1 पतरस 5:14 - सिरमौरी नौवाँ नियम

¹⁴ ऐकी दुजैआरी साची प्यार शै स्वागत कौरौ। हांव प्रार्थना कौरु कै पौरमेशवर तैसी हर आदमी कै शान्तै दैंव जू मसीह का औसौ।

Sirmouri

¹⁴ पियार शी खुप्टी देऐयों ओका ओकी खे नमंष्कार करह्। तुँओं सोभी खे, जू मसीया दे असो, तिनू सोभी शाँण्त्ति भेटो!

1 पतरस 5:14 ပူးပေါင်းရင်းမြစ်များ

मत्ती 5:47

औरौ जै तुऐं सिरफ आपणै ही भाई खै नमशकार कौरौ, तौ तुऐं ओकी लोगौ कै तुलना दा कुणजाई बौड़ा काम ना कौर लैई? जिथुखै बैगानै यहूदी लोग जू पौरमेशवर कै आज्ञा का पालन ना कौरौ, सै बै ऐशैखैई कौरौ?

यूहन्ना 14:27

हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ।

यूहन्ना 16:33

मोऐं ऐजी बातौ तुऔं इथकारिए बुली, कै तुऐं मैरै चैलै औसौ औरौ तुऔं शान्तै भैटौ; दुनिया पांदी तुऔं कौल़ेश हौंव, पौरौ हिम्मत राखौ, मोऐं इयौं दुनिया कै ठोगड़े यानी शैतान कै हराए दिया।”

यूहन्ना 20:19

तैसी दूसै औयतवारो कै बैल़खै कै जोबै सौबै चैलै ऐक साथै कौठै हौए रौवै थिए, औरौ तिनुऐ यहूदी नेता कै डौर शै दवार बोन्‍द कौरे राए थिए, तोबै यीशु ओऊवा औरौ बीच मुंजी खौड़ै हौयौ कै तिनुखै बौल़ौ, “तुऔं शान्तै भैटौ।”

यूहन्ना 20:26

आठी दूसौ कै बाद तैसकै चैलै हौजौ घोरो कै भीतरै थिए, औरौ थोमा तिनकै साथै थिया, औरौ दवार बंद थियु, तोबै यीशुए आयौ तिनकै बीच दौ खौड़ै हौयौ कै बौल़ौ, तुऔं शान्तै भैटौ।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

रोमियों 16:16

आपी मुंजी हाथ जौड़ेयौ ऐकी दूजै कै नमशकार कौरौ: तुऔं कै मसीह कै सौबै कलीसियाओं कै ढौबौशा नमशकार।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 16:20

इथै कै सौबै बिशवाशी तुऔं खै नमशकार कौरौ। हाथ जौड़ेयौ ऐकी दूजै कै नमशकार कौरेया।

2 कुरिन्थियों 13:12

मसीह प्यार शै ऐकी दूजै खै नमशकार कौरौ।

2 कुरिन्थियों 5:17

इथकारिए जै कुणिए मसीह दा बिशवाश कौरौ तौ तैणै मसीह दा नौवाँ स्‍वभाव पाए राए: पुराणा स्‍वभाव बीती गौआ; औरौ दैखौ, सैजौ सौबै नौंओ हौए गौ।

इफिसियों 6:23

हांव अमारै पिता पौरमेशवर शै औरौ प्रभु यीशु मसीह शै प्रार्थना कौरु कै सै तुऔं बिशवाशियौं कै शान्तै दैंव। सै ऐशै कौरौ कै तुऐं ऐकी दुजैआरी प्यार कौरौ औरौ मसीह पांदी सौदा बिशवाश कौरदै रौंव।

1 थिस्सलुनीकियों 5:26

शान्तै शै सौबी बिशवाशी भाईयों कै हाथ जौड़ेयौ ऐकी दूजै कै नमशकार कौरौ।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

3 यूहन्ना 1:14

पौरौ हांव आशा कौरु कै हांव तुऔंआरी तावल़ा भैटिंदा औरौ तोबै हांव आमणै-सामणै तुऔंआरी बातौ कौरदा।