1 तीमुथियुस 6:17 - सिरमौरी नौवाँ नियम

¹⁷ इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

Sirmouri

¹⁷ अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

1 तीमुथियुस 6:17 ပူးပေါင်းရင်းမြစ်များ

मत्ती 12:32

जू कुणिए आदमी कै बैटै कै खिलाफ दै कुणजै बात कौरला, तैसका ऐजा अपराध माफ हौए जांदा, पौरौ जू कुणिए पवित्र आत्मा कै खिलाफ दो किछै बै बौलला, तैसका अपराध ना तौ ऐसी लोक दा औरौ ना ही परलोक दा माफ हौंदा।”

मत्ती 19:23

तोबै यीशुए आपणै चैलै खै बौल़ौ, “हांव तुऔं खै साचौ बुलू, कि सैठ लोगौ कै स्वर्ग कै राज्य दो जाणौ बौहितु मुशकिल औसौ।

मत्ती 25:16

तोबै जैसीखै पाँच झोल़े दैय रौए थिए, तैणै शट जाऐबा तिनुलैई लैण-देण कौरा औरौ पाँच झोल़े हौजौ कमाए।

मत्ती 27:57

जोबै बैल़खौ हौ तौ यूसुफ नांव का अरिमतियाह शहरो का ऐक सैठ आदमी, जू आपी ही यीशु का चैला थिया, ओऊवा।

मत्ती 6:32

जिथुखै बैगानै जाति कै लोग बै इनु सौबी चीज़ौ की खोज़ दै लागैयौंदे रौंव इथकारिए चिन्‍ता नै कौरेया, जिथु तोंवारा स्वर्गीय पिता जाणौए कै तुऔं इनु सौबी चीज़ौ कै जौरुरत औसौ।

मरकुस 10:24

चैलै तैसकी बातौ लैई हैरान हुवे। इथु पांदी यीशुए हौजौ तिनुखै बौल़ौ, “ओए रै भाईयों, जू जोमीन जायदात पांदी भोरोशा राखलै तिनु कारिए पौरमेशवर कै राज्य दो जाणौ बौहितु मुशकिल औसौ!

लूका 19:2

तिथै जक्‍कई नांव का ऐक आदमी थिया, जू मामला लोणो वाल़ै का ठोगड़ा औरौ सैठ थिया।

लूका 3:11

यूहन्नाए तिनु जोवाब दिया, “जैसी आदमी कैई दो झागे औसौ सै ऐक झागा तैसीकै दैय दौ, जैसकैंई ऐक बै ना आथी। जैसिया खाणौ औसौ सै बै ऐशैखैई कौरेया।”

प्रेरितो कै काम 14:17

तौ बै तैणै हमैशा आपणै मोजूद हौणौ का सबूत तिनु आछी चीज़ौ शै दिया जू सै कौरे सौकौ। जू कै गौयण शै पाणी औरौ मौसम कै हिसाब शै फसल दैयौ तुऔं कारिए खाणा औरौ तोंवारै मन कै खुशी लैई भौरदा रौआ।

प्रेरितो कै काम 14:27

अन्‍ताकिया शहर पोंचैयो, तिनुऐ कलीसिया कौठै कौरे औरौ बौतौऊ, कै पौरमेशवरे अमारै साथी हौयौ कैशणै बौड़ै-बौड़ै काम कौरे! औरौ कैशैखै पौरमेशवरे बैगानै यहूदी लोगौ खै यीशु मसीह पांदी बिशवाश कौरणौ कै लायक बाणै।

प्रेरितो कै काम 17:25

ना तैसीकै कोसी चीज़ौ कै जौरुरत आथी, औरौ ना आदमियों कै मौदद की जौरुरत आथी, जिथुकै सै तौ आपी ही सौबी खै जीवन औरौ साँस औरौ सौब ठुँ दैंव।”

रोमियों 11:20

ऐजौ साचौ औसौ, सै तौ अबिशवाश कै बौजैह शै तौड़ै गोई, पौरौ तू बिशवाश दा बौणेयौंदा रौंव, इथकारिए घमण्डी नी हौं, पौरौ डौर मानैया,

इफिसियों 5:5

जिथुकै तुऐं ऐजौ आछै शै जाणौ कै कुणजाई गौलत सौमबंध बाणणौवाल़ा, या अशुध्द आदमी, औरौ लालची आदमी ऐक मूर्तिपूजक कै जैशणा औसौ, जू लोग इयौं दुनिया कै चीज़ौ कै आराधना कौरौ। ऐशणै काम कौरणौवाल़ै लोग कौलोंई बै मसीह औरौ पौरमेशवर कै राज्य कै औधिकारी ना हौंदै।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।

1 तीमुथियुस 1:3

ओए रै तीमुथियुस जैशैखै तू जाणैए कै इफिसुस शहर दै किछै ऐशणै लोग औसौ जू गौलत शिक्षा दैंव। सै लगातार झूठी कहाणी औरौ पुराणिया कै बारै मुंजी शिखांव। जोबै हांव इफिसुस शहर शै मकिदुनिया प्रदेश दा जाणौ कारिए तैयार थिया, तौ मोऐं ताखै इफिसुस शहर दौ रौणौ कारिए बौल़ौ कै सै ऐशणै शिक्षा नी दैंव। जोबै सै ऐशणी बातौ शिखांव, तौ लोग तिनकै बारै मुंजी चौर्चा कौरौ। इथका नतीजा ऐजा औसौ कै तिनु शिखाणौ वाल़ै तिनु कामौ कै ना कौरे लैई जू पौरमेशवरे तिनु दैय राए थिए, जिनु सै सिरफ पौरमेशवर पांदी भोरोशा कौरेयौ कौरे सौकौ।

1 तीमुथियुस 3:15

कै जै मैरै आणौ दै देर हौलै, तौ तू जाणै पाया कै, पौरमेशवर कै परिवार कै सदस्यों कै रुप दै जू कै जियुंदै पौरमेशवर कै कलीसिया औसौ, आमु आपणा जीवन कैशणा जिणा चैंई। ऐजै बिशवाशी तैशैखैई साची शिक्षाओं का साथ दैंदै औरौ तिनु बाणैयौ राखलै जैशै नियुं औरौ खोम्बा घोरो कै सहारा दैयौ कै तिथु मजबूत कौरौ।

1 तीमुथियुस 4:10

आमु ऐसी जीवन कै पाणौ कारिए संघर्ष औरौ कड़ी मैहनत कौरु जिथुकै आमै जियुंदै पौरमेशवर पांदी आशा कौरु, जू सौबी लोगौ का उध्दारकर्ता औसौ, औरौ खास तौर शै तिनका जू तैसी पांदी बिशवाश कौरौ।

1 तीमुथियुस 5:21

पौरमेशवर, औरौ मसीह यीशु, औरौ चोणेयौंदे स्‍वर्गदूतौ कै उपस्‍थित जाणैयौ हांव ताखै आदैश दियु कै जू किछै बै तू कौरे, तिथमुंजी कोसी आदमी कै प्रति बिना भैदभाव कै काम कौर।

1 तीमुथियुस 6:13

हांव ताखै पौरमेशवर कै जू सौबी कै जियुंदी राखौ, औरौ मसीह यीशु कै गवाह मानैयौ, जैणै जोर दैयौ साचौ बौल़ौ जोबै तैसी पुन्‍तियुस पिलातुस खै धोरे मुकदमे कारिए लियोऊवा, तिनु दुईनै कै धोरे दा, हांव तुऔं खै ऐजा आदैश दियु,

1 तीमुथियुस 6:9

पौरौ जू अमीर हौणा चांव, सै सौबै भान्त कै पाप कौरणौ कारिए आसानी शै धौखा खांव औरौ ऐक शिकार कै जैशणै जालो दै फोशे जांव। सै तिनु चीज़ौ कै कौरणा चांव जू तिनु कारिए बैकार शी औरौ नुकसानदायक औसौ औरौ ऐजी बुरी इछाएं तिनु बर्र्बादी कै ढौबौ लौए जांव औरौ नाश कौरे दैंव।

2 तीमुथियुस 4:10

जिथुकै देमासे इयौं दुनिया कै चीज़ौ शै प्यार राखैयौ मुखै छोड़े दिया, औरौ थिस्सलुनीके शहर खै हौटै गौआ। बिशवाशी भाई क्रेसकेंस गलातिया प्रदेश कै हौटै गौआ औरौ तीतुस दलतिया प्रदेश कै हौटै गौआ।

तीतुस 2:12

आपणै अनुग्रह शै पौरमेशवर आमु शिखांव कै तैशैखै बर्ताव कौरणा बंद कौरौ, जू तैसी खुश ना कौरौ, तिनु चीज़ौ की लालसा कौरणै बंद कौरौ जिनकै इछा अबिशवाशी कौरौ, औरौ जौबेकै आमै इबी इयौं दुनिया पांदी ही औसौ तौ बुध्दिमानी शै औरौ धार्मिकता कै साथै ऐशैखै काम कौरु जिथलैई पौरमेशवर खै खुशी भैटौ।

तीतुस 3:6

पौरमेशवरे दया शै उध्दारकर्ता यीशु मसीह कै दवारा आमु पवित्र आत्मा भरपूरी दैय राए।

2 पतरस 1:11

औरौ ऐजौ कै पौरमेशवर तोंवारा तैसी राज्य दा खौलेयौ स्वागत कौरदा जिथै यीशु मसीह औसौ, जू अमारा प्रभु औरौ अमारा मोक्ति दैणौवाल़ा औसौ, जू हमैशा कारिए राजा कै रुप दा राज कौरदा।