1 पतरस 3:22 - सिरमौरी नौवाँ नियम

²² औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्‍वर्गदूतौ औरौ सौबी औधिकारी औरौ शौकतै पांदी राज कौरौ।

Sirmouri

²² प्रभू यीशू स्वर्गो दे ज़ाऐयों पंणमिश्वर के सोऐं ढबे बऐठी गुऐ; अरह् स्वर्गदूत्त अरह् अधिकारी अरह् शक्त्तिशाली तिनके बष दे करे गुऐ।

1 पतरस 3:22 ပူးပေါင်းရင်းမြစ်များ

मत्ती 22:44

‘की प्रभुए मैरै प्रभु खै बौल़ौ; मैरै सोऐं ढौबौ खै बौठ, जांव तौड़ी हांव तैरै बौयरी कै हराए ना दियु।’

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

मरकुस 12:36

जोबै आपणै सौमय दो राजा दाऊदे पवित्र आत्मा की शौकतै दो हौयौ बौल़ौ: ‘प्रभु पौरमेशवरे मैरै प्रभु खै बौल़ौ, मैरै सोऐं ढौबौ बौठ, जांव तौड़ी हांव तैरै बौयरी खै हराए ना दियु।’”

मरकुस 16:19

चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

लूका 20:42

राजा दाऊदे तौ आपणै भजन संहिता कै किताबो दो लैखै राए, ‘प्रभुए मैरै प्रभु कैंई बौल़ौ, मैरै सोऐं ढौबौ बौठ,

यूहन्ना 13:32

औरौ पौरमेशवर आपणै बैटै कै महिमा कौरदा, औरौ सै तावल़ै कौरदा।

प्रेरितो कै काम 1:11

औरौ तिनुकै बौलदै लागै, “ओए रै गलील जिले कै आदमियों तुऐं काए खौड़ै हौयौ गौयणै ढौबौ दैख लौ? ऐजाई यीशु जैसी पौरमेशवरे तोंवारै धोरे दा स्‍वर्ग कै ढौबौ उठाए दिया, जैशै तुऐं तैसीखै स्‍वर्ग कै ढौबौ जांदै बैई दैख राए, तैशैकैई सै दुजाल़ियो पाछु आन्दा।”

प्रेरितो कै काम 3:21

यीशु का स्वर्ग दा तैसी सौमय तौड़ी रौणा जौरुरी औसौ जोबै पौरमेशवर तिनु सौबी चीज़ौ कै नौवाँ बाणै दैन्दा जू तैणै बाणै रैई। बौहुत सौमय आगै पौरमेशवरे लोगौ कै बौताणौ कारिए पवित्र पौरमेशवर कै बातौ बौताणौवाल़ै कै दवारा ऐशै कौरणौ का वादा कौरा।

रोमियों 8:34

कुणिए बै अमारै निंदा ना कौरे सौकौ जिथुकै ऐजा यीशु मसीह औसौ, जू अमारै खातिर मौरे गौआ औरौ मौरेयौंदे मुंजीदा जियुंदी हौआ, औरौ जू अमारै तरफ शै अमारै खातिर बिन्ती कौरौ।

रोमियों 8:38

जिथुकै हांव निशोंक हौयौ जाणु कै आमुखै यीशु मसीह कै प्यार शै कुणिए बै जौई ना कौरे सौकै, ना मौत, ना जीवन, ना स्‍वर्गदूत, ना गौयणै कै शौकतै, ना वर्तमान, ना भविष्‍य, ना शौकतै, ना ऊंचाई,

1 कुरिन्थियों 15:24

तोबै, जोबै मसीह पौरमेशवर का विरोध कौरणौवाल़ी सारी बुरी शौकतै का नाश कौरे दैंदा, तिथकै बाद दुनिया का अंत हौए जांदा। तोबै मसीह आपणै पिता पौरमेशवर खै आपणा राज्य सौंपै दैंदा कि सै सोबी पांदी पूरी तरह शै राज कौरौ।

कुलुस्सियों 3:1

जैशै पौरमेशवरे मसीह कै मौरेयौंदे मुंजीदा जियुंदी कौरा तैशैखैई तुऔं बै जियुंदी कौरे राए, इथकारिए तिनु चीज़ौ कै खोज़ दै लागैयौंदे रौंव जू स्वर्ग दी राखै रैई जिथै मसीह पौरमेशवर कै धोरे सौबिदा आदर वाल़ै जौगैह पांदी बौठै रौआ।

इब्रानियों 1:13

पौरमेशवरे आपणै कोसी स्‍वर्गदूत खै ऐशै कौलोंई ना बुली, “तू मैरै सोऐं ढौबौ आदर कै साथै बौठ, जांव तौड़ी कै हांव तैरै दुशमन खै पूरी तरह शै हराए नी दियु।”

इब्रानियों 1:3

बैटा ही पौरमेशवर कै महिमा कौ पेयाशो औसौ, औरौ तैसदा ही आमै दैखै सौकु कै पौरमेशवर कैशणा औसौ, औरौ सौबी चीज़ौ खै आपणै शौकतीशाली वचनो लैई संभाल़ो तैणै लोगौ खै तिनकै पापौ शै शुध्द कौरे, औरौ तिथकै बाद स्वर्ग दा महिमामय पौरमेशवर कै सोऐं ढौबौ बौठै गौआ।

इब्रानियों 1:6

औरौ जोबै पौरमेशवरे आपणै बैजाए महान बैटै खै दुनिया दा भैजा, तौ बौल़ौए, कै “पौरमेशवर कै सौबै स्‍वर्गदूत बैटै कै आराधना कौरौ।”

इब्रानियों 10:12

पौरौ अमारै महायहूदी पुरोहित यीशु मसीहे अमारै पापौ कै माफी कारिए आपी खै हमैशा कारिए सिरफ ऐक बलिदान कै रुप दा चौढ़ाए दिया। औरौ ऐबै सै पिता पौरमेशवर कै सोऐं ढौबौ सिंहासन पांदी आदर कै ठाँव दा हमैशा कारिए बौठै गौआ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

इब्रानियों 6:20

यीशु आमुदा आगै औरौ अमारै खातिर स्वर्ग दा हौटा। सै महापुरोहित मलिकिसिदक कै जैशणा सौदा कारिए महायहूदी पुरोहित बौणै गौआ।

इब्रानियों 8:1

ऐबै जू बातौ आमै बौल़ै रैई, तिनुमुंजी दै सौबी दी बौड़ै बात ऐजै औसौ, कै आमुकैंई निशोंक हौयौ ऐशणा महायहूदी पुरोहित औसौ, जू ऐबै बै स्वर्ग पांदी सौबीदै बौड़ै पौरमेशवर कै सिंहासन कै सोऐं ढौबौ बौठेयौंदा औसौ।

इब्रानियों 9:24

इयौं बौजैह शै, मसीह तैसी पवित्र ठाँव दा ना हुटी जू लोगै बाणै राए, जू कै साची पवित्र ठाँव का सिरफ ऐक नमूना औसौ। पौरौ सै अमारै खातिर पौरमेशवर कै सामणै हाजिर रौणौ कारिए सीधा स्वर्ग दा हौटा।