1 पतरस 5:9 - सिरमौरी नौवाँ नियम

⁹ तुऔं आपणै मोजबूत बिशवाश कै साथै तैसका विरोध कौरणा चैंई। याद राखौ कै तोंवारै मसीह भाईटु जू पूरै दुनिया दै रौए रौवै, ऐशैखैई दुखो खै सौयन कौरे लौवै जैशै तुऐं सौय लौवै।

Sirmouri

⁹ बिश्वाष दे पाक्के हऐयों, अरह् ऐशो जाँणियों तैसका साँम्णा करह्, के तुवाँरे भाऐ बंईणों भी जू संईसारी दे असो, से ऐष्णें ही दु:ख संह्।

1 पतरस 5:9 ပူးပေါင်းရင်းမြစ်များ

लूका 22:32

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

यूहन्ना 16:33

मोऐं ऐजी बातौ तुऔं इथकारिए बुली, कै तुऐं मैरै चैलै औसौ औरौ तुऔं शान्तै भैटौ; दुनिया पांदी तुऔं कौल़ेश हौंव, पौरौ हिम्मत राखौ, मोऐं इयौं दुनिया कै ठोगड़े यानी शैतान कै हराए दिया।”

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

1 कुरिन्थियों 10:13

पाप कौरणौ की इछाएं आमु सौबी कै धोरे जौरुर आंव पौरौ पौरमेशवर वफादार औसौ सै तुऔं ऐशै पौरखणौ कै छूट ना दैंदा जिंदै लौड़णौ दै तुऐं लायक ना आथी, बल्कि सै तुऔं सैजै शौकतै दैंदा ताकि तुऐं पाप शै बौचणौ दै काबिल रौए सौकौ।

इफिसियों 4:27

औरौ ना ही शैतान कै तुऔं ललचाणो का मौका दौ।

इफिसियों 6:16

इनु सौबी कै अलावा, मसीह पांदी मजबूत बिशवाश राखैयौ मजबूत ढाल़ कै जैशणै औड़ेयौंदे रौव ताकि तुऐं तैसी दुष्ट शैतान कै सौबै बौल़ैयौंदे बाणौ कै हिशोए सौकौ।

कुलुस्सियों 2:5

हांव तुऔं दा दूर औसौ तोबै बै तोंवारै बारै मुंजी सुंचदा रोऊं, औरौ हांव खुशी औसौ कै तुऐं एकता दै तैशै जी रौवै जैशै तुऔं जीणु चैंई, औरौ ऐजौ बै कै मसीह दै तोंवारै बिशवाश मजबूत औसौ।

1 थिस्सलुनीकियों 3:3

कै कुणिए इनु कौल़ेशौ कै बौजैह शै डगमगाऐ ना जांव; जिथुकै तुऐं आपी ही जाणौ थिए कै आमु कोष्ट सैहन कौरणै पौड़दै।

1 तीमुथियुस 6:12

युध्द मुंजी ऐक आछै सैनिक कै जैशणा, जू लोड़ाई मुंजी कौलोंई हार ना मानौ, ताखै बै, पौरमेशवर पांदी भोरोशा कौरणा औरौ तैसकै आज्ञा का पालन कौरणा ना छोड़णा चैंई। तियौं सौदा कै जिन्दगी कै मोजबूती शै पाकड़ै पा, जियौं कारिए ताखै बौएदै राए, जोबै बौहितै लोगौ कै सामणै, तुऐं साफ-साफ बौल़ै राए थियु कै तू मसीह पांदी भोरोशा कौरे।

2 तीमुथियुस 3:12

तू आछै शै जाणैए कै लोग तिनु सौबी कै सतांदै जू मसीह यीशु कै अपनाएयो जीवन बितांव।

2 तीमुथियुस 4:7

जैशै ऐक आछा योध्दा लोड़ाए दै हार ना मानौ तैशैखैई मोऐं बै प्रभु कारिए कड़ी मैहनत कौरणै ना छुड़ी। मोऐं मसीह का दैएयौंदा काम पूरा कौरे राए, हांव प्रभु दा आखरी तौड़ी बिशवाश लायक रौए रौआ।

इब्रानियों 11:33

इनुवे बिशवाश लैई, राज्‍य जीतै, धरम कै काम कौरे; वादै कौरीयौंदी चीज़ौ पाई, औरौ शेर तिनु खाए ना सोकी,

इब्रानियों 12:8

जै तुऔं खै डांट नी लाए जांव तौ तुऐं पौरमेशवर कै साची ओलाद ना आथी।

याकूब 4:7

इथकारिए पौरमेशवर कै अधीन हौए जाव औरौ शैतान का सामणा कौरौ, तौ सै तोंवारै धोरे दा भागै जांदा।

1 पतरस 1:6

तुऔं इनु सौबी चीज़ौ कै बारै मुंजी खुश हौणौ चैंई, चाहै इबी दैणिक सौमय कारिए कैई भान्त कै पौरैशानै तुऔं दुखी कौरौ।

1 पतरस 2:21

पौरमेशवर कै दवारा तुऔं चोणे जाणौ कै बौजैह मुंजीदै ऐक बौजैह ऐजी औसौ कै तुऔं तैसी कारिए भले काम कौरदै बैई दुख सैहन कौरे पांदै। मसीह, जैणै तोंवारै खातिर दुख सौऊवै, सै आपी तुऔं कारिए ऐक उदारण दैय गौआ, ताकि तुऐं तैसीकै जैशणै चालै सौकौ।

1 पतरस 3:14

पौरौ जै तुऐं सोही औसौ औरौ ऐजौ कौरणौ कै बौजैह शै तुऐं दुख सैहलै तौ पौरमेशवर तुऔं आशीष दैंदा। तैशैखै कौरौ जैशै याशायाहै लैखै राए थियु: “तिनु लोगौ दै नी डौरेया, जू तुऔं डौरांव औरौ इयौं बातौ कै फिकर नी कौरेया कै लोग का कौरे सौकौ।”

1 पतरस 4:13

बस इथकै बारै मुंजी खुशी रौव, जिथुकै तुऔं तिनु दुखो दा ऐक हिस्सा भैटी रौआ जू मसीह खै भैटी रौवै थिए। इयौं बौजैह शै, जोबै मसीह सौब लोगौ खै आपणै महिमा प्रगट कौरणौ कारिए औटेयौ पाछु आन्दा तौ तोंवारा आनन्द सौथीखै बौड़ा हौंदा।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।

प्रकाशितवाक्य 6:11

तिनुमुंजी दै हरेक खै चिटै लुस्कै दैय गौवै। औरौ पौरमेशवरे तिनुखै बौल़ौ, “इबी कारिए आराम कौरौ, जिथुकै इबी बै किछै साथी सेवक औरौ तोंवारै साथी बिशवाशी औसौ जिनु तोंवारै जैशणै ही मारै जांदै। जोबै मौरे जाणौ वाल़ौ कै गिनतै पोरे हौए जालै, तोबै ही हांव बौदला लोन्दा।”

प्रकाशितवाक्य 7:14

मोऐं तैसीखै बौल़ौ, “ओए रै स्‍वामी, हांव ना जाणु पौरौ तू जाणै।” तैणै मुंकैई बौल़ौ, ऐजै सैजै लोग औसौ, जिनुवै बौड़ै कोष्ट महसूस कौरे। इनुवे आपणै लुस्कै कै मेम्ने कै लोऊ शै धोए पाए औरौ सै चिटै हौए गौवै, इथका मतलब ऐजा औसौ कै तिनकै पापौ कै मिटाए दिए गौवै।