1 पतरस 4:16 - सिरमौरी नौवाँ नियम

¹⁶ पौरौ जै कोसी खै मसीही हौणौ कै नातै दुख सैहन कौरणा पौड़ौ, तौ तुऐं इयौं शर्म कै बात नी सौमझैया, पौरौ पौरमेशवर कै महिमा कौरौ कै तुऐं इथकारिए दुख सैहन कौरे लौआ जिथुकै तुऐं मसीह कै लोग औसौ।

Sirmouri

¹⁶ परह् जे कोसी खे मसीही हंणों के कारण दु:ख भोग्णा पड़ो, तअ से सरमाँव ने, परह् से पंण्मिश्वर की बड़ियाऐ खे ऐसी नाँव धारण करह्;

1 पतरस 4:16 ပူးပေါင်းရင်းမြစ်များ

प्रेरितो कै काम 11:26

औरौ जोबै तिनुआरी भैटिया तौ तैसी अन्‍ताकिया शहर दा लोऊवा, औरौ ऐशैखै हौं कै शाऊल औरौ बरनबास ऐकी सालो तौड़ी कलीसिया कै साथी भैटिंदा औरौ बौहितै लोगौ खै प्रभु यीशु कै बारै मुंजी बौतांदा रौआ, औरौ चैलै सौबी दै आगै अन्‍ताकिया शहर दै ही मसीह जाणै गौवै।

प्रेरितो कै काम 26:28

ऐबै अग्रिप्पाए पौलुस खै बौल़ौ, “का तू दैणी सौमझाणौ शै मुखै मसीह बाणणा चांए।”

प्रेरितो कै काम 28:22

पौरौ तैरा विचार का औसौ? ऐजौ आमै तुंवादौ शुणणौ चोऊं, जिथुकै आमु जाणुए कै हरेक जौगैह ऐसी मतो कै खिलाफ दी बातौ हौं।”

प्रेरितो कै काम 5:41

सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

फिलिप्पियों 1:20

मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

याकूब 2:7

सै सैजैई औसौ जू यीशु मसीह कै आदर दैणौ कै लायक नांव कै खिलाफ बुरी बातौ बौल़ौ, जिनुआरी तुऐं सौमबंध राखौ।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।

1 पतरस 4:14

पौरौ जै मसीह कै नांव कारिए तोंवारै नेंदैया हौंव, तौ तुऐं धन्‍य औसौ; जिथुकै पौरमेशवर कै महिमा कै आत्मा तोंवारै भीतरै रौंव।

1 पतरस 4:19

इथकारिए, जू लोग तैशैखैई दुख सैहलै जैशै पौरमेशवर कै इछा हौंव, तिनु आपणी आत्मा पौरमेशवर कै दैणौ कारिए तैसी पांदी भोरोशा राखणा चैंई, जैणै तिनुखै बाणै राए। पौरमेशवर हमैशा सैजौ कौरौ जिथु कौरणौ का वादा तैणै कौरे राए थिया औरौ इथकारिए तुऐं सैजौ कौरणौ जारी राखौ जू आछौ औसौ।