1 तीमुथियुस 3:3 - सिरमौरी नौवाँ नियम

³ तैसी सूरवाए औरौ झौगड़वाए नी हौणौ चैंई; पौरौ दयालु औरौ सौब्री औरौ शान्त स्‍वभाव का आदमी हौणौ चैंई, औरौ तैसी धन का लालच ना हौणा चैंई।

Sirmouri

³ सुराऐ, के माँरपीट कर्णो वाल़ा, ने हों; मतल्व शरीफ़ हो, अरह् ना झगड़ू, अरह् ना धन का लाल़्ची हों।

1 तीमुथियुस 3:3 ပူးပေါင်းရင်းမြစ်များ

मत्ती 21:13

औरौ तिनु बौल़ौ, “पवित्र शास्त्र दो लैखै राए; ‘मैरौ घोर प्रार्थना को घोर बौल़ै जांव’ पौरौ तुऐं तिथुकै डाकुओं लैई भोरेयोंदे गुफा बौणांव।”

प्रेरितो कै काम 20:33

मोऐं कोसी कै चांदी, सूनु या खोटणो का लालच नी कौरी।

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

इफिसियों 5:18

औरौ सूर पैयौ माचैयौ नै, जिथुकै ऐजौ लोगौ कै शर्मनाक औरौ बेकाबू तरीकै शै बर्ताव कौरणौ कै बौजैह बौणौ, पौरौ पवित्र आत्मा कै तुऔं आपणी शौकतै शै भौरणौ दौ।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

1 तीमुथियुस 3:8

तैशैखैई कलीसिया कै सेवको कै ऐशणै आदमी हौणौ चैंई जिनका लोग आदर कौरौ। तिनु दुगल़ै औरौ सूरवाए नी हौणौ चैंई, बैसब्री औरौ धौखा दैयौ धन कमाणौ वाल़ै नी हौणौ चैंई।

2 तीमुथियुस 3:2

जिथुकै लोग सिरफ आपी आरी प्यार कौरदै ओकी लोगौआरी नी, धन कै लोभी, डींगमार, घमण्डी, ओकी लोगौ की बैज्जती कौरणौवाल़ै, माँ बापू कै आज्ञा ना मानणोवाल़ै, ओकी लोगौ का सान ना मानणोवाल़ै, अपवित्र,

तीतुस 1:11

इनु लोगौ की शिक्षा का विरोध कौरणा चैंई: जिथुकै सै गौलत शिक्षाओं कै शिखायौ पूरै परिवार का नाश कौरे दैंव। इथकारिए सै ऐशै कौरेयौ धन कमाणा चांव।

तीतुस 1:7

जिथुकै ऐक अगुवे कै पौरमेशवर का भण्‍डारी हौणौ की बौजैह शै निर्दोष हौणौ चैंई; औरौ ना हठीला, ना गुस्से बाज, ना पियक्कड़, ना मारपीट कौरणौवाल़ा औरौ ना नीच कमाई का लालची हौणा चैंई।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

तीतुस 3:2

कोसी कै बदनाम नी कौर, औरौ शान्त स्‍वभाव कै हौंव औरौ सौबी आदमी कै साथै बौड़ै शराफत कै साथै रौव।

इब्रानियों 13:5

आपणै जीवन कै धन कै लालच शै आज़ाद राखौ। औरौ जू तुऔं कैई औसौ, तिथमुंजी खुशी रौंव; जिथुकै पौरमेशवरे आपी बौल़ै राए, “हांव ताखै कौलोंई बै ना छोड़दा, औरौ ना कौलोंई बै ताखै त्यागदा।”

याकूब 4:1

तुऔं मुंजी लौड़ाए औरौ झोगड़े कुकै दै आए गौवै? ऐजै तिनु बुरी इछावं शै आंव जू तोंवारै भीतरै लोड़ोए।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

यहूदा 1:11

तिनु पांदी हाय! तिनुऐ आदम कै बैटै कैन कै जैशणै दुष्टता शै बर्ताव कौरा, जैणै आपणै भाई खै मारै दिया। तिनुऐ काल़ैयौ सैजै गौलती कौरे जू बिलामै ओकी लोगौ खै पाप कै ढौबौ लोए जाणौ शै कौरे राए थै ताकि पौयसै पाए सौकौ। जैशैखै मूसा कै खिलाफ आपणै लौड़ाई की बौजैह शै कौरह का नाश हौए गौआ, तैशैखैई ऐजै लोग बै नाश हौए जांदै जिथुकै ऐजै बै प्रभु कै खिलाफ लौड़ाए कौरौ।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।