1 तीमुथियुस 5:8 - सिरमौरी नौवाँ नियम

⁸ पौरौ जै कुणिए आपणै रिशतेदारौ कै, खास कौरेयौ आपणै परिवार कै मौदद ना कौरौ, तौ सै बिशवाश शै मुकरे गौआ, औरौ अबिशवाशी शै बै बुरा बौणै गौआ

Sirmouri

⁸ परह् जे कुँऐं आप्णे लोगों का अरह् खास-करियों आप्णें घराने का फिकर ने करह्, तअ तेने बिश्वाष करणाँ छ़ुड़ी दिता, अरह् से बैबिश्वाषी शा भे बुरा बंणी गुवा।

1 तीमुथियुस 5:8 ပူးပေါင်းရင်းမြစ်များ

मत्ती 18:17

औरौ जै सै तिनकी बै ना मानौ, तौ मसीह मंडली खै बौल़ै दै, पौरौ जै सै कलीसिया की बै ना मानौ, तौ तुऐं तैसकै साथै तैशणाई बर्ताव कौरौ जैशैकै तुऐं कोसी बैगानै यहूदी औरौ मामला लोणोवाल़ै कै साथै कौरौ।

मत्ती 7:11

जोबै तुऐं बुरै हौयौ, आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू लोग तैसी कैईंदी आछी चीज़ौ मांगोए।

यूहन्ना 15:22

जै हांव ना आन्‍दा औरौ तिनुआरी बातौ नी कौरदा, तौ सै पापी ना ठोहरदै, पौरौ ऐबै तिनुवागे तिनकै पाप कारिए कुणजाई बाना ना आथी।

1 कुरिन्थियों 6:6

इथै तौ ऐकी बिशवाशीए ओकी खै अदालत दा खिंची लौआ सै बै बायरै वाल़ौ कै सामणै।

2 कुरिन्थियों 12:14

ऐबै, हांव तिजाल़ियों तोंवारै धोरे आणौ खै तैयार औसौ, औरौ औटेयौ हांव तुऔं कैईंदै कुणजै मौदद ना माँगदा। जिथुकै हांव तोंवारै जायदात नी, पौरौ तुऔं ही खै चोऊं। जिथुकै नानड़िया खै माँ-बापू कारिए धन कौठा नी कौरणा चैंई, पौरौ माँ-बापू खै नानड़िया कारिए धन कौठा कौरणा चैंई।

2 कुरिन्थियों 6:15

औरौ मसीह का शैतान कै साथै का लगाव औसौ? या बिशवाशी कै साथै अबिशवाशी का, का नाता?

गलातियौं 6:10

इथकारिए जिथै तौड़ी मौका भैटौ, आमु सौबी लोगौ खै साथै भोलाए कौरणी चैंई; खास तौर शै साथी बिशवाशी कै साथै।

2 तीमुथियुस 2:12

जै आमु मसीह कारिए दुख सैहन कौरु, तौ आमै तैसकै साथै राज्य बै कौरदै; पौरौ जै आमै बुलू कै आमै मसीह कै ना जाणु तौ सै बै बौलदा कै आमै तैसकै ना आथी।

2 तीमुथियुस 3:5

सै पौरमेशवर का आदर कौरणौ कै दिखावा कौरदै, पौरौ सै पौरमेशवर कै अनौखी शौकतै कै बुरै जीवनो शै बौदल़णौ शै इन्कार कौरदै; ऐशणै लोगौआरी सौमबंध नी राख।

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

2 पतरस 2:1

जैशैखै बैजाए सौमय औगौड़ियौ इस्राएली लोगौ मुंजी झूठै पौरमेशवर कै बातौ बौताणौवाल़ै दैखियौं थिए, तैशैखैई तुऔं मुंजी झूठै शिक्षक दैखिंदे। सै झूठी शिक्षाओं खै चुपी शै फोयला दैंदै, जू लोगौ खै मसीह पांदी बिशवाश कौरणौ शै रौकै दैंव। ऐजै झूठै शिक्षक मसीह खै आपणा प्रभु मानणौ शै बै मोना कौरे दैंदै, जैणै तिनु पाप कै शौकतै शै आज़ाद कौरे राए। ऐशैखैई सै आपी खै एकदम नाश कौरवाए दैंदै।

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।

प्रकाशितवाक्य 3:8

हांव तैरै कामौ खै जाणुए, हांव जाणुए कै तू ताकतवाल़ा ना आथी। पौरौ जू मोऐं ताखै बौल़ौ सैजी बात तुऐं मानै। तुऐं मुं पांदी बिशवाश कौरे राए। इथकारिए, मोऐं ताखै ऐक दरवाज़ा खोले राए, जिथु कुणिए बंद ना कौरे सौकौ।