1 तीमुथियुस 2:2 - सिरमौरी नौवाँ नियम

² राजाओं कारिए औरौ तिनु सौबी लोगौ कारिए प्रार्थना कौरौ जू औधिकार दै औसौ ताकि सै आमु शान्तै औरौ सुरक्षा शै रौणौ दै मौदद कौरौ ताकि आमै पौरमेशवर कै आराधना कौरे सौकु औरौ ओकीआरी सौदा सोही बर्ताव राखु।

Sirmouri

² राजाओं अरह् बादे बह्ड़े ऊँचे पद्-भार वाल़े हाकम खे ईन्देंखे के आँमें बिषाँव अरह् च़ंऐन आरी बादी भगत्ति अरह् नंरमाँई आरी जीवन बिताँव।

1 तीमुथियुस 2:2 ပူးပေါင်းရင်းမြစ်များ

लूका 1:6

औरौ सै दुईनै पौरमेशवर कै सामणै धरमी थिए, औरौ प्रभु की सौबी आज्ञाओं औरौ नियमौ पांदी निर्दोष चालणौ वाल़ै थिए।

लूका 2:25

तैसी सौमय यरूशलेम शहर दा शमौन नांव का ऐक आदमी थिया औरौ सैजा आदमी धरमी औरौ भकत थिया, औरौ बैसब्री शै मसीह कै आणौ का इंतजार कौरे लौआ थिया कै सै इस्राएल देश कै शान्तै दैंव, औरौ पवित्र आत्मा तैसी पांदी थै।

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 24:16

इथकारिए हांव आपी बै कौचिश कौरु, कै पौरमेशवर की औरौ आदमी कै ढौबौशा मैरा विवेक सौदा निर्दोष रौंव।

रोमियों 12:18

जांव तौड़ी हौए सौकौ, सौबी आदमी कै साथै मैल मिलाप राखौ।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

1 थिस्सलुनीकियों 4:11

औरौ जैशै आमै तुऔं खै सौमझाए राए, कै तुऔं शान्तै कै साथै जीवन जिणा चैंई औरौ ओकी कै मामलै दै दखल ना दैव, औरौ आपणै-आपणै हाथौ लैई कमाणौ कै कौचिश कौरौ।

इब्रानियों 12:14

सौबीआरी मैल-मिलाप राखौ, औरौ ऐक पवित्र जीवन जिणौ कै कौचिश कौरणै चैंई जिथकै बिना कुणिए प्रभु खै कौलोंई बै ना दैख सौकौ।