1 थिस्सलुनीकियों 2:15 - सिरमौरी नौवाँ नियम

¹⁵ तिनु यहूदी लोगै प्रभु यीशु खै औरौ पौरमेशवर कै बातौ बौताणौवाल़ै कै बै मारै दियै औरौ आमु सोताए, औरौ पौरमेशवर तिनुदा खुश ना आथी; औरौ सै सौबी आदमियों का विरोध कौरौ।

Sirmouri

¹⁵ जिन्ऐं प्रभू यीशू अरह् ओके ऋषी भे माँरी दिते, अरह् आँमों भे सताऐ, अरह् पंण्मिश्वर तिन शा खुशी ने आथी, अरह् से बादे आदमी का बिरूध करह्।

1 थिस्सलुनीकियों 2:15 ပူးပေါင်းရင်းမြစ်များ

मत्ती 23:37

“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए जिनु तोंवारै धोरे छाड़ै राए थिए। किशैक बैई मोऐं ऐजौ चोऊ कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तोंवारै नानड़िया कै कौठै कौरु, पौरौ तुऐं ऐजौ ना चांव।

मत्ती 27:25

सौबै लोगै जवाब दिया, “ऐसकै लोऊ का इलजाम आमु पांदी औरौ अमारै सन्तानों पांदी हौंव।”

मत्ती 5:12

तौलौ तुऐं खुश औरौ मगन हौया जिथुखै तुऔं कारिए स्वर्ग दा बौड़ा इनाम राख राए। इथकारिए कै तिनुऐ तिनु पौरमेशवर कै बातौ बौताणौवाल़ै कै बै जू बौहितै सौमय दै आगै आए रौवै थिए ऐशैखैई सताए राए थिए।”

लूका 24:20

औरौ मुख्य यहूदी पुरोहितो औरौ अमारै ठोगड़े तैसी पोकड़वाए दिया, कै तैसी पांदी मौत कै आज्ञा दैय जांव, औरौ तैसी क्रूसो पांदी चौढ़ाया जांव।

प्रेरितो कै काम 12:3

जोबै तैणै दैखौ, कै यहूदी लोग इथलैई खुश हौंव, तौ तैणै पतरस खै बै पाकड़ी दिया, ऐजौ अखमीरी रोटी कै तैयारो का सौमय थिया।

प्रेरितो कै काम 2:23

यीशु पौरमेशवर कै दवारा तय कौरेयौंदे योजना औरौ आगलै ज्ञान कै हिसाब शै थोम्बाया गौआ। तौ तुऐं तैसी दुष्ट आदमियों कै मौदद लैई किलो लायौ क्रूसो पांदी चौढ़ायौ मारै दिया।

प्रेरितो कै काम 3:15

औरौ तुऐं तैसी जू लोगौ कै सौदा कै जिन्दगी दैंव मारै दिया, जैसी पौरमेशवरे मौरेयौंदे मुंजीदा जियुंदा कौरे दिया; औरौ इयौं बातौ कै आमु गवाह औसौ।

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

प्रेरितो कै काम 5:30

अमारै पुराणियो कै पौरमेशवरे यीशु कै मौरेयौंदे मुंजीदा जियुंदी कौरे दिया, जैसीकै तुऐं क्रूसो पांदी किलो लायौ औरौ लोटकायो मारै दिया।

प्रेरितो कै काम 7:52

पौरमेशवर कै बातौ बौताणौवाल़ै खै तोंवारै पुराणियाए ना सोताए रैई थी? औरौ तिनुऐ पौरमेशवर कै बातौ बौताणौवाल़ै खै मारै दियै जिनुवै तैसी धरमी आदमी यानी मसीह कै आणौ कै बारै मुंजी बौल़ै राए थियु, औरौ जोबै मसीह ओऊवा, तौ तुऐं तैसी धौखा दिया औरौ तैसकै मारै दिया।

1 कुरिन्थियों 10:5

पौरौ पौरमेशवर तिनुमुंजी दै बौहितै दा खुशी ना थी, इथकारिए सै रेगिस्थान दै मौरे गौवै।

2 कुरिन्थियों 11:26

हांव बार-बार यात्राओं दा; नोंदी कै खतरै दा; डाकुओं कै खतरै दा; बैगानै यहूदी कै खतरै दा; नोगरो कै खतरै दा, जोंगलो कै खतरै दा; समुन्द्र कै खतरै दा, झूठै बिशवाशियौं कै बीच कै खतरै दा रौआ;