1 पतरस 4:4 - सिरमौरी नौवाँ नियम

⁴ इथलैई तोंवारै पुराणै दोस्त हैरान हौए जांव जोबै तुऐं तिनकै साथै तिनु बुरी चीज़ौ दै शामिल ना हौंव जू सै कौरौए। इथकारिए सै तोंवारै बैज्जती कौरौ।

Sirmouri

⁴ ईन्देंखे से हरान हों, के जबे तुँऐं ईनू शंगाँव्णें रहण-सहण दा तिनू अ-बिश्वाषी लोगो का साथ ने देंदे, तअ ईन्देंखे से तुँओं खे बुरो-भलो बुलो;

1 पतरस 4:4 ပူးပေါင်းရင်းမြစ်များ

मत्ती 23:25

“ओए रै कपटी यहूदी शास्त्रीयों, औरौ फरीसी लोगौ, तुऔं पांदी हाय! तुऐं आपी कै धरमी बौणौ पौरौ तोंवारै मन लालच औरौ मतलब शै भोरेयोंदे औसौ।

लूका 15:13

किछै दूसौ कै बाद नानड़ै बैटै आपणै हिस्से कै सौबै जायदात बैकै दै औरौ तिथकै जू पौएसै भैटी साथै नियौ घोर छोड़ दियु औरौ दूर देशो खै हौटै गौआ, औरौ तिथै तैणै आपणै सौबै जायदात बुरै कामौ दै उड़ाए दै।

प्रेरितो कै काम 13:45

पौरौ यहूदी नेता भीड़ खै दैखैयो ज़लन लैई भोरै गौवै, औरौ नेंदैया कौरेयौ पौलुस कै बातौ कै खिलाफ दै बौलदै लागै।

प्रेरितो कै काम 18:6

पौरौ जोबै यहूदी लोग पौलुस कै खिलाफ हौयौ निन्‍दा कौरदै लागै, तौ तैणै आपणै खोटणो कै धूल झाड़ेयौ तिनु बौल़ौ, पौरमेशवर कै सौंदेश कै ना मानणौ कै बौजैह शै तुऐं आपी ही तियौं सौजा कै दोषी औसौ, जू तुऔं पौरमेशवर कै ढौबौशै भैटदै, हांव बैकसूर औसौ। ऐलो दा ऊबा हांव बैगानै यहूदी लोगौ कै धोरे जांदा औरौ पौरमेशवर कै सौंदेश का प्रचार कौरदा।

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

इफिसियों 5:18

औरौ सूर पैयौ माचैयौ नै, जिथुकै ऐजौ लोगौ कै शर्मनाक औरौ बेकाबू तरीकै शै बर्ताव कौरणौ कै बौजैह बौणौ, पौरौ पवित्र आत्मा कै तुऔं आपणी शौकतै शै भौरणौ दौ।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

2 पतरस 2:12

पौरौ ऐजै झूठै शिक्षक जोंगली जानवर कै जैशणै औसौ। इनु जानवरो कैई पौता ना आथी कै कैशै सुंचणौ चैंई औरौ इनका मकसद सिरफ पाकड़ा जाणा औरौ मारै जाणा औसौ। ऐजै लोग किछै बै कौरौए जू इनकै मन दो आंव, औरौ इथै तौड़ी कै ऐजै तिनु चीज़ौ कै बुराए कौरौ जू इनु सौमझ बै ना आंव। ऐजै निशोंक हौयौ नाश हौए जांदै।

2 पतरस 2:22

तिनकै साथै जू हौं सै ऐजौ दिखांव कै ऐजा किस्सा साचा औसौ: सै कुते कै जैशणै औसौ जू आपणी डाकै पाछु चाटै पांव, औरौ सै सुंगरों कै जैशणै औसौ जिथु धोए दी औरौ सै औटेयौ पाछु गारै मुंजी जांव।

यहूदा 1:10

सैजै लोग जू पौरमेशवर कै आराधना ना कौरौ औरौ तिनु बातौ कै खिलाफ बुरै शब्दो का इस्तैमाल कौरौ जू तिनकै सौमझ दी ना आंव; औरौ जोबै सै जोंगली जानवरो कै जैशणै बर्ताव कौरौ औरौ जिनु कामौ खै सै जाणौए तिनु सै बिना सौंचै-सौमझै कौरौ, तौ सै पौरमेशवर कै ढौबौशै सौजा भुकतदै।