1 पतरस 3:4 - सिरमौरी नौवाँ नियम

⁴ पौरौ तुऔं भीतरो शै आणौवाल़ै नम्र औरौ शान्त बर्ताव कै सुन्दरता लैई आपी कै सुन्दर बौणणौ चैंई। ऐजी सुन्दरता कौलोंई ना मिटौ, औरौ पौरमेशवर कै नज़र दै बैजाए कीमती औसौ।

Sirmouri

⁴ परह् तुँवारी चुप्पी बिना दे:खी इंनसाँनिय्त, अरह् नरमाँऐं वाल़ा मंन की गरबाई जिन्दे के सजावट कोद्दी ने मिट्दी से संज्जी अंदी रंह्, किन्देंखे के पंणमिश्वर की नंजरी दा ईन्दें का मोल बैजाऐ बड़ा असो।

1 पतरस 3:4 ပူးပေါင်းရင်းမြစ်များ

मत्ती 11:29

मैरै जोवांऐ आपी पांदी टैपै पांव; औरौ मुं कैईंदु शिखौ; जिथुखै हांव नम्र औरौ मन दा दीन औसौ: औरौ तुऐं आपणै मन दा विशांव पांदै।

मत्ती 21:5

“सिय्योन की बैटी खै बौल़ौ, ‘दैख, तैरा राजा तैरै धोरे आन्दा लागै रौआ; सै नम्र औसौ औरौ सै गाधड़ू पांदी बौठै रौआ; यानी गोधी कै गाधडू पांदी।’”

मत्ती 23:26

ओए रै आन्धै फरीसी लोगौ, आगै तुऔं लालचै औरौ मतलबी स्‍वभाव बंद कौर दैणा चैंई। तोबै तुऐं सैजौई कौर पांदै जू धरमी कौरौ। ऐजौ ऐकी ऐशणी थाली साए हौंदौ जू बायरै औरौ भीतरै दु ढौबौशै साफ हौंव।

मत्ती 5:5

“धन्‍य औसौ सैजै जू नम्र औसौ, जिथुखै सै धोरती कै औधिकारी हौंदै।”

लूका 11:40

ओए रै बेअकलो, जैणै बायरै का भाग बै बाणै राए, का तैणै भीतरै का भाग ना बाणै रैई?

लूका 16:15

यीशुए तिनु बौल़ौ, “तुऐं तौ आपी खै लोगौ कै सामणै सोही दिखांव, पौरौ पौरमेशवर तोंवारै मनो कै जाणौए, जिथुकै जू बुरी चीज़ौ आदमी कै नोजरी दी खास औसौ, सैजी पौरमेशवर कै सामणै बैकार औसौ।”

रोमियों 1:23

औरौ लोगै हमैशा जियुंदी रौणौवाल़ै पौरमेशवर कै महिमा कै नाश हौणौवाल़ै आदमी दै, चुड़कुल़ै दै, औरौ चौपायों दै, औरौ रेंगणैवाल़ै जन्‍तुऔ कै मूर्ति दै बौदल़ी दी।

रोमियों 2:29

ऐक साचा यहूदी आदमी सैजा औसौ जैसका मन पौरमेशवर कै साथै सोही औसौ। औरौ साचा खतना सिरफ मूसा कै कानून का पालन कौरणा ना आथी; पौरौ, ऐजा मन का बदलाव औसौ, जू पौरमेशवर कै आत्मा कै दवारा हौंव। ऐशणा आदमी लोगौ शै नी, पौरौ पौरमेशवर शै तारीफ पांव।

रोमियों 6:6

जिथुकै आमै जाणुए कै अमारा पुराणा पापवाल़ा स्‍वभाव मसीह कै साथै क्रूसो पांदी चौढ़ाए गौआ, ताकि अमारै शोरीर दै पाप वाल़ा स्‍वभाव खत्म हौए जांव, औरौ आमै आगै कै पाप कै गुलामी दै ना रोऊं।

रोमियों 7:22

जिथुकै हांव आपणै पूरै मन शै तौ पौरमेशवर कै नियम लैई बैजाए खुशी रोऊं।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 कुरिन्थियों 4:16

इथकारिए आमै हिम्मत ना छुडु़; जोबै कै अमारा शोरीर नाश बै हौंदा जांव, तोबै बै अमारै भीतरो का आत्मा हर रौज नौवाँ हौंदा जांव।

गलातियौं 5:23

नम्रता औरौ संयम औसौ; ऐशणा कुणजाई कानून ना आथी जू ऐशणी बातौ का विरोध कौरौ।

इफिसियों 4:2

औरौ पूरै दीनता, औरौ नम्रता कै साथै, औरौ धीरज धोरेयौ ओकी कै बर्ताव कै सैहन कौरौ,

कुलुस्सियों 3:12

पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

कुलुस्सियों 3:3

जिथुकै तुऐं तौ आपणै पाप कै स्‍वभाव दै मौरे गौवै औरौ तोंवारा नौवाँ जीवन मसीह कै साथै पौरमेशवर दा छिपैयौंदा औसौ।

1 थिस्सलुनीकियों 4:11

औरौ जैशै आमै तुऔं खै सौमझाए राए, कै तुऔं शान्तै कै साथै जीवन जिणा चैंई औरौ ओकी कै मामलै दै दखल ना दैव, औरौ आपणै-आपणै हाथौ लैई कमाणौ कै कौचिश कौरौ।

2 थिस्सलुनीकियों 3:12

ऐशणै कै आमै तैसी औधिकार शै जू प्रभु यीशु मसीहे आमु दैय राए आज्ञा दियु औरौ सौमझौऊवे, कै आपणै कामौ पांदी ध्यान दैया कौरौ औरौ आपणै रोजी कारिए पौयसै कमाया कौरेया।

1 तीमुथियुस 2:2

राजाओं कारिए औरौ तिनु सौबी लोगौ कारिए प्रार्थना कौरौ जू औधिकार दै औसौ ताकि सै आमु शान्तै औरौ सुरक्षा शै रौणौ दै मौदद कौरौ ताकि आमै पौरमेशवर कै आराधना कौरे सौकु औरौ ओकीआरी सौदा सोही बर्ताव राखु।

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

तीतुस 3:2

कोसी कै बदनाम नी कौर, औरौ शान्त स्‍वभाव कै हौंव औरौ सौबी आदमी कै साथै बौड़ै शराफत कै साथै रौव।

याकूब 1:21

इथकारिए सारै गंदगी औरौ बैरभाव कि बोढ़ोतरी खै दूर कौरेयौ पौरमेशवरे कै वचन कै नम्रता शै मानै पाव, जैसी तुऐं दिल दा राखै राए थिया, औरौ जू तोंवारै जिन्दगी कै बौचाए सौकौ।

1 पतरस 1:23

तुऔं ऐकी दुजैआरी प्यार कौरणा चैंई जिथुकै तुऔं पौरमेशवर कै ढौबौशा ऐक नौवाँ जीवन भैटी रौआ। तुऔं खै ऐजा जीवन कोसी ऐशणी चीज़ौ लैई ना भैटी रैई, जू नाश हौए जांदी पौरौ किछै ऐशणी चीज़ौ लैई भैटी रौआ जू हमैशा रौंदी। मतलब, आमु ऐजा नौवाँ जीवन पौरमेशवर कै जियुंदी औरौ सौदा कै वचन शै भैटी रौआ।

1 पतरस 3:15

पौरौ आपणै मनो दा मसीह कारिए डौर राखौ, औरौ प्रभु कै रुप दै तैसी इज्जत दैव औरौ जै कुणिए तियौं आशा कै बारै मुंजी पूछौ जू बिशवाशी हौणौ कै नातै आमै सौबै साझा कौरु, तौ हमैशा तैसी सौमझाणौ कारिए तैयार रौव। पौरौ नम्र औरौ आदर कै साथै कौरौ। हमैशा सैजौई कौरौ जू सोही औसौ। तोबै बै जै लोग तोंवारै खिलाफ बुरु बौल़ौ, तौ सैजै ही शर्मिंदा हौंदै जोबै सै मसीह कै साथै तोंवारै आछै सौमबंध कै बौजैह शै तोंवारै आछै बर्ताव खै दैखलै।