1 थिस्सलुनीकियों 5:15 - सिरमौरी नौवाँ नियम

¹⁵ ऐजौ ध्यान राखौ कै कोसी कै बुराई कै बौदलै बुराई नी कौरेया; बल्कि तुऔं ऐकी दूजै कारिए औरौ सौबी कारिए भले काम कौरणौ कै कौचिश कौरणै चैंई।

Sirmouri

¹⁵ सकन्नै रूऐ! कुँऐं कोसी आरी बुराई के बद्ल़े बुराऐ ने करह्; परह् सदा भलाई की ताक दे रंह्, आपस मुझी अरह् बादे आरी भलाई की ही कोशिष करे।

1 थिस्सलुनीकियों 5:15 ပူးပေါင်းရင်းမြစ်များ

मत्ती 5:39

पौरौ हांव तुऔं खै ऐजौ बुलू कै बुरै आदमी शै बौदला नै लोया, पौरौ जू कुणिए तैरै सोऐं खोखटै पांदी चटाका लालै, तैसकै ढौबौ खै ओका खोखटा बै फैरै दैया।

लूका 6:35

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

प्रेरितो कै काम 16:28

पौरौ पौलुसे जोर शै धाव दैयौ बौल़ौ, “आपी कै किछै बै नुकसान नी पोऊंचा, जिथुकै आमु सौबै इथी औसौ।”

रोमियों 12:9

औरौ ओकीआरी प्यार कौरणौ का दिखावा ना कौरौ; बुराई शै नफरत कौरौ; औरौ जू आछौ औसौ सैजौ हमैशा कौरदै रौव।

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

1 कुरिन्थियों 14:1

इथकारिए प्यार का स्‍वभाव राखदै बैई आत्मिक वरदानो कै बौड़ै इछा कौरदै रौव खास कौरेयौ पौरमेशवर कै बातौ बौताणौवाल़ै कै वरदान कै।

1 कुरिन्थियों 16:10

जै तीमुथियुस तोंवारै धोरे कुरिन्थुस शहर दा आंव तौ तैसका आपी मुंजी स्वागत कौरेया, जिथुकै सै मैरै जैशणा प्रभु का काम कौरौ।

1 कुरिन्थियों 6:7

हकीकत ऐजै औसौ कै तोंवारै बीच मुकदमे औसौ इथका मतलब औसौ कै तुऐं मसीह कै जैशणा बिल्कुल बै बर्ताव ना कौरे लैई इथकै जौगैह तुऔं कै ऐजौ कौरणौ चैंई थियु कै ओकी कै बुराई कै सैहन कौरदै औरौ आपणा नुकसान हौणौ दैंदै।

गलातियौं 6:10

इथकारिए जिथै तौड़ी मौका भैटौ, आमु सौबी लोगौ खै साथै भोलाए कौरणी चैंई; खास तौर शै साथी बिशवाशी कै साथै।

इफिसियों 5:15

इथकारिए ध्यान शै दैखौ, कै आपणै स्‍वभाव कै बारै मुंजी खास कौरेयौ चौकश रौंव; निर्बुध्दि कै जैशणै नी पौरौ बुध्दिमान कै जैशणै हांडो।

इफिसियों 5:33

पौरौ ऐजौ तुऔं पांदी बै लागू हौंव तुऔं मुंजीदै सौबै आपणी घोरवाल़ी आरी आपणै जैशणा प्यार राखौ, औरौ घोरवाल़ी बै आपणै घोरवाल़ै का आदर कौरौ।

1 थिस्सलुनीकियों 2:12

ऐशणा जीवन जियौ जू पौरमेशवर खै खुश कौरौ, जू तुऔं खै आपणै राज्य औरौ महिमा दै शामिल हौणौ कारिए बोईदौए।

1 थिस्सलुनीकियों 5:21

पौरौ हरेक सौंदेश कै जांच पड़ताल कौरौ कै सै पौरमेशवर कै ढौबौशौ औसौए कै आथी ना, जू आछै सौंदेश खै स्वीकार कौरौ औरौ तिनका पालन कौरौ।

1 तीमुथियुस 6:11

पौरौ ओए रै तीमुथियुस, तू पौरमेशवर कै सेवा कौरणौवाल़ा आदमी औसौ, ताखै इनु सौबी चीज़ौ कै कौरणौ शै बौचणौ चैंई जू सोही औसौ सिरफ सैजौ कौरणौ कारिए हर तरह शै कौचिश कौरेयौ ऐक ऐशणा जीवन जी जू पौरमेशवर कै आदर दैंव। मसीह पांदी भोरोशा राख, ओकी लोगौआरी प्यार औरौ शराफत शै रौया औरौ कौलोंई बै हार नी मानैया।

2 तीमुथियुस 2:24

औरौ प्रभु कै सेवक कै झोगड़ालु नी हौणौ चैंई, पौरौ तैसी सौबी कै साथै दयालु हौणौ चैंई, पौरमेशवर कै वचन कै साफ तरीकै शै शिखाणै दा काबिल हौणौ चैंई औरौ लोगौ कै साथै धीरज राखणा चैंई।

तीतुस 3:2

कोसी कै बदनाम नी कौर, औरौ शान्त स्‍वभाव कै हौंव औरौ सौबी आदमी कै साथै बौड़ै शराफत कै साथै रौव।

इब्रानियों 12:14

सौबीआरी मैल-मिलाप राखौ, औरौ ऐक पवित्र जीवन जिणौ कै कौचिश कौरणै चैंई जिथकै बिना कुणिए प्रभु खै कौलोंई बै ना दैख सौकौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 2:17

सौबी का आदर कौरौ, आपणै सौबी बिशवाशी साथी आरी प्यार राखौ। पौरमेशवर दै डौरौ, राजा कै इज्जत कौरौ।

1 पतरस 3:9

बुराई कै बौदलै बुराए ना कौरौ औरौ ना गाल़ी खै बौदलै गाल़ी दैव; पौरौ इथकै बौदलै आशीष ही दैंव: पौरमेशवरे तुऔं बौएदै राए ताकि तुऐं ओकी खै आशीष दैय सौकौ। जै तुऐं ऐशै कौरलै तौ पौरमेशवर बै तुऔं आशीष दैंदा।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।

प्रकाशितवाक्य 19:10

जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”

प्रकाशितवाक्य 22:9

पौरौ तैणै मुखै बौल़ौ, “दैख, ऐशै नी कौर; मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैरै जैशणा औरौ पौरमेशवर कै बातौ बौताणौवाल़ै कै जैशणा औरौ जू इयौं किताबो की बातौ मानौए, तिनकै जैशणा ऐक सेवक औसौ।”