1 तीमुथियुस 4:13 - सिरमौरी नौवाँ नियम

¹³ मैरै तिथै पोऊंचणौ तौड़ी, बिशवाशियौं कारिए पवित्र शास्त्र कै जोर शै पोढ़णो, हौंसला बौढ़ाणौ औरौ शिखाणौ औरौ मतलब सौमझाणौ कारिए सौमय निकाल़ौ।

Sirmouri

¹³ जाँव तोड़ी हाँव ने आँऊ, ताँव-तोड़ी तू पबित्र-ग्रन्थों के पाठ पढ़दे अरह् शिक्क्षा देंदा; अरह् संहम्झ़ाँदा लागा अंदा रंह्।

1 तीमुथियुस 4:13 ပူးပေါင်းရင်းမြစ်များ

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

प्रेरितो कै काम 6:4

पौरौ आमुए तौ प्रार्थना औरौ वचनो का प्रचार औरौ शिक्षा दैणौ दै लागैयौंदे रौंदै।”

रोमियों 12:8

जैसीखै खुशी कौरणौ का वरदान औसौ, तौ सै लोगौ कै खुशी कौरदा रौंव; जै दान दैणौवाल़ा हौंव तौ दिल खोले कै दान दैंव; जै इनु अगुवाई कौरणौ का वरदान औसौ तौ ऐजौ लगन कै साथै कौरौ, जू दया कौरौ, सै खुशी शै कौरौ।

1 कुरिन्थियों 14:26

इथकारिए ओए रै बिशवाशी भाईयों, शुणौ कै कामौ खै कैशै कौरणै चैंई? जोबै तुऐं आराधना कौरणौ कारिए कौठै हौंव तौ तुऔं मुंजीदै कुणिए तौ गीत गाओ, कुणिए उपदैश दौ, कुणिए प्रभु कै दवारा दैययौंदे वचन कै प्रकट कौरौ, कुणिए जौई-जौई भाषा दी बातौ कौरेयौ तिथका मतलब सोमझाव। तुऐं जू किछै कौरौ सैजौ कलीसिया कै तरककी कारिए हौंव।

1 कुरिन्थियों 14:3

पौरौ जू हौणौवाल़ी बातौ कौरौ, सै बिशवाशियौं खै बिशवाश दै मोजबूत कौरणौ, हौंसला बौढ़ाणौ औरौ तसल्ली दैणौ दै मौदद कौरौ।

1 कुरिन्थियों 14:6

इथकारिए ओए रै बिशवाशी भाईयों जै हांव तोंवारै धोरे आऐबा औकै भाषा दी बातौ कौरु, तौ मुं कैईंदा तुऔं का फायदा औसौ? पौरौ जै हांव तुऔं कारिए पेयाशो या किछै खास ज्ञान लियोऊ या हौणौवाल़ी बातौ या शिक्षा दियु, सै तुऔं कारिए फायदैमंद हौन्दी।

1 तीमुथियुस 4:16

इथ बारै मुंजी चौकश रौया कै तू कैशै रौए औरौ का शिखै। इनु बातौ पांदी मोजबूत रो, जै ऐशणौ कौरला, तौ इथका नतीजा ऐजा हौला कै पौरमेशवर तैरै दवारा ताखै औरौ तैरै शुणणौवाल़ै कै बै न्याय शै बौचांदा।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

2 तीमुथियुस 3:15

बचपन शै ही तू पवित्र शास्त्र कै जाणै, जू पौरमेशवर ताखै मसीह यीशु पांदी बिशवाश कौरणौ औरौ बौचाणौ कै ज्ञान दैणौ लायक औसौ।

2 तीमुथियुस 4:2

कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।