1 तीमुथियुस 4:4 - सिरमौरी नौवाँ नियम

⁴ जिथुकै पौरमेशवर कै बाणैयौंदे हरेक चीज़ आछै औसौ, औरौ हर भान्त कौ खाणौं खाणौ कै लायक औसौ। पौरौ ऐजौ पौरमेशवर खै धन्यवाद दैयौ खाणौ चैंई;

Sirmouri

⁴ किन्देंखे के पंण्मिश्वर की रंची-बणाँई अंदी बादी ऐक नाँम चीज शुद्ध असो, ऐक चीज भे छुड़णों ज़ूगी आथी ने; परह् ऐजो जरूरी असो, के बादी चींजो पंण्मिश्वर का धन्यबाद करियों खाई ज़ाँव।

1 तीमुथियुस 4:4 ပူးပေါင်းရင်းမြစ်များ

प्रेरितो कै काम 10:15

तैसकै दुजाल़ियो आवाज़ शौणै, “जू किछै पौरमेशवरे शुध्द कौरे राए, तिथु तू अशुध्द नी बौल।”

प्रेरितो कै काम 15:29

कै तुऐं सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया औरौ गोरु को लोऊ नै पैया औरौ गौलत सौमबंध शै दूर रौया। इनु दै दूर रौया तौ तोंवारा भला हौंदा। हौजौ कै शुभकामना।”

प्रेरितो कै काम 21:25

पौरौ तिनु बैगानै यहूदी लोगौ कै बारै मुंजी जिनुवै बिशवाश कौरे राए, आमुए ऐजा फोएसला कौरेयौ तिनुखै ऐजौ बौताणौ कारिए ऐक चिट्ठी लिखयो भैजै दै कै सै सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया, औरौ गौलत सौमबंध बाणणौ शै दूर रौया।

रोमियों 14:14

हांव जाणुए, औरौ प्रभु यीशु शै मुखै पाको हौए रो, कै सौबै भोजन खाणौ कारिए ठीक औसौ, पौरौ जू तिथुकै अशुध्द सौमझौ, तैसी कारिए अशुध्द औसौ।

रोमियों 14:20

तुंआरै किछै खाणौ पिणौ की चीज़ौ कै बौजैह शै पौरमेशवर कै काम ना बिगड़ौ। सौब ठुँ ठीक औसौ, पौरौ किछै ऐशणै चीज़ खाणै गौलत औसौ जू ओकी आदमी कै पाप दै पोड़णो कै बौजैह बौणौ।

रोमियों 14:6

जू कुणिए बै कोसी दूस कै मानौ, तौ सै ऐशैखै इथकारिए कौरौ जिथुकै सै प्रभु का आदर कौरणा चांव, जू मांसहारी औसौ, सै प्रभु कारिए औसौ, औरौ जू निर्मांसी औसौ सै बै प्रभु कारिए औसौ औरौ पौरमेशवर का धन्यवाद कौरौ।

1 कुरिन्थियों 10:23

बैशक, आमु किछै बै कौरणौ कै आज़ादी औसौ। पौरौ आमु कारिए सौबै ठुँ आछौ ना आथी, पौरौ सौबै ठुँ कौरणौ कै ऐजी आज़ादी पौरमेशवर दै अमारै बिशवाश खै मोजबूत ना कौरौ।

1 कुरिन्थियों 10:25

तुऐं बाज़ार दै बिकणौवाल़ी कुणजै बै चीज़ौ खै खाए सौकौ। ऐजौ ना पूछौ कै ऐजौ मूर्ति कारिए राखै राए थियु कै ना, ताकि तोंवारा विवेक तुऔं खै दोषी ना बाणौ।

1 कुरिन्थियों 10:26

“तुऐं खाए सौकौ जिथुकै पवित्र शास्त्र बौल़ौए, धोरती औरौ तिथमुंजी जू किछै बै औसौए सौबै ठुँ प्रभु कौ ही औसौ।”

1 कुरिन्थियों 10:30

जै हांव पौरमेशवर कै धन्यवाद दैयौ मूर्तियों खै चौढ़ाएयौंदो खाणौ दा शामिल होऊं तौ तिथ कारिए मुं पांदी दोष किथु लाए जांव, जिथकारिए मोऐं पौरमेशवर कै प्रति धन्यवाद प्रकट कौरा।

1 तीमुथियुस 4:3

गौलत शिक्षा दैणौवाल़ै शिखांव कै बैयाव कौरणा औरौ किछै भांत को खाणौं खाणौ गौलत औसौ। पौरौ पौरमेशवरे ऐजौ सौबै बिशवाशी कारिए बाणै राए, जू साची शिक्षाओं खै जाणौए, कै सै तिथु धन्यवाद कै प्रार्थना कै बाद खाणौ खाए सौकौ।