1 पतरस 3:1 - सिरमौरी नौवाँ नियम

¹ ओए रै घोरवाल़ियो, आपणै घोरवाल़ै कै ऐशै अधीन रौव जैशै तुऐं प्रभु कै अधीन रौंव। इथकारिए कै जै इनु मुंजीदै कुणिए ऐशणै हौलै जू वचन खै ना मानौ,

Sirmouri

¹ हे घरवाल़ियों, तुँऐं भे आप्णे घरवाल़े के बंष दी रंह्, ईन्देंखे के जे कुँऐं ईनू मुँझ्शे ऐशे हों जू बचन ने मान्दे,

1 पतरस 3:1 ပူးပေါင်းရင်းမြစ်များ

मत्ती 18:15

“जै तैरा बिशवाशी भाई तैरै खिलाफ पाप कौरौ, तौ जा औरौ इकली बातचीत कौरेयौ तैसीखै सौमझा; जै सै तैरी शुणल़ा औरौ पाप कौरणा छोड़ दैला तौ तुऐं आपणै भाई खै हासिल कौरे पाए।

रोमियों 10:16

पौरौ सौबीए तैसी सुसमाचार पांदी बिशवाश ना कौरी। पौरमेशवर कै बातौ बौताणौवाल़ै यशायाहै बौल़ौ, “ओए रै प्रभु, कोसीए बै अमारै सौंदेश पांदी बिशवाश ना कौरी।”

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

रोमियों 7:2

बैयाएयौंदे बैटमाणिश नियम कै हिसाब शै आपणै घोरवाल़ै कै जीतै जी तैसीआरी जोड़ेयौंदे औसौ, पौरौ जै घोरवाल़ा मौरे जांव, तौ सै घोरवाल़ै कै नियम पौरैशै छुटै गौए।

1 कुरिन्थियों 11:3

पौरौ हांव चोऊं कै तुऐं सौबै बातौ जाणै पाव कै सौबी मर्दो कौ मुंड मसीह औसौ, औरौ सौबी घोरवाल़ी कौ मुंड तियौंका घोरवाल़ा औसौ, औरौ मसीह कौ मुंड पौरमेशवर औसौ।

1 कुरिन्थियों 14:34

कै कलीसियाओं दी बैटमाणिशौ चुपी रौंव, तिनुखै तिथै बात कौरणौ कै आज्ञा ना आथी, जू कि मूसा कै कानून कै हिसाब शै सोही औसौ कै सै अधीन बौणेयौंदी रौंव।

1 कुरिन्थियों 7:16

ओए रै बिशवाशी घोरवाल़ी तुऔं याद रौणौ चैंई कै शायद तुंआरी बौजैह शै तोंवारै घोरवाल़ै बै आपणै पाप छोड़ेयौ मसीही बौणै सौकौ। ओए रै बिशवाशी घोरवाल़ै तुऔं बै याद रौणौ चैंई कै शायद तुंआरी बौजैह शै तुंआरी घोरवाल़ी बै आपणै पाप छोड़ेयौ मसीही बौणै सौकौ।

इफिसियों 5:33

पौरौ ऐजौ तुऔं पांदी बै लागू हौंव तुऔं मुंजीदै सौबै आपणी घोरवाल़ी आरी आपणै जैशणा प्यार राखौ, औरौ घोरवाल़ी बै आपणै घोरवाल़ै का आदर कौरौ।

कुलुस्सियों 3:18

ओए रै घोरवाल़ियो आपणै-आपणै घोरवाल़ै कै अधीन रौव, जिथुकै मसीह कै पौछौड़ियौ हांडणौ वाल़ै कारिए ऐजौ सोही औसौ।

कुलुस्सियों 4:5

हर मोके का आछै शै इस्तैमाल कौरौ ऐजौ दिखाणौ कारिए कै तुऐं बिशवाशी औसौ औरौ जू लोग यीशु पांदी बिशवाश ना कौरौ तिनकै साथै बुध्‍दिमानी शै बर्ताव कौरौ।

2 थिस्सलुनीकियों 1:8

जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

इब्रानियों 11:8

बिशवाश लैई अब्राहम जोबै पौरमेशवरे तैसी ऐकी जौगैह पांदी जाणौ कारिए बौईदा तौ आज्ञा मानैयौ ऐशणै जौगैह दा हौटा जू पौरमेशवर तैसी आपणै जायदात कै रुप दा दैणा चांव थिया औरौ ऐजौ ना जाणौ थिया, कै हांव कुकै जांदा; तोबै बै हौटै गौआ।

इब्रानियों 5:9

पौरमेशवरे मलिकिसिदक कै जैशणा तैसी महायहूदी पुरोहित का आदर दिया औरौ तैसी सिध्द बाणा औरौ सै तिनु सौबी लोगौ कै खातिर मोक्ति कै शुरुआत बौणै गौआ जू तैसकी आज्ञा मानौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 3:2

तौ बै सै तोंवारै डौर सहित पवित्र चाल-चलन खै दैखैयो यीशु मसीह पांदी बिशवाश कौरदै। तुऔं किछै बौलणौ कै जौरुरत ही ना पौड़दै।

1 पतरस 3:7

ऐशैखैई ओए रै घोरवाल़ै, तुऐं आपणी घोरवाल़ी कै साथै मैल-मिलाप शै रौंव, औरौ तिनकै मौदद कौरणौ कै बारै मुंजी सोंचैया कौरौ औरौ तुऔं ऐजौ याद राखणौ चैंई कै सै कमजोर औसौ, इथकारिए तुऔं तिनकै इज्जत कौरणै चैंई। जिथुकै तुऐं दुईनै ही तैसी वरदान खै साझा कौरौ जू पौरमेशवरे अनुग्रह शै तुऔं दैय राए, यानी सौदा कै जिन्दगी का वरदान। जै तुऐं ऐशै कौरलै, तौ पौरमेशवर तोंवारै प्रार्थनांव कै शुणदाए।

1 पतरस 4:17

जिथुकै न्याय कौरणौ का सौमय आए गौआ, कै आगै पौरमेशवर कै लोगौ का न्याय हौंदा, औरौ जोबै कै सै आगै आमु बिशवाशियौं का न्याय कौरदा, इथकारिए तिनु खतरनाक चीज़ौ कै बारै मुंजी सुंचौ जू तिनु लोगौ कै साथै हौंदी जू पौरमेशवर कै सुसमाचार खै ना मानौ।