1 थिस्सलुनीकियों 2:17 - सिरमौरी नौवाँ नियम

¹⁷ ओए रै बिशवाशी भाईयों, जोबै आमै दैणिक देर कारिए मन दै नी पौरौ शारीरिक रुप शै तुऔं दै जौई हौए गौवै थिए, तौ आमुए बौड़ी लालसा कै साथै तुऔं दैखणौ कारिए हौजौ बै जादा कौचिश कोरी।

Sirmouri

¹⁷ हे भाऐ-बंईणों, जबे आँमें ऐगड़ी खे तुँओं आरी शे बिछ़ड़ी गुऐ थिऐ, सोंच-बिचारो शे ने परह् सिर्फ देह्-शरीर शे; परह् आँमें तुँओं आरी भेंटिणों खे काऊँल़ी रंह्, आँमें बैगेही पराऊँणी रंह्।

1 थिस्सलुनीकियों 2:17 ပူးပေါင်းရင်းမြစ်များ

लूका 12:58

जौल़ौ तू आपणै बौयरी कै साथै न्यायाधीश कै धोरे चालै रौआ, तौ बाटौ ही पुंडे तैसीयादै बौचणौ की कौचिश कौरेया कोदी ऐशै नै हौंव कै सै ताखै न्यायाधीश कै धोरे खिंचैयौ नै लौए जांव, औरौ न्यायाधीश ताखै सिपाही कै धोरे लौए जांव, औरौ सिपाही ताखै ज़ेलो पुंडा खोटे दैंव।

लूका 22:15

औरौ तैणै तिनु बौल़ौ, “मुखै बौड़ै इछा थै, कै दुख सैयौ मौरणौ दै औगौड़ियौ ऐसी फसह कै तैयारो को खाणौ तोंवारै साथै खोऊं।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

रोमियों 1:13

औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।

रोमियों 15:23

पौरौ ऐबै इनु प्रदेशो दै जिनु लोगै मसीह कै बारै मुंजी ना शौणै रैई, तिनु बै सुसमाचार शुणाणौ का काम पूरा कौरे दिया, औरौ बैजाए सालो दै उंढे मुखै तोंवारै धोरे आणौ का मन औसौ।

1 कुरिन्थियों 5:3

जौबेकै हांव तुऔं कैईंदा दूर औसौ, पौरौ मैरै विचार तोंवारै साथै औसौ भलैई हांव तिथै ना आथी, पौरौ मैरै मनो दै ऐशै औसौ कै मोऐं सौथीखै तियौं जौगैह पांदी बुरा काम कौरणौवाल़ै कै खिलाफ फोयसला कौरे लौआ जू तैणै कौरे लौआ।

कुलुस्सियों 2:5

हांव तुऔं दा दूर औसौ तोबै बै तोंवारै बारै मुंजी सुंचदा रोऊं, औरौ हांव खुशी औसौ कै तुऐं एकता दै तैशै जी रौवै जैशै तुऔं जीणु चैंई, औरौ ऐजौ बै कै मसीह दै तोंवारै बिशवाश मजबूत औसौ।

1 थिस्सलुनीकियों 3:6

पौरौ इबी तीमुथियुसे जू तोंवारै धोरे पौरैशा अमारै इथै आयौ, तोंवारै बिशवाश औरौ प्यार का सुसमाचार शुणौऊवा। इयौं बातौ खै बै शुणाए, कै तुऐं सौदा प्यार कै साथै आमुखै याद कौरौ, औरौ आमुखै दैखणौ कै लालसा बै राखौए, जैशैखै आमै बै तुऔं दैखणौ कै राखुए।