1 पतरस 3:17 - सिरमौरी नौवाँ नियम

¹⁷ कौलोंई-कौलोंई पौरमेशवर तुऔं पांदी पौरैशानी औरौ पीड़ो आणौ दैय सौकौ जोबै कै तुऐं आछै काम कौरे राए। पौरौ ऐजौ तियौं पौरैशानी औरौ पीड़ो शै ठीक औसौ जू इथकारिए आंव जिथुकै तुऐं बुरै काम कौरे राए।

Sirmouri

¹⁷ किन्देंखे के जे पंणमिश्वर के ऐजी ही हिछ़या हों, के तुँओं भलाई कर्णो के बद्ल़े दु:ख भूगो; तअ ऐजो बुराई कर्णों के कारण दु:ख भूग्णों शा आछो असो।

1 पतरस 3:17 ပူးပေါင်းရင်းမြစ်များ

मत्ती 26:39

तोबै सै दैणिक औगौड़ियौ हौटा औरौ आपणा मुँह जोमीनो कै ढौबौ कौरेयौ प्रार्थना कौरदा लागा, “ओए रै मैरै पिता जै हौए सौकौ तौ ऐजा दुख का छाना मुं कैईंदा टोल़े जांव, तौ बै जैशै हांव चोऊं तैशैखै नी, पौरौ जू तू चांए तैशैखैई हौंव।”

मत्ती 26:42

तोबै तैणै दुजाल़ियो जायौ खै ऐजै प्रार्थना कौरे, “ओए रै मैरै पिता, जै ऐजा दुख का छाना मैरै पियै बगैर ना टोल़ सौकौ तौ तैरी मोरजी पूरी हौंव।”

प्रेरितो कै काम 18:21

पौरौ ऐजौ बौलेयौ तिनु कैईंदा आगु हौटा, “जै पौरमेशवरे चोऊ तौ हांव तोंवारै धोरे हौजौ आन्दा।” तोबै सै इफिसुस शहर शै जहाज खोल़ेयो चाल पौड़ा;

प्रेरितो कै काम 21:14

जोबै सै ना मानी तौ आमु ऐजौ बौलेयौ खै चुप्पी हौए गौवै, “प्रभु कै इछा पोरे हौए जांव।”

1 पतरस 1:6

तुऔं इनु सौबी चीज़ौ कै बारै मुंजी खुश हौणौ चैंई, चाहै इबी दैणिक सौमय कारिए कैई भान्त कै पौरैशानै तुऔं दुखी कौरौ।

1 पतरस 2:15

पौरमेशवर चांव कै तुऐं आपणै भले कामौ कै दवारा तोंवारै खिलाफ गौलत आरोप लाणौ वाल़ै मूर्ख लोगौ का मुँह बौन्द कौरे सौकौ जू पौरमेशवर कै ना जाणौ।

1 पतरस 2:20

पौरौ जै तुऔं गौलत कौरणौ कारिए पीटौ, तौ सौजा भैटणौ पांदी सब्र राखैयौ तोंवारै तारीफ कौरणौ कै कुणजै बौजैह ना आथी। पौरौ जै भोलाए कौरणौ कै बौजैह शै तुऔं दुख सैहणा पौड़ौ औरौ सब्र राखौ, तौ पौरमेशवर खुश हौंव।

1 पतरस 3:14

पौरौ जै तुऐं सोही औसौ औरौ ऐजौ कौरणौ कै बौजैह शै तुऐं दुख सैहलै तौ पौरमेशवर तुऔं आशीष दैंदा। तैशैखै कौरौ जैशै याशायाहै लैखै राए थियु: “तिनु लोगौ दै नी डौरेया, जू तुऔं डौरांव औरौ इयौं बातौ कै फिकर नी कौरेया कै लोग का कौरे सौकौ।”

1 पतरस 4:15

तुऔं मुंजीदै कुणिए आदमी खूनी या चोर, या कुकर्मी हौणौ पांदी, या पराए काम दै हाथ पाणौ कै बौजैह शै दुख ना पांव।

1 पतरस 4:19

इथकारिए, जू लोग तैशैखैई दुख सैहलै जैशै पौरमेशवर कै इछा हौंव, तिनु आपणी आत्मा पौरमेशवर कै दैणौ कारिए तैसी पांदी भोरोशा राखणा चैंई, जैणै तिनुखै बाणै राए। पौरमेशवर हमैशा सैजौ कौरौ जिथु कौरणौ का वादा तैणै कौरे राए थिया औरौ इथकारिए तुऐं सैजौ कौरणौ जारी राखौ जू आछौ औसौ।