1 तीमुथियुस 5:7 - सिरमौरी नौवाँ नियम

⁷ बिशवाशियौं कै ऐजै नियम दै ताकि कुणिए बै तिनु पांदी दोष नी लांव।

Sirmouri

⁷ तुऐं तिनखे ईनू बादी बातो के अज्ञाँ दिऐ, जू से भे नीर्दोष बंणीं ज़ाँव।

1 तीमुथियुस 5:7 ပူးပေါင်းရင်းမြစ်များ

फिलिप्पियों 2:15

ताकि तुऐं ढीठ औरौ भ्रष्ट लोगौ शै भोरेयौंदे दुनिया दै पौरमेशवर कै सिध्द संतानो कै जैशणै निर्दोष औरौ बिना कपट का जीवन जियौं। तुऔं इयौं दुनिया कै लोगौ कै बीच गौयण कै तारै कै जैशणै चौमकौणौ चैंई जोबै तुऐं तिनु सैजा वचन बौतांव जू सौदा कै जिन्दगी दैंव।

1 तीमुथियुस 1:3

ओए रै तीमुथियुस जैशैखै तू जाणैए कै इफिसुस शहर दै किछै ऐशणै लोग औसौ जू गौलत शिक्षा दैंव। सै लगातार झूठी कहाणी औरौ पुराणिया कै बारै मुंजी शिखांव। जोबै हांव इफिसुस शहर शै मकिदुनिया प्रदेश दा जाणौ कारिए तैयार थिया, तौ मोऐं ताखै इफिसुस शहर दौ रौणौ कारिए बौल़ौ कै सै ऐशणै शिक्षा नी दैंव। जोबै सै ऐशणी बातौ शिखांव, तौ लोग तिनकै बारै मुंजी चौर्चा कौरौ। इथका नतीजा ऐजा औसौ कै तिनु शिखाणौ वाल़ै तिनु कामौ कै ना कौरे लैई जू पौरमेशवरे तिनु दैय राए थिए, जिनु सै सिरफ पौरमेशवर पांदी भोरोशा कौरेयौ कौरे सौकौ।

1 तीमुथियुस 4:11

औरौ बिशवाशियौं कै इनु बातौ कै शिक्षा दैंव कै सै तिनका पालन कौरौ।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

2 तीमुथियुस 4:1

जोबै यीशु मसीह राजा कै समान शासन कौरदा आला, सै जियुंदी औरौ मौरेयौंदे दुईनै लोगौ का न्याय कौरदा, पौरमेशवर औरौ यीशु मसीह कै गवाह मानैयौ, हांव तुऔं याद दियायौ आदैश दियु।

तीतुस 1:13

क्रेते टापू कै लोगौ कै बारै मुंजी ऐजी बातौ साची औसौ। इथकारिए तिनु सख्ताई शै चैतावणी दैया कौर, कै सै यीशु मसीह कै बारै मुंजी साची शिक्षाओं पांदी बिशवाश कौरौ।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।