंऐ, अरह् से सच्चाई शे अजाण्दे असो; ऐष्णें लोग ऐशो जाँणों के पंण्मिश्वर के सेवा, भगति धंनकंमाणों का ऐक जरिया असो,

1 तीमुथियुस 6:5 ပူးပေါင်းရင်းမြစ်များ

मत्ती 12:33

“जै डाल़ बै आछा औसौ, तौ तैसकै फल़ बै आछै हौंदै, जै डाल़ खराब औसौ, तौ तिथकै फल़ बै खराब ही हौन्दै, जिथुखै डाल़ फल़ शै ही पोछैयाणै जांव।

मत्ती 21:13

औरौ तिनु बौल़ौ, “पवित्र शास्त्र दो लैखै राए; ‘मैरौ घोर प्रार्थना को घोर बौल़ै जांव’ पौरौ तुऐं तिथुकै डाकुओं लैई भोरेयोंदे गुफा बौणांव।”

मत्ती 23:13

“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं लोगौ कारिए स्वर्ग कै राज्य का दवार बन्‍द कौरौ, ना तौ आपी तिन्‍दै जांव औरौ ना तिन्‍दै ओकी कै जाणौ दैंव।

1 कुरिन्थियों 11:16

पौरौ जै कुणिए मैरै बात शै सहमत ना आथी, तौ ऐजौ जाणौ कै अमारै औरौ पौरमेशवर कै कलीसियाओं मुंजी आमुकैंई इथुखै छोड़ेयौ ओका कुणजाई भोवार ना आथी।

2 थिस्सलुनीकियों 3:6

ओए रै बिशवाशी भाईयों, तैसी औधिकार शै जू प्रभु यीशु मसीहे आमु दैय राए, कै ऐशणै कोसी बै बिशवाशी भाई औरौ बोईणी आरी मिली-जोलैयौ नी रौया, जू सुस्त रौंव, औरौ तिनु नियमौ खै ना मानौ जू आमुए तुऔं शिखाए राए।

1 तीमुथियुस 1:6

गौलत शिक्षा दैणैवाल़ै इनु सौबी चीज़ौ कै कौरणी बन्द कौरे दी, औरौ सिरफ बेतुकी बातौ कै बारै मुंजी बातौ कौरी।

1 तीमुथियुस 3:3

तैसी सूरवाए औरौ झौगड़वाए नी हौणौ चैंई; पौरौ दयालु औरौ सौब्री औरौ शान्त स्‍वभाव का आदमी हौणौ चैंई, औरौ तैसी धन का लालच ना हौणा चैंई।

1 तीमुथियुस 3:8

तैशैखैई कलीसिया कै सेवको कै ऐशणै आदमी हौणौ चैंई जिनका लोग आदर कौरौ। तिनु दुगल़ै औरौ सूरवाए नी हौणौ चैंई, बैसब्री औरौ धौखा दैयौ धन कमाणौ वाल़ै नी हौणौ चैंई।

1 तीमुथियुस 4:7

पौरौ तिनु झूठी कहाणी औरौ जू बातौ पौरमेशवर कै आदर ना दैंव तिनुदै दूर रौया। औरौ तुऔं पौरमेशवर कै आदर दैणा वाल़ा जीवन जिणौ कारिए आपी कै लगातार शिखांदै रौणौ चैंई।

1 तीमुथियुस 4:8

जिथुकै शोरीर कै कामौ शै सिरफ तोंवारै शोरीर कै ही फायदा भैटदा, पौरौ भोक्‍ती सौब बातौ कारिए भले औसौ, जिथुकै ऐजौ ऐक आदमी खै इनाम दैणौ का वादा कौरौ जोबै सै इयौं धोरती पांदी जियुंदी रौंव औरौ मोरणो कै बाद बै।

1 तीमुथियुस 6:6

पौरौ आमु कारिए ऐजौ आछौ औसौ, कै आमै सैजौ कौरु जिथलैई पौरमेशवर कै खुशी भैटौ औरौ तिथमुंजी संतुष्ट रोऊं जू सै आमु दैंव।

2 तीमुथियुस 3:5

सै पौरमेशवर का आदर कौरणौ कै दिखावा कौरदै, पौरौ सै पौरमेशवर कै अनौखी शौकतै कै बुरै जीवनो शै बौदल़णौ शै इन्कार कौरदै; ऐशणै लोगौआरी सौमबंध नी राख।

2 तीमुथियुस 3:8

ऐजै झूठै शिक्षक साची सौंदेश का विरोध कौरौ जैशै यन्रेस औरौ यम्‍ब्रेसे मूसा कै खिलाफ हौए रौवै थिए। इनकै दिमाक भ्रष्ट औसौ सोही मायनै दै ऐजै मसीह पांदी बिशवाश ना कौरौ।

तीतुस 1:11

इनु लोगौ की शिक्षा का विरोध कौरणा चैंई: जिथुकै सै गौलत शिक्षाओं कै शिखायौ पूरै परिवार का नाश कौरे दैंव। इथकारिए सै ऐशै कौरेयौ धन कमाणा चांव।

2 पतरस 2:15

तिनुऐ सैजौ कौरणौ बंद कौरे दियु जू सोही औसौ, औरौ तिनुऐ तैशणैई बुरै काम कौरणै शुरु कौरे दियै, जू कै बओर कै बैटै बिलामै बैजाए सौमय आगै कौरे राए थिया। तैणै गौलत काम कौरेयौ पौयसा कमाणा पसंद कौरा।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

यहूदा 1:11

तिनु पांदी हाय! तिनुऐ आदम कै बैटै कैन कै जैशणै दुष्टता शै बर्ताव कौरा, जैणै आपणै भाई खै मारै दिया। तिनुऐ काल़ैयौ सैजै गौलती कौरे जू बिलामै ओकी लोगौ खै पाप कै ढौबौ लोए जाणौ शै कौरे राए थै ताकि पौयसै पाए सौकौ। जैशैखै मूसा कै खिलाफ आपणै लौड़ाई की बौजैह शै कौरह का नाश हौए गौआ, तैशैखैई ऐजै लोग बै नाश हौए जांदै जिथुकै ऐजै बै प्रभु कै खिलाफ लौड़ाए कौरौ।

प्रकाशितवाक्य 18:13

औरौ दाल चीनी, मसालै, धूप, इत्र, लोबान, सूर, तेल, मौएदा, गियुँ, गाय-बौल़दौ, भेड़-बाकरी, घोड़े, रथ, औरौ जू लोग सामान खरीदौ औरौ बैचोए, सै ऐबै लोगौ खै गुलाम कै रुप दै ना बिकौ।

प्रकाशितवाक्य 18:3

ऐजौ इथ बौजैह शै हौंदौ जिथुकै तियैं बैटमाणिशै जू कै बाबेल शहर औसौ, हरेक राज्य कै सौबै लोगौ खै सैजै सूर पिलाए जू कै तैसकै मूर्ति कै पूजा औसौ। सारै धोरती कै राजा तैसकै गौंदै कामौ दै शामिल हुवे। धोरती कै व्यापारी तियौं बैटमाणिशौ कै मौंगै-मौंगै चीज़ौ कै इछा कै बौजैह शै सैठ बौणै गौवै।