1 पतरस 4:7 - सिरमौरी नौवाँ नियम

⁷ सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

Sirmouri

⁷ सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

1 पतरस 4:7 ပူးပေါင်းရင်းမြစ်များ

मत्ती 24:42

इथकारिए यीशुए आपणै चैलै खै बौल़ौ, तुऐं ना जाणौ कै तोंवारा प्रभु कोसी दूसै आन्दा।

मत्ती 25:13

इथकारिए जागदै रौव, जिथुकै ना तौ तुऐं तैसी दूस खै जाणौ औरौ ना तैसी सौमय कै जोबै हांव पाछु आन्‍दा।”

लूका 21:34

“इथकारिए चौकश रौया, ऐशै नी हौं कै तोंवारा मन सुख-विलास, नशा औरौ दुनिया की चिन्ताओ शै सुस्त हौए जांव, औरौ ऐजै दूस तुऔं पांदी फांदै साए एकदम आए जांव।

लूका 21:36

इथकारिए बिजेयोंदे रौव औरौ हर घड़ी प्रार्थना कौरेया कौरौ, कै तुऐं इनु सौबै आणौवाल़ै संकट शै बौचणौ, औरौ मुखै आदमी कै बैटै कै सामणै खौड़ै हौणौ कै लायक बौणै सौकौ।”

लूका 22:46

औरौ तिनु बौल़ौ, “काए सोतै रौवै? ऊबै बिज़ो, प्रार्थना कौरौ कै जोबै तोंवारै परीक्षा हौलै तोबै तुऐं मुं पांदी बिशवाश कौरणा बंद ना कौरौ।”

रोमियों 12:12

आमुकैंई जू आशा औसौ, तिथमुंजी तुऔं आनन्द हौणा चैंई, औरौ कौल़ेश दा सब्र राखैयौ प्रार्थना कौरदै रौव।

1 कुरिन्थियों 15:24

तोबै, जोबै मसीह पौरमेशवर का विरोध कौरणौवाल़ी सारी बुरी शौकतै का नाश कौरे दैंदा, तिथकै बाद दुनिया का अंत हौए जांदा। तोबै मसीह आपणै पिता पौरमेशवर खै आपणा राज्य सौंपै दैंदा कि सै सोबी पांदी पूरी तरह शै राज कौरौ।

1 कुरिन्थियों 7:29

ओए रै बिशवाशी भाईयों, हांव ऐजौ बुलू मसीह कै पाछु आणौ दा ऐबै जादा सौमय ना बौचै रैई, इथकारिए तुंआरी घोरवाल़ी औसौ या ना आथी, इथकै बारै मुंजी जादा पौरैशान नी हौया। पौरौ प्रभु कै सेवा कौरणौ कै बारै मुंजी सुंचदै रौया।

इफिसियों 6:18

औरौ हर सौमय औरौ हर प्रकार शै आमु तैशै ही प्रार्थना कौरणै चैंई जैशै पवित्र आत्मा आमु अगुवाई कौरौ, इथकारिए जागदै रौव औरौ सौबी पौरमेशवर कै लोगौ कारिए हमैशा बिन्ती कौरदै रौव।

फिलिप्पियों 4:5

सौबै लोग तोंवारै कोमल स्‍वभाव कै जाणै पांव। प्रभु झट ही आणौवाल़ा औसौ।

कुलुस्सियों 4:2

लगातार प्रार्थना कौरदै रौव, औरौ जोबै तुऐं प्रार्थना कौरौ तौ चौकश रौव औरौ सौदा पौरमेशवर का धन्यवाद कौरदै रौव।

2 तीमुथियुस 4:5

पौरौ तू शान्तै शै रो, चाहै ताखै किछै बै हौए जांव औरौ चाहै इथमुंजी कैतरै बै दुख हौलै ताखै सुसमाचार बौताणौ कारिए कड़ी मैहनत कौरणी चैंई। औरौ पौरमेशवर का सेवक हौणै कै नातै ताखै सैजै सौबै काम कौरणै चैंई जू प्रभुए ताखै दैय राए।

तीतुस 2:12

आपणै अनुग्रह शै पौरमेशवर आमु शिखांव कै तैशैखै बर्ताव कौरणा बंद कौरौ, जू तैसी खुश ना कौरौ, तिनु चीज़ौ की लालसा कौरणै बंद कौरौ जिनकै इछा अबिशवाशी कौरौ, औरौ जौबेकै आमै इबी इयौं दुनिया पांदी ही औसौ तौ बुध्दिमानी शै औरौ धार्मिकता कै साथै ऐशैखै काम कौरु जिथलैई पौरमेशवर खै खुशी भैटौ।

इब्रानियों 10:25

आव आमै पौरमेशवर कै आराधना कौरणौ कारिए कौठा हौणा बंद ना कौरौ जैशै किछै लोगै कौरे लो। जैशैकै कैतरै कै भोवार औसौ, पौरौ आमु ऐकी दूजै खै हिम्मत औरौ चैतावणी दैणी चैंई, खास कौरेयौ ऐबै कै जोबै कै प्रभु कै औटेयौ पाछु आणौ कौ दूस नेड़िक आन्दौ लागै रौ।

1 पतरस 1:13

इथकारिए, जू किछै तुऐं सुंचौए तिथपांदी तुऔं काबू राखणा चैंई। औरौ ऐशै कौरेयौ आपणै जीवन दै पूरै तरह शै आपणै बिशवाश कै साथै चालौ। औरौ तियौं मोक्ति कै आशा राखैयौंदे राखौ जू पौरमेशवर अनुग्रह शै तुऔं तोबै दैंदा जोबै यीशु मसीह स्वर्ग पौरैशा आला।

1 पतरस 3:7

ऐशैखैई ओए रै घोरवाल़ै, तुऐं आपणी घोरवाल़ी कै साथै मैल-मिलाप शै रौंव, औरौ तिनकै मौदद कौरणौ कै बारै मुंजी सोंचैया कौरौ औरौ तुऔं ऐजौ याद राखणौ चैंई कै सै कमजोर औसौ, इथकारिए तुऔं तिनकै इज्जत कौरणै चैंई। जिथुकै तुऐं दुईनै ही तैसी वरदान खै साझा कौरौ जू पौरमेशवरे अनुग्रह शै तुऔं दैय राए, यानी सौदा कै जिन्दगी का वरदान। जै तुऐं ऐशै कौरलै, तौ पौरमेशवर तोंवारै प्रार्थनांव कै शुणदाए।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

प्रकाशितवाक्य 16:15

दुष्टआत्माएं शासको खै औरौ तिनकै सैनाओं खै तैसी ठाँव पांदी कौठै कौरे जिथु इब्रानी भाषा दौ हर-मगिदोन बौल़ै जांव। इथकारिए प्रभु यीशुए बौल़ौ, “ऐजी बात शुणौ। मैरौ आणौ चोर कै आणौ कै जैशणौ एकदम हौंदौ। धन्‍य औसौ सैजा आदमी जू मैरै आणौ पांदी बिजैयोंदा रौंव, औरौ आपणै लुस्कै तैयार राखौ। तोबै सै नांगै ना हौंदै औरौ किछै बै तिनु शर्मिंदा ना कौरदै चाहै सै बायरै बैजाए लोगौ कै बीच बै जालै।”