1 थिस्सलुनीकियों 2:18 - सिरमौरी नौवाँ नियम

¹⁸ इथकारिए आमै (यानी मोऐं पौलुसे) एकबेई नी, पौरौ बार-बार तोंवारै धोरे आणौ चोऊं, पौरौ शैतानै आमुखै तोंवारै धोरे आणौ शै रौकै राए।

Sirmouri

¹⁸ ईन्देंखे आँमें (मतल्व मुँऐ पौलुस ऐ) ऐकी बई ने परह् दू बई तुँओं कैई आँणों चहाँव, परह् शैतान आँमों रूकदा रूआ।

1 थिस्सलुनीकियों 2:18 ပူးပေါင်းရင်းမြစ်များ

मत्ती 4:10

तोबै यीशुए तैसीखै बौल़ौ, “ओए रै शैतान दूर हौए जा, जिथुखै पवित्र शास्त्र दो ऐजौ बै लैखै राए: ‘तू आपणै प्रभु पौरमेशवर कै झोकैबा ढाल़ कौर, औरौ सिरफ तैसकै सेवा कौर।’”

रोमियों 1:13

औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।

रोमियों 15:22

इथकारिए हांव तोंवारै धोरे आणौ शै बार-बार रौकै गौआ।

1 कुरिन्थियों 16:21

हांव पौलुस तुऔं खै आपणै हाथौ लैई नमशकार लिखु: जै कुणिए प्रभु आरी प्यार ना राखौ तौ सै शरापित औसौ।

फिलिप्पियों 4:16

ऐशैखैई जोबै हांव थिस्सलुनीके शहर दा थिया तोबै बै तुऐं दो बैई पौयसै भैजैयो मैरी जौरुरत दै मैरै मौदद कौरे।

कुलुस्सियों 4:18

मोऐं पौलुसे तुऔं नमशकार कौरणौ कारिए चिट्ठी कै ऐसी हिस्से कै आपणी लिखाए दो लैखै लो। याद राखौ कै हांव कोयदखाने दा औसौ औरौ मुं कारिए प्रार्थना कौरदै रौव। पौरमेशवर का अनुग्रह तुऔं पांदी हौंदा रौंव। आमीन

2 थिस्सलुनीकियों 3:17

मोऐं पौलुसे तुऔं नमशकार कौरणौ कारिए ऐजै चिट्ठी आपणी लिखाए दै लैखै लोए। मोऐं आपणी सौबी चिट्ठी का अंत ऐशैखैई कौरे राए, ताकि सौबी खै पौता चालौ कै ऐजै चिट्ठी मैरै ढौबौशै औसौ।

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।