1 तीमुथियुस 2:5 - सिरमौरी नौवाँ नियम

⁵ जिथुकै सिरफ ऐकैई पौरमेशवर औसौ, औरौ सिरफ ऐकैई आदमी औसौ जू पौरमेशवर औरौ लोगौ कै बीच मुंजी मैल मिलाप कौरवाए सौकौ यानी सै यीशु मसीह औसौ, जू ऐक आदमी कै रुप दा पौयदा हौआ।

Sirmouri

⁵ किन्देंखे के पंण्मिश्वर ऐक ही असो, अरह् पंण्मिश्वर अरह् आदमी के बिचो दा ऐक ही बिचोलिया असो; मतल्व देह्-शरीर धारण कर्णो वाल़े मसीया यीशू।

1 तीमुथियुस 2:5 ပူးပေါင်းရင်းမြစ်များ

मत्ती 1:1

ऐजी यीशु मसीह कै बुड़ेईको कै नांव कै सूची औसौ। सै राजा दाऊद कै पीढ़ी का थिया, जू अब्राहम का वंश का थिया।

मत्ती 1:23

“दैखैया, ऐकी कुंवारी कै होल़किणु हौल़ौ औरौ सै ऐकी बैटै खै जन्म दैलै, औरौ तैसकौ नांव इम्मानुएल राखैया,” जिथका मतलब औसौ पौरमेशवर अमारै साथै औसौ।

लूका 14:22

नोकरे हौजौ बौल़ौ, ‘ओए रै मालिक, जैशै तुऐं बौल़ै राए थियु तैशैखैई कौरे राए; पौरौ हौजौ बै किछै ठाँव खाली औसौ।’

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

प्रेरितो कै काम 4:12

यीशु कै सिवाए कोसी ओकी कै दवारा उध्दार ना आथी जिथु स्वर्ग कै धैनै आदमी मुंजीदा ओका कुणजाई बै नांव ना दैय रैई, जैसकै दवारा आमै उध्दार पाए सौकु।”

रोमियों 1:3

ऐजा सुसमाचार अमारै प्रभु यीशु मसीह जू पौरमेशवर का बैटा औसौ तैसकै बारै दा औसौ, जू राजा दाऊद कै पीढ़ी दा पौयदा हौआ।

रोमियों 10:12

यहूदी औरौ बैगानै यहूदी लोगौ मुंजी किछै भैद ना आथी, इथकारिए कै पौरमेशवर सौबी का प्रभु औसौ औरौ सै आपणै सौबी लोगौ खै बौचांव, जू तैसीकै मौदद कारिए पुकारौ।

1 कुरिन्थियों 8:4

तौ तोबै, हांव खाणौ कै बारै मुंजी सवाल का जोवाब दैणा चोऊं। आमै जाणुए कै सिरफ ऐकैई जियुंदी पौरमेशवर औसौ औरौ इयौं दुनिया दी मूर्ति बैजान औसौ।

गलातियौं 3:20

जोबै दो लोगौ कै बिज़ सौमझौता हौंव, तोबै बिचोलिया कै जौरुरत हौंव। पौरौ जोबै पौरमेशवरे अब्राहम आरी वादा कौरा तौ तैणै कोसी बिचोलिया का इस्तैमाल ना कौरी, जिथुकै पौरमेशवर ऐक औसौ।

इफिसियों 4:6

औरौ ऐकैई पौरमेशवर औसौ जू सौबी लोगौ का पिता औसौ, सै आमु सौबी पांदी राज कौरौ, सै आमु सौबी कै दवारा काम कौरौ औरौ सै आमु सौबी पांदी दया कौरौ।

1 तीमुथियुस 6:13

हांव ताखै पौरमेशवर कै जू सौबी कै जियुंदी राखौ, औरौ मसीह यीशु कै गवाह मानैयौ, जैणै जोर दैयौ साचौ बौल़ौ जोबै तैसी पुन्‍तियुस पिलातुस खै धोरे मुकदमे कारिए लियोऊवा, तिनु दुईनै कै धोरे दा, हांव तुऔं खै ऐजा आदैश दियु,

इब्रानियों 12:24

तुऐं यीशु कै धोरे आए रौवै जू पौरमेशवर औरौ लोगौ मुंजी नोऐं कौरार कै बीचवैई कौरौ, औरौ छिड़कैयौंदे लोऊ कै धोरे आए रौवै, हाबिल कै लोऊए न्याय कै मांग कौरे पौरौ मसीह का लोऊ पापौ कै माफी कारिए बौवाया गौआ।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

इब्रानियों 8:6

पौरौ जू पुरोहित का काम यीशु मसीह खै भैटा, सै तैसी काम दा कौथी बौढ़ेयौ औसौ जू ओकी पुरोहितो खै दैय राए थिया। जिथुकै सै सैजाई औसौ जू महान वादो कै आधार पांदी, पौरमेशवर कै सामणै अमारै खातिर ऐक बैजाए महान वादै कै बीचवैई कौरौ।

इब्रानियों 9:15

इथ बौजैह शै मसीह पौरमेशवर कै ढौबौशा आपणै लोगौ कारिए ऐक नोऐं कौरार लाणौ वाल़ा बिचोलिया औसौ। ताकि सैजै लोग जिनुखै पौरमेशवरे बौएदै राए तिनु आशीषौ खै पाए सौकौ जिथका वादा पौरमेशवरे कौरे राए थिया। ऐशै इथकारिए हौए सौकौ जिथुकै मसीह तिनु तिनकै पापौ कै सौजा शै आज़ाद कौरवाणौ कारिए मौरे गौआ जू तिनुऐ आगलै कौरार कै अधीन रौयौ कौरे राए थिए।

1 यूहन्ना 2:1

मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

प्रकाशितवाक्य 1:13

औरौ तिनु दियोट कै बीच ऐक जुणा आदमी का जैशणा दैखैयो थिया, सै लाम्बै लुस्कै बाम्बैयौंदा थिया जू तैसकै लातो तौड़ी पौऊंचौ थियु। उपले छाती कै चोऊ ढौबौ ऐक सूनै का पाटा बानै राए थिया।