1 पतरस 3:11 - सिरमौरी नौवाँ नियम

¹¹ तैसी निशोंक हौयौ सैजौ बंद कौरे दैणौ चैंई जू बुरु औसौ। इथकै बजाय, तैसी सैजौई कौरणौ चैंई जू आछौ औसौ। ओकी कै साथै शान्तै शै रौणौ कारिए कड़ी मैहनत कौरौ।

Sirmouri

¹¹ परह् बुराई का साथ छुड़ो, अरह् भलाऐ ही करह्; सेजी शाँण्त्ति की खोज करह्, अरह् तिन्दे का पालन करह्।

1 पतरस 3:11 ပူးပေါင်းရင်းမြစ်များ

मत्ती 5:45

जिथलैई तुऐं आपणै स्वर्गीय पिता कै नानड़िया ठोरल़ै जिथुखै सै भले औरौ बुरै लोगौ पांदी आपणौ पेयाशो प्रगट कौरौ, औरौ धरमी औरौ अधरमी लोगौ पांदी बारिश बरसांव।

मत्ती 5:9

“धन्‍य औसौ, सैजै जू मैल कौरवाणौवाल़ै औसौ, जिथुखै सै पौरमेशवर कै नानड़िया बौल़ै जालै।”

मत्ती 6:13

‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

मरकुस 14:7

कंगाल तौ तोंवारै साथै सौदा रौंव, औरौ तुऐं जौल़ौ चांव तोलो तिनुआरी भोलाए कौरे सौकौ, पौरौ हांव तोंवारै साथै सौदा ना रौंदा।

लूका 1:79

कै जू लोग इनारै दै औरौ सौदा कै मौत कै खतरै दै औसौ तिनुकै पेयाशो भैटी सौकौ। औरौ ऐजौ पेयाशो आमु जीवन की बाटो पांदी लोए जांदो जू आमु पौरमेशवर कै साथै शान्तै दैलौ।”

लूका 6:35

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

लूका 6:9

यीशुए तिनुखै बौल़ौ, “हांव तुऔं खै ऐजौ पूछु कै विशांव कै दूसै भोलाए कौरणै का ठीक औसौ या बुराए कौरणै, प्राणो खै बौचाणा या मारणा? या खत्म कौर दैणौ?”

यूहन्ना 17:15

हांव ऐजै बिन्ती ना कौरु, कै तू तिनुकै दुनिया पौरैशै उठाए दै, पौरौ ऐजौ कै तू तिनुकै तैसी दुष्ट शैतान कैईंदै बौचायौ राख।

रोमियों 12:18

जांव तौड़ी हौए सौकौ, सौबी आदमी कै साथै मैल मिलाप राखौ।

रोमियों 14:17

जिथुकै पौरमेशवर कै राज्य दो खाणौ पिणु खास ना आथी। खास बात ऐजी औसौ कै पौरमेशवर कै साथै सोही जीवन जिणा, पवित्र आत्मा दै शान्तै औरौ खुशी औसौ।

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

रोमियों 5:1

इथकारिए जोबै आमै आपणै बिशवाश लैई धरमी बौणै गौवै, तौ अमारै प्रभु यीशु मसीह कै दवारा पौरमेशवर कै साथै अमारा मेलमिलाप हौए रोआ।

रोमियों 7:19

जिथुकै जैसी आछै कामौ कै हांव इछा कौरु, सैजौ तौ ना कौरु, पौरौ जिनु बुराई कै इछा ना कौरु, सैजौई कौरेया कौरु।

रोमियों 7:21

तौ हांव ऐजै नियम पोऊँ कै जोबै भोलाए कौरणौ कै इछा कौरु, तौ हांव सैजौ कौरु जू बुरु औसौ।

रोमियों 8:6

आपणै पापी स्‍वभाव कै आपणै मन पांदी काबू दैणा मौत कै ढौबौ लौय जांव। पौरौ आत्मा कै आपणै मन पांदी काबू दैणौ शै जीवन औरौ शान्तै भैटौ।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

गलातियौं 6:10

इथकारिए जिथै तौड़ी मौका भैटौ, आमु सौबी लोगौ खै साथै भोलाए कौरणी चैंई; खास तौर शै साथी बिशवाशी कै साथै।

कुलुस्सियों 3:15

औरौ सैजै शान्तै जू मसीह दैंव तियौं आपणै दिल दै राज कौरणौ दैव जिथुकै तुऐं सौबै ऐकैई शोरीर कै अंग औसौ। इथकारिए तुऔं ऐकी दुजैआरी शान्तै शै रौणौ कारिए बौएदै राए। औरौ सौदा पौरमेशवर का धन्यवाद कौरदै रौव।

1 तीमुथियुस 6:18

तिनु जादा शै जादा भले काम कौरणौ कारिए बौल औरौ ओकी कारिए जू बै जौरुरी औसौ तिथु बौड़ी दया कै साथै बांडो।

इब्रानियों 12:14

सौबीआरी मैल-मिलाप राखौ, औरौ ऐक पवित्र जीवन जिणौ कै कौचिश कौरणै चैंई जिथकै बिना कुणिए प्रभु खै कौलोंई बै ना दैख सौकौ।

इब्रानियों 13:16

पौरौ भोलाए कौरणै औरौ जू किछै तुंवागै औसौ तिथु जौरुरतमंद कै दैणौ चैंई। जिथुकै पौरमेशवर ऐशणै बलिदानों लैई खुश हौंव।

याकूब 4:17

इथकारिए जू भोलाए कौरणा जाणौए औरौ ना कौरौ, तैसी कारिए ऐजा पाप औसौ।

1 पतरस 3:12

जिथुकै प्रभु कै नज़र तिनु लोगौ पांदी रौंव जू सैजौई कौरौ जू सोही औसौ औरौ सै हमैशा तिनकै प्रार्थनाए शुणणौ कारिए तैयार औसौ। पौरौ पौरमेशवर तिनु लोगौ कै खिलाफ काम कौरौ जू बुराए कौरौ।”

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।