1 थिस्सलुनीकियों 3:11 - सिरमौरी नौवाँ नियम

¹¹ आमै प्रार्थना कौरु कै अमारै पौरमेशवर पिता औरौ अमारै प्रभु यीशु मसीह तुऔं शै भैटिणौ कारिए बाट तैयार कौरौ।

Sirmouri

¹¹ ऐबे अमाँरा पंण्मिश्वर अरह् पिता आपु ही अमाँरा प्रभू यीशू आपु ही तुँओं कैई आँणों खे आँमों कैई शी बाट् देखाँव;

1 थिस्सलुनीकियों 3:11 ပူးပေါင်းရင်းမြစ်များ

मत्ती 6:14

“इथकारिए जै तुऐं आदमी कै पाप माफ कौरलै, तौ पौरमेशवर जू तोंवारा स्वर्ग का पिता औसौ सै बै तोंवारै पाप माफ कौरदा।

मत्ती 6:18

ताकि लोग नै पौरौ तैरा पिता जू गुप्‍त दा औसौ, ताखै उपवासी जाणौ। औरौ तोबै तैरा पिता जू गुप्‍त दा दैखौए सै ताखै इनाम दैला।

मत्ती 6:26

गौयण कै चुड़कुल़ै खै दैखौ, सै ना तौ बौंव, ना ही काटो, औरौ ना ही कोठारो दै कौठै कौरौ, तौ बै तोंवारा स्वर्गीय पिता तिनुखै खियांव, पौरौ तुऐं तिनुदै बै जादा कीमती औसौ।

मत्ती 6:32

जिथुखै बैगानै जाति कै लोग बै इनु सौबी चीज़ौ की खोज़ दै लागैयौंदे रौंव इथकारिए चिन्‍ता नै कौरेया, जिथु तोंवारा स्वर्गीय पिता जाणौए कै तुऔं इनु सौबी चीज़ौ कै जौरुरत औसौ।

मत्ती 6:4

ताकि तैरा दान गुप्‍त रौंव, तोबै तैरा पिता ताखै गुप्‍त दा दैखला, औरौ ताखै इनाम दैला।”

मत्ती 6:6

पौरौ जौल़ौ तू प्रार्थना कौरे तौ आपणै कोठरी दा जा औरौ दवार बन्द कौरेयौ आपणै पिता शै प्रार्थना कौर; ताकि तैरै प्रार्थना गुप्‍त रौंव; औरौ तोबै तैरा पिता जू ताखै मेसो दैखौए सै ताखै इनाम दैला।

मरकुस 1:3

उजाड़ जौगैह दै ऐकी धाव दैणौवाल़ै कै धाव रौए शौणै कै, प्रभु कै खातीरदारी कारिए आपणै मनो खै तैयार कौरौ, औरौ तैसकै आणौ कारिए आपी खै सुधारौ।”

लूका 12:30

जिथुकै जू लोग पौरमेशवर कै ना जाणौ, सैजै लोग इनु सौबी चीज़ौ की खोज़ दै रौंव, पौरौ तोंवारा पौरमेशवर पिता जाणौए, कै तुऔं इनु चीज़ौ की जौरुरत औसौ।

लूका 12:32

“तुऐं मैरै दैखभाल कारिए भेड़ो कै झुंड कै जैशणै औसौ, इथकारिए कोसी बै बातौ कै बारै मुंजी नै डौरेया, जिथुकै तोंवारै पिता पौरमेशवर कै ऐजै बात भाय रौए, कै तुऔं आपणा राज्य दैंव।

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

रोमियों 1:3

ऐजा सुसमाचार अमारै प्रभु यीशु मसीह जू पौरमेशवर का बैटा औसौ तैसकै बारै दा औसौ, जू राजा दाऊद कै पीढ़ी दा पौयदा हौआ।

2 कुरिन्थियों 6:18

औरौ तोंवारा पिता हौंदा, औरौ तुऐं मैरै बैटै औरौ बेटियाँ हौंदी; ऐजा सौबिदा बौड़ा शौकतीशाली प्रभु पौरमेशवर का वचन औसौ।”

गलातियौं 1:4

अमारै पौरमेशवर औरौ पिता की इछा कै हिसाब शै मसीह यीशुए आपी खै अमारै पापौ की बौजैह शै बलिदान कौरे राए ताकि सै आमु तिनु बुरी शोकतियौ शै आज़ाद कौरौ जू ऐलो दुनिया दी काम कौरौ।

कुलुस्सियों 1:2

ऐजै चिट्टी मसीह दै तिनु पवित्र औरौ भोरोशे लायक भाईयों खै नांव औसौ जू कुलुस्‍से शहर दै रौंव। अमारा पिता पौरमेशवर तुऔं अनुग्रह औरौ शान्तै दैंदा रौंव।

1 थिस्सलुनीकियों 3:13

आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।

1 थिस्सलुनीकियों 4:16

जिथुकै प्रभु यीशु आपी ही स्वर्ग पौरैशा उतरदा; सै जोराल़े धाव कै साथै आदैश दैंदा, औरौ ऐक प्रधान स्‍वर्गदूत ऊंची धाव शै बौलदा औरौ पौरमेशवर कै तुरही बौजांदा, तोबै सौबीदै आगै सै, जू मसीह पांदी बिशवाश कौरदै बैई मौरे गौवै, औगौड़ियौ जियुंदी हौंदै।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

2 थिस्सलुनीकियों 2:16

आमै आपी प्रभु यीशु मसीह शै, औरौ अमारै पिता पौरमेशवर शै प्रार्थना कौरु जू आमुआरी प्यार कौरौ औरौ जैणै आपणै अनुग्रह शै आमु सौदा हौंसला औरौ मोजबूत आश दैय राए।

2 थिस्सलुनीकियों 3:16

हांव प्रार्थना कौरु कै प्रभु, जू शान्तै का स्रोत औसौ सै हर तरह शै तुऔं हमैशा शान्तै दैंदा रौंव: औरौ प्रभु तुऔं सौबी कै साथै सौदा रौंव।

2 थिस्सलुनीकियों 3:5

आमै प्रार्थना कौरु कै प्रभु यीशु मसीह तुऔं दिखांव कै पौरमेशवर तुऔंआरी कैतरा प्यार कौरौ, औरौ सताव खै तैशैखैई सैहन कौरेया जैशैखै मसीहे सैहन कौरे राए।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

प्रकाशितवाक्य 21:3

तोबै मोऐं ऐक आवाज़ शौणै जू पौरमेशवर कै सिंहासन पौरैशै जोर शै आए, “दैख, ऐबै पौरमेशवर लोगौ मुंजी आपणा घोर बाणदा औरौ सै तिनकै साथै रौंदा, औरौ सै तैसकै लोग हौंदै, सै तिनु आपणै लोगौ कै रुप दै अपनांदा औरौ सै तिनकै साथै रौंदा, औरौ लोग बै तैसी आपणै पौरमेशवर कै रुप दै अपनाया कौरदै।