1 तीमुथियुस 5:20 - सिरमौरी नौवाँ नियम

²⁰ जू लोग पाप कौरौ, ताखै तिनु लोगौ कै सौबी बिशवाशियौं कै सामणै डांटणै चैंई, ताकि औकै बिशवाशी बै पाप कौरणौ शै डौरौ।

Sirmouri

²⁰ पाप कर्णो वाल़ा आदमी सोभी के सहाँम्णें सम्झाऐ दिऐं, जिन्दें लंई के ओके लोग भे डरी ज़ाँव।

1 तीमुथियुस 5:20 ပူးပေါင်းရင်းမြစ်များ

प्रेरितो कै काम 19:17

ऐजै बात इफिसुस शहर कै रौणौवाल़ै सौबै यहूदी औरौ यूनान देश कै लोग बै जाणै गौवै, औरौ तिनु सौबी कै डौर लागै गौआ; औरौ प्रभु यीशु कै नांव कै बौड़ाए हौए।

प्रेरितो कै काम 5:11

औरौ सारी कलीसिया जू यरूशलेम शहर दी थी, औरौ इनु बातौ कै सौबी शुणणोवाल़ो पांदी, बौड़ा डौर छाए गौआ।

प्रेरितो कै काम 5:5

ऐजै बात शोणेयो हनन्‍याह जोमीनो पांदी उदा रिड़ा; औरौ तैसकै मौत हौए गौए औरौ सौबी शुणणौवाल़ै लोगौ पांदी बौड़ा डौर छाए गौआ।

2 कुरिन्थियों 7:11

तोबै बै इयौं बातौ लैई तुऔं खै पौरमेशवर कै खातिर ऐशणा दुख महसूस हौआ; इथकारिए ध्यान दैव कै पौरमेशवर कै तरफ शै आएयौंदे दुखै तुऔं मुंजी का-का बौदलाव कौरे राखै: ऐशणै खोशे शै भोरेयोंदे इछा, आपणै तरफ शै आछौ कौरणौ कै ऐशणी बौड़ै इछा, अन्याय कै ढौबौ ऐशणा गुस्सा, कौल़ेश कै सौमय ऐशणी चौकशाए, मुं आरी भैटिणौ कै ऐशणी बोड़ी इछा, सेवा कै ढौबौ ऐशणी खोशे औरौ बुरै काम कौरणौवाल़ै खै सौजा दैणौ कै ऐशणै तैजी कै दवारा तुऐं ऐजौ साबित कौरे दियु कै सौबै ठुँ ठीक-ठाक कौरणौ दै तुऐं कुणजै बै कमी ना छोड़े रैई।

इफिसियों 5:11

इथकारिए इनु पाप वाल़ै कामौ कै कौरणौ मुंजी तिनकै साथै शामिल ना हौंव। पौरौ इनु पाप वाल़ै कामौ कै पेयाशै दै लाव।

1 तीमुथियुस 1:20

तिनुमुंजी दै हुमिनयुस औरौ सिकन्‍दर औसौ, मोऐं तिनु कलीसिया शै निकाल़ै दिए औरौ तिनु शैतान कै शौकतै कै हवाले कौरे दिए ताकि सै शिखौ कै पौरमेशवर कै बैज्जती नी कौरणी चैंई।

2 तीमुथियुस 4:2

कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

तीतुस 1:13

क्रेते टापू कै लोगौ कै बारै मुंजी ऐजी बातौ साची औसौ। इथकारिए तिनु सख्ताई शै चैतावणी दैया कौर, कै सै यीशु मसीह कै बारै मुंजी साची शिक्षाओं पांदी बिशवाश कौरौ।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।