1 पतरस 2:2 - सिरमौरी नौवाँ नियम

² हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।

Sirmouri

² जेष्णें नुऐं जन्में नहाँन्ड़िया के दूधो की हिछ़या हों, तेष्णीं ही तुँऐं भे शुद्ध आत्त्मिक दूध की हिछ़या करह्; तिन्दे लई तुँवारी बड़ोत्री अरह् छूट्कारा हों।

1 पतरस 2:2 ပူးပေါင်းရင်းမြစ်များ

मत्ती 18:3

औरौ बौल़ौ, “हांव तुऔं खै साचौ बुलू, जै तुऐं आपणै पापौ शै ना फिरले औरौ नानड़िया कै जैशणै ना बोणले, तौ स्वर्ग कै राज्य दै ना जाए सौकदै।

मत्ती 19:14

यीशुए बौल़ौ, “नानड़िया खै मैरै धोरे आणौ दैव औरौ इनुखै मोना नी कौरौ, जू कुणिए नानड़िया कै जैशणा भोरोशा कौरौ सैजैई लोग स्वर्ग कै राज्य दै रोन्दै।”

मरकुस 10:15

हांव तुऔं खै साचौ बुलू, कै जू कुणिए पौरमेशवर कै राज्य खै नानड़िया कै जैशणा अपनांव, सैजै तिंदै जाए सौकौ।”

लूका 18:17

हांव तुऔं खै साचौ बुलू, कै जू कुणिए पौरमेशवर कै राज्य खै नानड़िया कै जैशणा मानलै, सैजै तिंदै जाए सौकौ।”

रोमियों 6:4

इथकारिए जोबै आमुए बपतिस्मा लौआ तौ ऐजौ ऐशै थियु जैशै आमु मसीह कै साथै मौरे गौवै औरौ तैसकै साथै दफनाए बै दियै। ताकि जैशैखै मसीह, पौरमेशवर पिता कै महिमा कै दवारा मौरेयौंदे मुंजीदा जियुंदी हौए गौआ, तैशैखैई आमै बै ऐक नौवें तरीकै शै जीवन जिंदै।

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

इफिसियों 2:21

मसीह सैजा औसौ जू पूरै घोरो कै ऐक साथै जौड़ेयौ राखौ। तैणै पौरमेशवर कारिए ऐक पवित्र मन्‍दिर बौणाणौ कारिए, आपणै सौबी लोगौ कै ऐक साथै जोड़े लौवै।

इफिसियों 4:15

बल्कि, प्यार शै साचौ बौलेयौ, आमु सौबी बातौ दै मोजबूत औरौ मसीह कै जैशणै हौए जांव, जू आपणै शोरीर यानी कलीसिया को मुंड औसौ।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

1 पतरस 1:23

तुऔं ऐकी दुजैआरी प्यार कौरणा चैंई जिथुकै तुऔं पौरमेशवर कै ढौबौशा ऐक नौवाँ जीवन भैटी रौआ। तुऔं खै ऐजा जीवन कोसी ऐशणी चीज़ौ लैई ना भैटी रैई, जू नाश हौए जांदी पौरौ किछै ऐशणी चीज़ौ लैई भैटी रौआ जू हमैशा रौंदी। मतलब, आमु ऐजा नौवाँ जीवन पौरमेशवर कै जियुंदी औरौ सौदा कै वचन शै भैटी रौआ।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।