1 तीमुथियुस 5:18 - सिरमौरी नौवाँ नियम

¹⁸ जिथुकै पवित्र शास्त्र औटेयौ बौल़ौ, “की बौल़दौ कौ मुँह नी बानिया जिथुकै बौल़ोद ही तिथुकै घाँव,” इथकारिए “मजदूर कै आपणै मालिक शै मजदूरी लोणो का हक औसौ।”

Sirmouri

¹⁸ किन्देंखे के पबित्र-ग्रन्थों दो ऐजो भे लिखों गुओं: के “बोंणों वाल़े बुल़्दों को मुँह ने बाने” किन्देंखे के “धियाड़ूवा खे आप्णी धियाड़ी लणों का हंक-अधिकार हों।”

1 तीमुथियुस 5:18 ပူးပေါင်းရင်းမြစ်များ

मत्ती 10:10

बाटो पुंडे खै ना तौ झोल़ा राखैया, औरौ ना दो खोटणो, ना जूते औरौ ना डैंगा राखैया, जिथुकै मजदूर कै तिनकौ खाणौ भैटिणौ चैंई।

लूका 10:7

तैसी घोरे दै रौया, औरौ जू किछै तिनुवांदो भेटलो, सैजौई खाया पीया कौरेया, जिथुकै मजदूर कै आपणी धियाड़ी भेटणी चैंई; घोरे-घोरे नै फिरेया।

रोमियों 10:11

जिथुकै पौरमेशवर कै बातौ बौताणौवाल़ै यशायाह नांव कै आदमीए मसीह कै बारै मुंजी पवित्र शास्त्र दो लैखै राए, “जू कुणिए तैसी पांदी बिशवाश कौरला सै बैज्जत ना हौंदा।”

रोमियों 11:2

पौरमेशवरे आपणै लोगौ खै ना छुड़ी; जिनु तैणै आगै दै ही चोणे राए: तुऐं जाणौए कै पवित्र शास्त्र पौरमेशवर कै बातौ बौताणौवाल़ै एलिय्याह कै कहाणी दु का बौल़ौ; कै सै इस्राएल देश कै लोगौ कै खिलाफ पौरमेशवर शै शिकायत कौरौ?

रोमियों 4:3

पवित्र शास्त्र का बौल़ौ? ऐजौ कै, “अब्राहमै पौरमेशवर कै वादै पांदी बिशवाश कौरा, औरौ पौरमेशवरे तैसी धरमी साबित कौरा।”

रोमियों 9:17

जिथुकै पवित्र शास्त्र दो प्रभुए मिस्र देश कै राजा फिरौन कै बौल़ौ, “मोऐं ताखै राजा चोणे राए, कै तांव दी आपणै अनौखी शौकतै दिखोऊ, औरौ मैरै नांव का प्रचार इयौं दुनिया कै सौबी लोगौ पांदी हौंव।”

1 कुरिन्थियों 9:14

ऐशैखैई प्रभुए बै तय कौरे राए, कै जू लोग सुसमाचार शुणांव, तिनकै रौज़ी-रोटी तिनु लोगौ शै हौणै चैंई जू सुसमाचार शुणौ।

गलातियौं 3:8

पवित्र शास्त्र दौ बैजाए सौमय आगै ऐजौ लैखै राए थियु, कै पौरमेशवर बैगानै यहूदी लोगौ खै बिशवाश कै आधार पांदी धरमी साबित कौरदा, ऐजौ हौणौ दै आगै पौरमेशवरे अब्राहम खै ऐजा आछा सौंदेश बौताए दिया थिया, “कै तैरै दवारा, हांव इयौं दुनिया कै सौबी लोगौ खै आशीष दैंदा।”

याकूब 4:5

कोदी तुऐं ऐजौ तौ नी सोंचै लो कै पवित्र शास्त्र कै ऐजै बात बैकार औसौ: सैजै आत्मा, जियौं तैणै अमारै भीतरै बोसाए राए, बौड़ै लालसा शै अमारै खातिर कामना कौरौ?