1 पतरस 2:4 - सिरमौरी नौवाँ नियम

^4-5 प्रभु यीशु कै तुलना ऐक जियुंदी पाथर आरी कौरे राए। तैसी पाथर खै आदमीए बैगाए दिया थिया जिथुकै तिनुऐ बौल़ौ कै सै बैकार थिया। पौरौ पौरमेशवर कै नज़र दा, सै बैजाए कीमती औसौ, औरौ पौरमेशवरे तियौं नीयुं खै खास पाथर कै रुप दा चोणे राए। औरौ ओए रै साथी बिशवाशी भाईयों तुऐं बै प्रभु यीशु कै धोरे आव, ताकि तुऐं बै तैसकै दवारा तिनु जियुंदी पाथरो कै जैशणै बाणै जांव जू पौरमेशवर कै आराधना का घोर बाणणौ कारिए इस्तैमाल हौंव। तैणै तुऔं बै पवित्र यहूदी पुरोहित बाणै राए। जिथुकै जैशै यहूदी पुरोहित पौरमेशवर खै भैंट चौढ़ांव, तैशैखैई तुऐं बै भैंट कै रुप दै आपणै दिल पौरमेशवर खै चौढ़ाव। औरौ सैजी भैंट पौरमेशवर खै खुश कौरौ जिथुकै तुऐं यीशु मसीह कै औसौ।

Sirmouri

⁴ प्रभू यीशू मसीया के नंजीक आओ। से जीऊँदा पाथर जेष्णाँ असो। तिनू संईसारी के लोगे निकारा बाँणा, परह् जू पंणमिश्वर खे किम्मत्ती असो, अरह् जिनू तिन्ऐं आपु चूंणी-छ़ाँटी थुऐ।

1 पतरस 2:4 ပူးပေါင်းရင်းမြစ်များ

मत्ती 11:28

“ओए रै सौबै मैहनत कौरणौवाल़ै औरौ बोझ शै दोबैयौंदे लोगौ, मैरै धोरे आंव, हांव तुऔं खै विशांव दैंदा।

मत्ती 12:18

“दैखौ, ऐजा मैरा सेवक औसौ, जैसीखै मोऐं चोणे राए, मैरा प्यारा, जैसी शै मैरा मन खुशी औसौ: हांव आपणा पवित्र आत्मा तैसी पांदी पोऊंबा औरौ सै सौबी बैगानै यहूदी लोगौ खै न्याय का समाचार प्रचार कौरदा।

मत्ती 21:42

यीशुए तिनुखै बौल़ौ, “का तुऐं पवित्र शास्त्र दौ ऐजौ ना पौढ़ै रैई कै: ‘जैसी पाथरो कै मिस्रिए फेरकाए दिया थिया, सैजा पाथर चट्टान बौणै गौआ; पौरमेशवरे ऐजौ कियु, जू तैणै कौरे राए तियौं बातौ पांदी आमै बौहितै हैरान हुवे।’”

यूहन्ना 14:19

तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 5:26

जिथुकै जैशैकै पिता पौरमेशवर आपणै आपी दा जीवन राखौ तैशैकैई तैणै मुखै बै जू तैसका बैटा औसौ ऐजा औधिकार दैय राए कै आपी दा जीवन राखु।

यूहन्ना 5:40

तोबै बै तुऐं सौदा कै जिन्दगी पाणौ कारिए मैरै धोरे आणौ ना चांव।

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

यूहन्ना 6:57

मैरा पिता पौरमेशवर जैणै मुखै भैज राए सै जीवन दैंव। जैशैकै तैणै मुखै जीवन दैय राए तैशैकैई हांव बै तैसी आदमी कै जीवन दियुंबा जू मैरै शोरीर कै खांव।

रोमियों 5:10

जिथुकै जोबै आमै पौरमेशवर कै बौयरै थिए तौ तैसकै बैटै कै मौत कै दवारा तैणै अमारै साथै मैल-मिलाप बाणा, इथकारिए आमु निशोंक हौयौ ऐजै बात जाणुए कै अमारा तैसकै साथै मैल-मिलाप का सौमझौता हौए रौआ तौ सै आमु बौचांदा जिथुकै मसीह जियुंदी औसौ।

1 कुरिन्थियों 3:11

कोसी खै बै तुऔं बौचाणौ का नौवाँ तरीका ना शिखणा चैंई। बौचाए जाणौ का एकमात्र रास्ता यीशु मसीह ही औसौ, जू मोऐं आगै ही तुऔं बौताए राए थिया: पौरमेशवर आमु यीशु मसीह कै जरिए शै बौचांव।

कुलुस्सियों 3:4

मसीह जू तुऔं नोऐं जिन्दगी दैंव, जोबै सै इयौं धोरती पांदी औटेयौ पाछु आन्दा, तोबै तुऐं बै तैसकै साथै आन्दै औरौ तैसकै महिमा दै शामिल हौए जांदै।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

1 पतरस 2:7

ऐजा पाथर तोंवारै खातिर बैजाए कीमती औसौ तुऔं कारिए जू यीशु मसीह पांदी बिशवाश कौरौ। पौरौ जू लोग तैसी पांदी बिशवाश ना कौरौ तिनकै बारै मुंजी पवित्र शास्त्र बौल़ौ, “राजमिस्‍त्रीए जैसी पाथर कै इस्तैमाल कौरणौ शै मौना कौरे दिया, सैजा इमारत कै नीयुं दा सौबिदा खास पाथर बौणै गौआ।”

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

2 पतरस 1:4

इनु सौबी ठुँ लैई पौरमेशवरे आमु बैजाए महान औरौ अनौखै वरदान दैय राए जिथका तैणै वादा कौरे राए थिया। ताकि इनु वरदानो का इस्तैमाल कौरेयौ आमु दुनिया कै तिनु बुरी इछाओं शै बौचै सौकु जू लोगौ खै नाश कौरौ, औरौ पौरमेशवर कै स्‍वभाव दै ऐक हिस्सा हौए सौकु।