1 पतरस 4:2 - सिरमौरी नौवाँ नियम

² ऐलौ दै ऊबै, औटेयौ, तुऐं आपणै बाकी दुनिया कै जिन्दगी कै आपणी शोरीरो की बुरी इछावं कै पूरा कौरणौ कारिए नी; पौरौ पौरमेशवर कै इछा पूरै कौरणौ कारिए जियौ।

Sirmouri

² ईन्देंखे से हजो आदमी की बुरी हिछ़्या के मुताबिक ने, परह् पंणमिश्वर की आछ़ी हिछ़या के मुताबिक जीवन बिताँव।

1 पतरस 4:2 ပူးပေါင်းရင်းမြစ်များ

मत्ती 12:50

जिथुकै जू कुणिए मैरै स्वर्ग कै पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

मत्ती 20:4

तिनुखै बौल़ौ, ‘की तुऐं बै अंगूरो कै बागो दै जांव, औरौ जू किछै ठीक हौल़ौ, सै तुऔं खै दैंदा।’ तोबै सैजै बै काम कौरदै हौटै।

मत्ती 21:31

इनु दु मुंजीदै कुणै पिता कै इछा पूरै कौरी?” तिनुऐ बौल़ौ, “आगलै।” यीशुए तिनुखै बौल़ौ, “हांव तुऔं खै साचौ बुलू, की महसूल लोणो वाल़ै औरौ वेश्या तुऔं दै आगै पौरमेशवर कै राज्य दै प्रवेश कौरदै।

मत्ती 7:21

“जू मुखै, ‘ओए रै प्रभु, ओए रै प्रभु’ बौल़ौ, तिनुमुंजी दै हरेक स्वर्ग कै राज्य दै ना जाए पान्दै, पौरौ सैजाई जू मैरै स्वर्गीय पिता की इछा पांदी हांडलै।

मरकुस 3:35

जू कुणिए पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

मरकुस 7:21

जिथु आदमी कै दिमाको शै बुरै-बुरै विचार, गौलत तरीकै शै सौमबंध बौणाणा, चोरी कौरणा, हत्या कौरणा,

यूहन्ना 1:13

सै ना तौ माँ-बापू शै, ना ही आदमी की इछा शै, ना ऐक आदमी कै संतान पाणौ कै इछा शै, पौरौ पौरमेशवर शै पौयदा हौए रौआ।

यूहन्ना 7:17

जै कुणिए पौरमेशवर कै इछा पूरी कौरणौ का प्रण लोंव, तौ सै जाणै पांदा कै मैरै शिक्षा पौरमेशवर कै ढौबौशै आंव या हांव आपणै औरौ शी बुलू।

रोमियों 12:2

औरौ इयौं दुनिया कै जैशणै ना बौणौ, पौरौ आपणै सुंचणौ कै तरीकै पौरमेशवर खै बौदल़णौ दैंव, ताकि तोंवारा चाल-चलन बै बौदल़दा जांव, जिथलैई तुऐं पौरमेशवर कै भली, औरौ भावती औरौ सिध्द इछा कै जूंदै रौंव।

रोमियों 14:7

आमु सौबवे प्रभु कै औसौ। इथकारिए अमारै जीवन शै औरौ अमारै मौत शै आमु तैसी खुश कौरणा चैंई आपी कै नी।

रोमियों 6:11

ऐशैखैई तुऐं बै आपी कै पाप की शौकतै कारिए मौरेयौंदे सौमझौ, पौरौ पौरमेशवर कारिए मसीह यीशु दै पौरमेशवर कै सेवा कारिए जियौं।

रोमियों 6:2

ना! बिल्कुल नी! आमै जोबै पाप कारिए मौरे गौवै, औरौ इथकारिए आमु पाप वाल़ै काम नी कौरणै चैंई। तौ तोबै औगौड़ियौ कै तिथमुंजी कैशै जीवन बितौऊं?

रोमियों 7:4

तौ ओए रै मैरै बिशवाशी भाईयों, जोबै तुऐं मसीह कै साथै मौरे गौवै, तौ तुऐं नियम कै औधिकार कारिए बै मौरे गौवै। ऐबै तुऐं मसीह कै औसौ जू मौत पौरैशा जियुंदी हौए गौआ ताकि तुऐं पौरमेशवर कारिए फलदायक जीवन जी सौकौ।

2 कुरिन्थियों 5:15

औरौ इथकारिए मसीह सौबी कै खातिर मौरा, कै जू जियुंदै औसौ, सै आगै शै आपी खै खुश कौरणौ कारिए ना जियौं पौरौ तिनुकै मसीह कारिए जीणु चैंई। मसीह तिनकै खातिर मौरा औरौ पिता पौरमेशवरे तैसीखै जियुंदी कौरा।

इफिसियों 2:3

आमै बै आगै तिनु जैशणै जियुं थिए, औरौ आपणै पापी स्‍वभाव कै इछाओं कै पूरी कौरु थिए, औरौ जू बै अमारी बुरी इछाएं औरौ विचार आमुखै बौल़ौ आमै सैजौई कौरु, औरौ बाकी सौबी कै जैशणै, आमै बै स्वाभाविक रुप शै बुरै थिए औरौ जू पौरमेशवर कै सौजा कै अधीन औसौ।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

इफिसियों 5:17

इयौं बौजैह शै निर्बुध्दि ना हौंव पौरौ ऐजौ जाणणौ कै कौचिश कौरेयौ सौमझौ कै प्रभु तुऔं शै का कौरवाणा चांव औरौ सैजौ कौरौ।

इफिसियों 6:6

तुऔं आपणै मालिको कै आज्ञा का पालन कौरणा चैंई, सिरफ तोबै नी जोबै सै तुऔं दैखौए, पौरौ तुऐं मसीह कै सेवक औसौ, इथकारिए तुऔं आपणै पूरै मन शै सैजौई कौरणौ चैंई जू पौरमेशवर चांव कै तुऐं कौरौ।

कुलुस्सियों 1:9

इथकारिए जैसी दूसौ दो ऊबु आमुए ऐजौ शौणै राए आमै बै तुऔं कारिए लगातार प्रार्थना औरौ बिन्ती कौरु; कै पौरमेशवर कै आत्मा तुऔं ज्ञान औरौ सौमझ दैंव ताकि तुऐं तैसकै इछा कै पूरी तरह शै सौमझै सौकौ।

कुलुस्सियों 3:3

जिथुकै तुऐं तौ आपणै पाप कै स्‍वभाव दै मौरे गौवै औरौ तोंवारा नौवाँ जीवन मसीह कै साथै पौरमेशवर दा छिपैयौंदा औसौ।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 5:18

हर हाल दै धन्यवाद कौरौ: जिथुकै तुऔं कारिए मसीह यीशु दै पौरमेशवर कै ऐजी इछा औसौ।

याकूब 1:18

पौरमेशवरे आपणै इछा शै आमु साची वचन कै दवारा आमु आपणै संतान बाणै राए, ताकि आमै बिशवाशी सौबी तियौं चीज़ौ का सौबिदा खास हिस्सा होऊं, जू तैसकै दवारा बाणै राए।

1 पतरस 1:14

पौरमेशवर कै आज्ञा कै मानैया कौरौ जिथुकै तुऐं तैसकै नानड़िया औसौ। तिनु बुरै कामौ खै ना कौरौ जिनु तुऐं तोलो कौरणौ कै इछा राखौ थिए, जौल़ौ तुऐं पौरमेशवर कै सौचाई खै ना जाणौ थिए।

1 पतरस 2:1

इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।

1 यूहन्ना 2:17

दुनिया औरौ तिथकी इछाएं दुईनै नाश हौंदी लागै रोई, पौरौ जू पौरमेशवर कै इछा कै हिसाब शै जियौंए सै सौदा बौणेयौंदा रौंदा।