1 तीमुथियुस 2:1 - सिरमौरी नौवाँ नियम

¹ हांव बिन्ती कौरु कै, बिन्ती, प्रार्थना, निवेदन, औरौ धन्यवाद, सौबी आदमी कारिए कौरणै चैंई।

Sirmouri

¹ ईन्देखे सोभी शी आगे मेरी ऐजी ढाल-अरज असो, के सोभिखे बिन्त्ती, प्रार्थनाऐं, अरह् अर्जी, अरह् धन्यबाद ऐक नाँम आदमी की ताँईऐ करा ज़ाँव।

1 तीमुथियुस 2:1 ပူးပေါင်းရင်းမြစ်များ

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

रोमियों 1:8

आगै हांव तुऔं सौबी कै यीशु मसीह दवारा आपणै पौरमेशवर का धन्यवाद कौरु, जिथुकै यीशु मसीह पांदी तोंवारै बिशवाश कै चौर्चा बौहितै ठाँव दै हौए रौए।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

1 कुरिन्थियों 15:3

मोऐं सैजा सौबिदा खास सौंदेश बौतौऊवा जू मुखै प्रभु यीशु शा भैटी रौआ थिया। सैजा सौंदेश ऐजा औसौ, पवित्र शास्त्र कै हिसाब शै अमारै पापौ कै खातिर मसीहे प्राण कै दैय राए।

2 कुरिन्थियों 8:6

इथकारिए आमुए तीतुस खै सौमझौऊवा, कै जैशै तैणै आगै शुरु कौरे राए थियु, तैशैखैई तोंवारै बीच मुंजी ऐजा दान कै काम खै पूरा बै कौरौ।

इफिसियों 3:13

इथकारिए हांव बिन्ती कौरु कै जू कौल़ेश तोंवारै खातिर मुखै हौए रौवै, तिथकै बौजैह शै निराश नी हौणौ चैंई ऐजौ सौबै तोंवारै ही फायदै कारिए औसौ।

इफिसियों 5:20

औरौ जू किछै अमारै प्रभु यीशु मसीहे कौरे राए तिथकै बौजैह शै सौदा अमारै पौरमेशवर पिता कै सौबै बातौ कारिए धन्यवाद कौरदै रौव।

इफिसियों 6:18

औरौ हर सौमय औरौ हर प्रकार शै आमु तैशै ही प्रार्थना कौरणै चैंई जैशै पवित्र आत्मा आमु अगुवाई कौरौ, इथकारिए जागदै रौव औरौ सौबी पौरमेशवर कै लोगौ कारिए हमैशा बिन्ती कौरदै रौव।

फिलिप्पियों 1:3

हांव जौल़ौ-जौल़ौ तुऔं याद कौरु तौलौ-तौलौ आपणै पौरमेशवर का धन्यवाद कौरु।

फिलिप्पियों 4:6

कियौंई बातौ कै फिकर ना कौरौ; पौरौ हरेक पौरैशानी मुंजी अमारै निवेदन प्रार्थना औरौ बिन्ती कै दवारा धन्यवाद कै साथै पौरमेशवर खै धोरे लाए जांव।

1 थिस्सलुनीकियों 3:12

आमै ऐजै प्रार्थना कौरु कै प्रभु ऐशै कौरौ कै, जैशैखै आमै तुऔंआरी प्यार कौरु, तैशैखैई तुऐं बै ऐकी दुजैआरी प्यार कौरौ, औरौ सौबी लोगौ कै साथै तोंवारा प्यार हौजौ बै बौढ़ौ, औरौ हमैशा बौढ़दा जांव।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

1 तीमुथियुस 2:4

सै चांव कै सौबै बौचै जांव औरौ सच कै ज्ञान खै जाणौ।

1 तीमुथियुस 5:5

सैजै विधवा, जियौंकै दैखभाल कौरणौवाल़ा कुणिए ना आथी, सै पौरमेशवर पांदी ही आशा राखौ, औरौ रात दूस बिन्ती औरौ प्रार्थना मुंजी पौरमेशवर शै आपी कारिए मौदद मांगो।

2 तीमुथियुस 2:24

औरौ प्रभु कै सेवक कै झोगड़ालु नी हौणौ चैंई, पौरौ तैसी सौबी कै साथै दयालु हौणौ चैंई, पौरमेशवर कै वचन कै साफ तरीकै शै शिखाणै दा काबिल हौणौ चैंई औरौ लोगौ कै साथै धीरज राखणा चैंई।

तीतुस 2:11

बिशवाशी कै ऐशैखै शिखा जिथुकै पौरमेशवरे सौबी लोगौ कै पापौ शै छुड़ाणो कै बाट दिखायौ आपणै दया दिखाए राए।

तीतुस 3:2

कोसी कै बदनाम नी कौर, औरौ शान्त स्‍वभाव कै हौंव औरौ सौबी आदमी कै साथै बौड़ै शराफत कै साथै रौव।

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

याकूब 5:16

इथकारिए तुऐं आपी मुंजी ऐकी दूजै कै सामणै आपणै-आपणै पापौ खै मानै पाव, औरौ ऐकी दूजै कारिए प्रार्थना कौरौ, जिथलैई तुऐं ठीक हौए जांव, औरौ धरमी आदमी कै प्रार्थना जादा शौकतीशाली हौंव औरौ तिथकै अनौखै नतीजै भैटौ।